25 dagar í 80 kg ;)

Hvað haldiði að hún Lena hafi gert? Hún var svo yndisleg að koma mér þokkalega á óvart og senda mér glaðning í póstinum með nokkrum kolvetnasnauðum vörum. Ástarþakkir Lena, ég bara gapti þegar ég fékk pakkann :D Er búin að smakka hlaupið, frábært að fá smá tilbreytingu frá súkkulaðinu, þ.e. prófa annað nammi ;) Það eru nú ekki nema 220 kkal. í pokanum, hins vegar um 913 KJ sem er önnur mælieining á orku. Enn og aftur takk, takk. Þetta var sko verulega skemmtilegur glaðningur :D

Annars þá var ég að lesa mér aðeins til á netinu um maltitol og önnur sykuralkóhól. Þau virðast ekki vera alveg eins saklaus og framleiðendur kolvetnissnauðra vara vilja meina. Þeir telja margir hverjir kolvetni frá sykuralkóhólum ekkert með, þ.e. að þau eigi bara öll að draga frá heildarkolvetnamagni í vörunni. Aðrir vilja meina að það eigi að reikna með 0,5 g kolvetni fyrir hvert gramm af sykuralkóhóli og svo eru þeir sem eru á þeirri skoðun að þessi kolvetni eigi öll að reiknast með.

Málið er að sykuralkóhól eru auðvitað kolvetni, en þau frásogast yfirleitt mun hægar en önnur kolvetni, eða bara mjög lítið, og hafa þannig óveruleg áhrif á blóðsykurinn. En það er einmitt þetta sem virðist vera einstaklingsbundið. Sumir geta étið og étið eins og þeir vilja af vörum með sykuralkóhólum og það hefur engin áhrif á þyngdartapið, á meðan aðrir finna fyrir því að þessar vörur virkilega hafa áhrif og þurfa því einnig að passa magn sykuralkóhóla. Einhversstaðar las ég að hjá þeim sem þola það að borða sykuralkóhólvörur án þess að það hafi áhrif á þyngdartapið, finni þá frekar fyrir gasmyndun í meltingarvegi og jafnvel niðurgangi. En það er vegna þess að þá fara sykuralkóhólin að mestu ómelt í gegn og hafa þessu áhrif á meltingarkerfið. Ég virðist sem betur fer vera ein af þeim sem þolir að borða sykuralkóhól, allavegana hef ég ekki fundið að það skemmi fyrir þyngdartapinu, og eins þá er nú stundum ansi mikið loft í mér ef ég borða töluvert af þessu, eins og grey kallinn fær að finna fyrir núna eftir hlaupátið mitt, hahaha :Þ

En ég verð nú að segja að ég er í svo góðu skapi þessa dagana, frábært að vera komin á skrið eftir langa stöðnun. Mér gengur bara mjög vel dag eftir dag :D Fór í rætina áðan og er nýbúin að borða rosa góðan mat og líður alveg frábærlega :D Svona var matseðill dagsins:

Morgunmatur: Egg og beikon.
Hádegismatur: Smá svínastrimlarestir og léttsteikt grænmeti frá í gær, 1 sneið Lindbergbrauð með L&L, osti og spægipylsu.
Orkubiti: Ca 30 grömm kolvetnasnautt súkkulaði og 30 grömm kolvetnasnautt hlaup frá Lenu sætu :D
Kvöldmatur: Grillkjöt, bæði nauta og svínakjöt, ásamt majoneshrásalati.

Þetta var svo hrikalega góður kvöldmatur, yndislega meyrt og gott kjöt sem gjörsamlega bráðnaði uppi í manni. En vá hvað það eru margar hitaeiningar í svona majoneshrásalati, en ég bara leyfði mér það samt. Dagurinn var því pínu kaloríuríkur, eða um 1670 kkal., en kolvetnamagnið var ágætt, þ.e. ca 27 grömm kolvetni. Nú hef ég alltaf reiknað svona 5% af kolvetnunum frá sykuralkóhólum með og ég ætla bara að halda þeirri reikningsaðferð áfram, hefur allavegana virkað fyrir mig.

26 dagar í 80 kg ;)

Þetta er barasta búið að vera fínn dagur. Búin að standa mig vel í mataræðinu og fór líka í ræktina. Mér virðist bara ætla að ganga vel að standa við það að fara svona 4 sinnum í viku. Það allvegana virkar rosalega vel fyrir mig að ákveða hlutina svona fyrirfram, þá stend ég miklu frekar við það. T.d. setti ég mér alveg plan í síðustu viku, fara 4 ákveðna daga í ræktina, og ég stóð alveg við það. Ætla að gera það sama í þessari viku. Þetta er alveg eins og þegar ég fer á Orbitrekkið. Ef ég ákveð fyrirfram að púla í 30 mín, þá bara geri ég það. Ef ég hins vegar ákveð að taka bara 20 mín þennan daginn þá finnst mér ég ekki geta mínútu meira ;) Gerði magaæfingar eins og alltaf í dag, gat nú rétt gert ca 2 x 12 fyrst þegar ég byrjaði að æfa. En svo ákvað ég einn daginn að nú geri ég 2 x 15 og bara gerði það, og í dag ákvað ég að gera 20 + 15... var nú alveg búin eftir það, hahaha. Ég geri reyndar magaæfingarnar ekki þannig að ég ligg og hífi mig upp, heldur hálfsit ég og læt mig síga niður en fer aldrei alveg niður í gólf, þær taka aðeins meira í. En allavegana þá er það greinilegt að hugurinn og viljinn ber mann ansi langt.

Svo þykist ég vera farin að sjá móta fyrir axlavöðvum og upphandleggjavöðvum, hahaha, sér það örugglega enginn annar. Ja, kannski með MJÖÖÖG góðum vilja ;) Ég fíla vel að vera í svolítið þröngum bol að æfa, sé þá betur hvernig ég breytist í laginu... eða á vonandi eftir að sjá það ;) Mér er nokk sama þótt liðið þarni sjái fellingarnar á mér bunga út undir bolnum, tíhí ;þ

Matarlega var dagurinn á þessa leið:

Morgunmatur: 2 Lindbergbrauð með smurosti og skinku annars vegar og L&L og osti hins vegar.
Hádegismatur: Ferskt salat með rækjum og pínu dressing, smá eggjahræra og spekeskinka (hrá reykt skinka, ekta norskt sko ;).
Orkubiti: ca 15 grömm kolvetnasnautt súkkulaði.
Kvöldmatur: Pönnusteiktir svínakjötsstrimlar ásamt léttsteiktu grænmeti, oggulítil rjómasoðsósa.
Kvöldnart: 30 grömm kolvetnasnautt mjólkursúkkulaði.

Heildin gerir ca 1215 kkal. og 35 grömm kolvetni. Mjólkursúkkulaðið er kolvetnaríkara en þetta dökka sem ég borða vanalega. Mjólkursúkkulaðið er bara voða gott og svona mildara bragð, en það er náttúrulega mjólkursykur í því sem ekki er í hinu.

Frí á morgun, jibbí, jibbí :D

Það sem ég borðaði í gær

Svona fyrir þær sem vilja vita ;)

Morgunmatur: Egg og beikon.
Hádegismatur: Ca 30 gr kolvetnasnautt súkkulaði (það var þá hádegismatur).
Miðdegisverður: 2 litlar laxabollur, smá roastbeef, eggjahræra og smá grænmeti (tilbúin kaldur diskur í vinnunni).
Orkubiti: 100 gr kolvetnasnautt súkkulaði (omg, fékk sko illt í magann, hahaha).
Nætursnarl: 1 lítil kjúklingabringa.

Amm, þetta var frekar skrítinn og óskipulagður matseðill. Fríkaði út í súkkulaðiáti, borðaði engan hádegismat... en það var reyndar vegna þess að ég borðaði morgunmatinn svo seint að ég var ekkert svöng um hádegið. Svo fór ég í nudd og svo vinnu og komst ekkert til að borða fyrr en um kl. 17. Nartaði svo í súkkulaði á hlaupum allt kvöldið og fékk mér svo kjúklingabringuna þegar ég kom heim af kvöldvaktinni. Mataræðið verður betra í dag.

27 dagar í 80 kg ;)

Á ég eitthvað að vera að skrifa hér allt sem ég borða, nennið þið að lesa það? Kannski ég ætti að láta bara duga að setja inn kaloríur og kolvetni dagsins. Hvað segið þið?

En ég fór ekki í leikfimi í dag því ég var sko búin að panta mér tíma í NUDD!!! Loksins! Þannig að ég fór í yndislegt nudd, sem var rosalega gott fyrir þreytt bak og axlir og auma vöðva. Síðan lallaði ég mér í vinnuna og er bara tiltölulega nýkomin heim. Það var ferlega mikið að gera í kvöld, en ég borðaði nú samt miðdegisverð. Svo var ég ferlega svöng þegar ég kom heim og fékk mér eina litla kjúklingabringu, sem var afgangur frá í gær. Dagurinn í dag gerði ca 1280 kkal. og 23 grömm kolvetni.

Á morgun er ég á dagvakt og ég ætla að skreppa í leikfimi einhverntíman eftir vinnu. Síðan er ég komin í frí fram á föstudagskvöld, en ég er á næturvöktum um helgina. Það þarf sko þokkalega að taka íbúðina í gegn hér heima svo ég ætla að reyna að gera það þegar ég er í fríi ;)

En ó hvað ég vona að ég verði komin í 80 kg, og helst niður fyrir 80, þann 25. júlí. Það væri miklu skemmtilegra að sjá töluna 79,9 heldur en 80,0 þó svo það sé enginn munur í raun, hehehe. En mikill munur fyrir sálina samt ;)

28 dagar í 80 kg ;)

Þessi dagur var óvenju kolvetnaríkur hjá mér. Ég fékk mér Lindbergbrauð í morgunmat og svo leyfði ég mér að narta í uppáhaldshneturnar mínar, bæði um miðjan daginn og í kvöld. Svona var dagurinn:

Morgunmatur: 2 sneiðar Lindbergbrauð með L&L, osti og spægipylsu.
Hádegismatur: Egg og beikon.
Snarl: Ca 30 gr kolvetnasnautt súkkulaði, 25 gr pistasíuhnetur og 25 gr cashew hnetur.
Miðdegisverður: 1 pönnusteikt kjúklingabringa með léttsteiktu grænmeti og smá rjómasósu.
Kvöldsnarl: Ca 20 gr kolvetnasnautt súkkulaði, 25 gr pistasíuhnetur og 25 gr cashew hnetur.

Svolítið matarmikill dagur og kolvetnaríkur, sérstaklega út af hnetunum. En það er samt ágætt kolvetni held ég. En þetta gerði ca 1620 kkal. og 53 grömm kolvetni. Ég var nú reyndar búin að ákveða að hafa þennan sunnudag svolítinn letidag. Fór t.d. ekkert í leikfimi og er bara búin að hafa það gott ;) En ekki halda að ég ætli eitthvað að fara að slaka á, þó svo að þessi dagur hafi verið lélegri en hinir.

Uppskrift af kolvetnasnauðu brauði

Fann voða fína uppskrift í einhverju blaðinu hér, er svona svipað og Lindberg brauðin. Er ekki alveg viss með kolvetnainnihaldið, en ég skrifaði bara það sama og er í þessu brauði sem ég keypti. Þessar korntegundir fást örugglega í heilsubúðum ef þær fást ekki í Hagkaup eða öðrum venjulegum búðum. En hér er uppskriftin.

Fleiri linkar

Ekki á átaksbloggara samt, en ég lagfærði aðeins linkana og setti þarna inn linka á tvær reiknivélar. Eina sem sýnir kolvetnainnihald í fæðutegundum og hina sem sýnir kaloríuinnihald (ásamt fleiru).

Nýjustu tölur :D

Já, takmarkið þessa vikuna var að komast úr 85,4 kg í 84,3 kg. Ég steig á elsku vigtina í morgun og hún sýndi bara hvorki meira né minna en 83,4 kg. Vúhúhúhú!!!! Það fóru sem sagt heil 2 kg þessa vikuna :D

Svona voru sentimetramælingarnar, tölurnar í sviga eru síðan 4. júní. Mittið á mér er komið undir 80 cm :D

Brjóst:............102 cm (104)
Mitti:...............79 cm (82)
Magi...............102 cm (103)
Mjaðmir:..........101 cm (102)
Upphandleggur:.32 cm (33)
Læri:................62 cm (62)
Kálfi:................39 cm (39)

Ekki spurning að þetta er að virka hjá mér. Þá er bara að halda áfram á sömu braut :D

29 dagar í 80 kg ;)

Jæja görlís, nú er sunnudagur á morgun og þá ætla ég að setja inn tölu og mæla ummálin líka. Ég er voða spennt, haha, þó svo ég hafi nú sjálf verið á vigtinni þennan tíma þá er það ÐÍ tala á morgun sko :Þ Ég fór í leikfimi í dag, fór reyndar bara í 25 mín á Orbitrekkinu í þetta skiptið, en tók vel á í tækjunum. Ég vaknaði ekki fyrr en rétt fyrir hádegi svo það var enginn morgunmatur hjá mér í dag. Svona var dagurinn:

Hádegismatur: Grilled chicken bacon ranch salat frá MacDonalds og dressing með. 3 litlar skeiðar ís með súkkulaðisósu.
Orkubiti: 2 kolvetnissnauðar kexkökur.
Kvöldmatur: 2 litlir hamborgarar (ekki í brauði) með léttsteiktu grænmeti og smá dressingu.
Kvöldsnarl: 45 gr. Beikon snakk.

Ég var ekki komin nema rétt í 1000 kkal. eftir kvöldmatinn, en samt 39 grömm kolvetni, svo ég fékk mér svona Beikon snakk, en þetta er í raun eiginlega bara fita. Djúpsteikt svínapura, hehehe. Alveg ágætis snakk og allt í lagi þegar maður er á kolvetnissnauða. Svo vantaði mig líka nokkrar kaloríur þarna ;) Þannig að í heildina gerir þessi dagur ca 1360 kkal. og 39 grömm kolvetni. Reyndar veit ég ekki nákvæmlega hvað það eru margar kaloríur í einum svona poka af Beikon snakki, en ég slumpaði bara. það nefninlega stendur ekkert utan á pokanum. En þetta er ekkert neitt voða lítill poki þó það séu bara 45 grömm, þetta er svo létt. Ég er pakksödd núna og þarf sko ekkert meira í kvöld :D En oh, hvað mig vantar harðfisk, hann er alveg tilvalið snakk fyrir þá sem eru á kolvetnissnauðu fæði. Mest prótein og engin kolvetni ;)

MacDonalds og fleira

Ég uppgötvaði að það er hægt að fara inn á heimasíðurnar hjá MacDonalds og barasta finna þar næringargildi í öllum vörunum þeirra. Ekkert smá sniðugt. Sýnist samt ekki vera neinar svona upplýsingar á íslensku MacDonaldssíðunni, en það er allavegana hægt að skoða á dönsku MacDonaldssíðunni og norsku MacDonaldssíðunni. Eflaust svipaður matseðillinn þar og heima á Fróni. Ég borðaði salat á MacDonalds í hádeginu og stalst svo til að fá mér 3 skeiðar af ís með súkkulaði frá krökkunum. Það er ekkert smá ótrúlegt magn af kolvetnum í svona smá skammti. Þetta hafa kannski verið 20 grömm í mesta lagi og það gerir nú bara alveg 5,5 grömm kolvetni... fyrir þrjár lásí skeiðar. Heh! En ég hef vonandi brennt þessu öllu í leikfiminni í dag. Já og svo þarf maður aðeins að passa sig á dressingunni sem fylgir salatinu hjá MacDonalds, og reyndar öllum dressingum. Flestar innihalda nefninlega slatta af sykri. Fá sér bara minna magn ;)

En kallinn er að elda hamborgara, ég ætla bara að fá mér strípaðan borgara með steiktu grænmeti á meðan hinir fá sér í brauði. Skrifa meira seinna í kvöld.

Bara smá ;)

Er að fara að drífa mig í leikfimi, en langaði bara rétt að sýna ykkur mynd af mér í nýju fötunum sem ég keypti um daginn. Þetta er ég í dag sem sagt :D

Komin aftur

Jæja, ég fékk bara ofnæmistöflu og beið svo og beið eftir að fá að hitta lækni. Þegar meira en klukkutími var liðinn leyfði hjúkkan mér að fara heim, því taflan var greinilega farin að virka, útbrotin að dofna og ég ekkert að versna. Er enn svolítið dofin í vörunum, en samt skárri. Fékk bara aðra töflu með mér heim til að taka á morgun. Svo hef ég auðvitað samband ef ég fer eitthvað að versna aftur.

Útbrot

Jahérna hér. Í morgun vaknaði ég með fáránlega dofna efri vör, og smá dofin í neðri, svona eins og þegar deyfing er að fara úr. Svo var ég með upphleypt útbrot á bakinu, öðrum úlnliðnum og framan á ökklunum. Og svo klæjar mig þvílíkt í þetta. Svo hafa útbrotin bara smám saman aukist í dag, er komin með þetta upp að hnjám og í báðar olnbogabæturnar, svo til allt bakið og á axlirnar, á bringunni og á hálsinn. Ein hjúkkuvinkonan mín (íslensk) sem vinnur á bráðamótökunni á Lansanum ráðlagði mér að far til læknis því ég þyrfti líklega eitthvað við þessu. Ég hringdi svo á læknavaktina og þau vilja bara fá mig niðureftir sem fyrst að skoða þetta. Ég er bara að bíða eftir að Bjöggi komi heim svo ég geti skotist niðureftir. Ég er búin að spá og spekulera hvort það sé eitthvað sem gæti hafa valdið þessu, en ég finn ekkert. Ekkert nýtt sem ég hef prófað, hvorki matur, föt né lyf. En jæja, ætli ég fái ekki bara einhverjar töflur og verði svo send heim, hef engin einkenni frá öndunarfærunum svo ekki virðist þetta vera neitt ofnæmislost allavegana ;) Ég hef sko aldrei verið með neitt ofnæmi, en hún Anna María ofurhjúkkan mín segir að þetta geti komið án nokkurrar skýringar stundum. Jæja, kallinn er komminn og ég er farin á læknavaktina.

30 dagar í 80 kg ;)

Og ég er bara farin að halda að ég nái þessu. Allavegana ef mér heldur áfram að ganga svona vel. Ég fór í ræktina áðan og orbitrekkaði í 35 mín, þar af 5 mín CoolDown, og fór svo í gegnum prógrammið mitt í tækjunum. Bara svona eins og venjulega ;) Ég keypti mér einhvern rándýran æfingarbol...eða þannig... kostaði um 3500 kall í ísl. En hann er sko vel þess virði. Þessir venjulegu bómullarbolir sem ég æfði alltaf í pirruðu mig svo mikið þegar ég var farin að svitna almennilega, skárust í hálsinn á mér og bara óþægilegir. En þessi er úr einhverju léttu efni sem hleypir örugglega svitanum mikið í gegn. Allavegana var mjög þægilegt að æfa í honum. Svo er bara næst að kaupa sér buxur í svipuðu efni, tími því bara ekki alveg strax ;) Svo er þetta svona teygjuefni sem er frekar þröngt á manni, hehe, fellingarnar sjást nú ágætlega, en samt finnst mér ég voða mjó i þessu, hahaha. Svo bara veit ég af fyrri reynslu að það er gott að æfa í frekar þröngum fötum (sem eru samt ekki óþægileg) því þá sér maður árangurinn betur... og ÞAÐ er ógeðslega gaman :D Mér finnst líka aðeins vera farið að móta fyrir handleggja- og fótleggjavöðvunum mínum, híhí. Kæmi mér reyndar ekkert á óvart ef ummálið á upphandlegg, læri og kálfa hefði aðeins aukist núna vegna stækkandi vöðva. Kemur í ljós. Ætla að mæla ummálin á sunnudaginn líka ;)

En maturinn í dag já:

Morgunmatur: Egg og beikon.
Hádegismatur: Nautakjöt og grænmeti steikt á pönnu, smá rjómasoðsósa.
Orkubiti: 30 gr kolvetnasnautt súkkulaði.
Kvöldmatur: Salat með rækjum, túnfisk, kræklingi og fetaosti, smá dressing út á.

Samtals gerir þetta ca 1215 kkal. og 17 grömm kolvetni. Ég hugsa því að ég fái mér eitthvað smá meira seinna í kvöld. Passar eflaust ágætlega að fá sér eina sneið af Lindbergbrauði með L&L og osti ;) Brauðið hækkar aðeins kolvetnamagnið, en ég vil helst ekki fara undir 20 grömm á dag. En þetta er svo sem ekkert mikið undir 20 grömmum. Fínt samt að eiga smá inni fyrir kvöldið ;)

Mér finnst vigtin alveg brilliant. Líka bara að loks áttar maður sig almennilega á hvað t.d. svona og svona mikið af þessu og hinu er þungt. Gott að fá smá tilfinningu fyrir þessu ;)

Eldhúsvigt

Haldiði að ég hafi bara ekki splæst í þessa flottu digital eldhúsvigt handa mér :D Nú get ég sko vigtað allt sem ég set ofan í mig, híhí. Hún er reyndar ferlega flott, hægt að skipta á milli gramma og oz og líka láta hana mæla í lítrum (ef maður er með vökva). Mælir minnst 1g og mest 5 kg. Er sko svaka ánægð með hana. Hún var svo sem ekkert alveg ókeypis, en ég held að hún sé vel þess virði. Líka bara sem bökunarvigt :D

Annars er ég búin að skammta mér nammi í kvöld, á kolvetnasnauðar kexkökur. Eða þetta er eiginlega eins svipað og ískex, með súkkulaði ofan á. Ætla að leyfa mér 4 svoleiðis í kvöld. Þá eru nýju tölurnar fyrir daginn ca 1500 kkal. og 31 grömm kolvetni ;)

31 dagur í 80 kg ;)

Enn gengur mér vel. Var að borða þennan ljúffenga miðdegisverð og er pakksödd :D Ég var á dagvakt í dag og enn og aftur var svona líka brjálað að gera. Ég passaði mig samt að borða smá um hádegið, eða reyndar komst ég ekki til þess fyrr en klukkan var að verða hálftvö. En svona er dagurinn í dag:

Morgunmatur: Egg og beikon.
Hádegismatur: 2 sneiðar Lindbergbrauð með L&L og osti annars vegar, og smurosti og spægipylsu hins vegar.
Miðdegisverður: Nautakjötssneiðar og grænmeti steikt á pönnu, smá rjómasósa.

Þetta gera ca. 1320 kkal. og 25 grömm kolvetni. Ég er bara mjög sátt við það. Svo sem allt kvöldið eiginlega eftir, klukkan er 19, en ég ætla bara að sjá til hvort ég fæ mér eitthvað eða ekki. Á smá kolvetnasnautt súkkulaði og það má vel vera að ég fái mér smá af því seinna í kvöld.

En ég er hrikalega ánægð með mig, verð nú bara að segja það. Fór ekki í ræktina í dag, en það var líka planað. Ég er nefninlega meira að segja búin að setja upp plan fyrir hreyfinguna þessa vikuna og ætla að gera það svoleiðis áfram. Þ.e. setja vikulegt hreyfingarplan. En ég hjólaði í og úr vinnu í dag og svo fer ég í ræktina á morgun. Mér finnst ótrúlega auðvelt að standa mig þegar ég er búin að setja mér þetta skammtímamarkmið. Hlakka til að sjá og segja ykkur hvað þyngdin verður á sunnudaginn ;)

Hey já! Ég var ekkert smá ánægð í dag. Sko, þegar ég byrjaði að vinna hér í nóvemberlok 2002 þá þurfti ég að nota starfsmannaföt í stærð XXL. Svo eftir að ég byrjaðu í átakinu í janúar 2003 komst ég smám saman í XL og svo í L. Svo var ég að spá í því um daginn að þessi L föt væru nú eiginlega farin að hanga á mér (þau voru sko frekar þröng þegar ég tróð mér í þau fyrst, haha), svo ég ákvað að prófa í dag hvort ég kæmist í M stærð. Og viti menn, ég bara passaði svona líka flott í þau. Jakkinn var meira að segja ekki einu sinni þröngur yfir mjaðmirnar eða brjóstin, eins og L fötin voru á mig þegar ég skipti fyrst yfir úr XL í L :D Þannig að ég fílaði mig alveg úbermjóa í vinnunni í dag, hahaha ;D

32 dagar í 80 kg ;)

Brjálað að gera í vinnunni, ég rétt gat sest niður á hlaupum og borðað smá klukkan rúmlega 17. Svona var maturinn í dag:

Morgunmatur: 1 sneið Lindbergbrauð með L&L og osti.
Hádegismatur: 1 soyapönnukaka með beikoni, grænmeti og smá AB-mjólk sem sósu.
Miðdegisverður: Soðinn þorskur með gulrótum og smá sósu.
Nart: 50 grömm kolvetnasnautt súkkulaði.

Þetta gerði nú ekki meira en ca 980 kkal. og 28 grömm kolvetni.

Svo labbaði ég heim úr vinnunni og er þvílíkt dauðþreytt núna. Sérstaklega í fótunum. Ég ætla ekkert að fá mér neitt meira, enda klukkan orðin margt. Ég ætla bara að skella mér í heitt afslappandi bað og láta þreytuna líða úr mér, og fara svo að sofa.

Já, Chubby er komin aftur úr fríinu, jíha :D

Pönnukökur, namm namm :D

Í morgun þá stökk ég á fætur og gerði krakkana klára fyrir leikskólann, fékk mér eina sneið af Lindbergbrauði með L&L og osti. Keyrði svo krakkana í leikskólann og dreif mig svo í leikfimi. Fór fyrst í 10 mín á stigvélina til að hita upp, fór svo í gegnum æfingaprógrammið mitt í tækjunum, og endaði síðan á að taka 25 mín á Orbitrekkinu (20 mín púl og 5 mín CoolDown). Svo kom ég heim og prófaði þessa fínu soyapönnukökuuppskrift frá Gerrit. Ég setti smá olíu út í og hrærði þetta út með 1 dl af nýmjólk. Gerrit segir að það megi líka nota vatn, prófa það næst því það gefur færri kolvetni. En í hádegismat borðaði ég sem sagt eina svona pönnsu fyllta með fersku grænmeti og steiktum beikonsneiðum, setti smá AB-mjólk út á til að hafa sem dressingu og kryddaði með hvítlaukskryddi. Þetta var alveg svakalega gott fannst mér. Ég lagfærði uppskriftina á uppskriftasíðunni minni og reiknaði líka út kolvetnainnihaldið, svona ca. Mitt soyahveiti inniheldur 34,5 grömm kolvetni í 100 grömmum, svo ég miðaði bara við það. 1 dl mjólk í uppskriftina gefur svolítið þykkar pönnukökur sem henta betur í svona smárétt, en ef vökvamagnið er aukið er örugglega frábært að hafa þetta sem svona þunnar desertpönnsur :D

En ég er ánægð með þessa byrjun á deginum og gaman að fá eitthvað nýtt matarkyns að prófa ;) Ég þarf að druslast á kvöldvakt bráðum, ætla að passa að hafa eitthvað matarkyns með mér sem ég má borða. Það sem ég er búin að borða hingað til í dag gerir ca 500 kkal. og 14 grömm kolvetni. En það er nú helmingurinn af deginum eftir ;) Skrifa meira í kvöld þegar ég kem heim af kvöldvaktinni.

Kvöldtjattið ;)

Ég fékk mér smá kolvetnasnautt súkkulaði áðan, svo nýjar tölur fyrir daginn eru ca 1300 kkal. og 35 grömm kolvetni. Mig dauðlangar í eitthvað meira nart núna, en ég ætla að standast það og drekka bara Tabið mitt. Klukkan er orðin það margt að ég lifi þetta alveg af ;) Er að spá í að prófa jafnvel soyapönnukökurnar hennar Gerrit á morgun. Kannski bara sniðugt að hafa svoleiðis í morgunmat, smá tilbreyting, og fylla með steiktu beikoni, fersku grænmeti og smá dressing eða AB-mjólkursósu. Svona crêpes :D Mér finnst þær líka svo rosalega góðar. Síðan er auðvitað tilvalinn eftirréttur að hafa svona pönnukökur með kolvetnasnauða ísnum mínum ;) Ég setti inn pönnuköku-uppskriftina í uppskriftirnar mínar, bæði undir smáréttir og eftirréttir.

33 dagar í 80 kg ;)

Ég át barasta ekkert meira eftir kvöldmatinn í gær. Drakk bara mitt ómissandi TAB X-tra og hugsaði einfaldlega um það að ég væri ekkert svöng ;)

En í dag hefur þetta farið ofan í mig:

Morgunmatur: 2 sneiðar Lindbergbrauð með Létt og Laggott, skinku og osti.
Hádegismatur: 2 buff með lauk, ferskt salat og smá dressing.
Miðdegisverður: Egg og beikon ásamt léttsteiktu blönduðu grænmeti.

Veit ekki enn hvort það bætist við eitthvað meira í kvöld, það kemur bara í ljós. Ég ætla allavegana ekki að borða nema að ég finni að ég sé svöng. En hingað til þá eru þetta ca. 1220 kkal. og 33 grömm kolvetni. Töluvert fleiri kolvetni en í gær, sem er eflaust vegna brauðsins og líka buffsins, en svona tilbúinn matur inniheldur oft þó nokkuð kolvetni. En ég er enn vel innan marka, auk þess sem kaloríurnar eru fáar. Það er nú líka einn besti kosturinn við þetta fæði, maður borðar ósjálfrátt minna þar sem matarlystin minnkar. Meiri fita og færri kolvetni minnka nefninlega svengdartilfinninguna og maður verður miklu fyrr og lengur saddur :D

Annars þá er ég að hugsa um að setja bara inn vikulegar þyngdartölur á meðan ég er í þessu fimm vikna átaki. Ég sjálf stíg nú daglega á vigtina samt, og ég get allavegana sagt ykkur að hún virðist vera á niðurleið. En ég ætla samt að gera þetta svona núna, hafa smá spennu í þessu fyrir ykkur, hahaha :þ

Díses kræst!!!

Ég skrifaði einn póst og þegar ég publishaði hann þá bara skemmdist öll síðan. Template draslið hefur sem sagt publishast í leiðinni. Sem betur fer var ég svo gáfuð að ég seivaði sourcið á síðunni áður en ég publishaði nýja póstinn. Ég notaðist svo við það og gat kóperað helling beint til að laga síðuna upp á nýtt, en ég sem sagt varð að laga hana alla upp á nýtt. Svona lagað getur sko pirrað mann *urr*

En nú er síðan vonandi í lagi og ég er búin að seiva nýja templatið og geyma í word!!!

Djöfull og helvíti!!!!

Nei, ég var ekkert að klikka á átakinu mínu, búið að ganga mjög vel í dag líka. Skrifa meira um það á eftir. En helvítis Blogger er eitthvað að stríða mér. Ég ætlaði að bæta inn fleiri linkum og þá bara vantar stærstan hlutann af templatinu mínu!!! Skil bara ekkert hvernig það getur hafa horfið. Ég lagaði einn link í dag og seivaði breytingarnar og republishaði, og síðan hef ég ekki gert neitt meir. Þannig að ég er handviss um að ég hef ekki strokað templatið út fyrir einhver mistök. Síðan sjálf er ok þar sem það er ekkert búið að rebublisha þetta drasl sem eftir er af templatinu, en ég get ekki bætt inn neinum linkum nema að þurfa að gera alla síðuna upp á nýtt. GAAAAAAAAAAAAAARRRRRGGGG!!!!!!!! Ég er búin að skrifa Blogger og spyrja þá út í þetta og hvort það sé hægt að redda þessu einhvernvegin. Oh, vonandi! Ég bara nenni ekki að fara að gera allt upp á nýtt, buhuhuhu! Ég hélt að ég hefði seivað templatið hjá mér í Word, en ég get ekki fundið það. Enn meira GARG!!! Ég nefninlega er alltaf vön að seiva þessi template reglulega.

En hér er allavegana linkur á eina átaksgelluna í viðbót: solo

Kannski einhver ykkar linki á hana svo ég geti auðveldlega fundið hana aftur þegar ég get lagað templatið mitt.

Jæja, urr, ætla að fara að elda miðdegisverð.

Meira blaður

Gleymdi að segja ykku að ég fór og keypti soyamjöl áðan. Vona að það sé sama og þetta soyahveiti. Hér heitir þetta bara soyamel. Hveiti er líka mel. Þarf svo að prófa pönnsurnar hennar Gerrit við tækifæri.

Annað sem ég er að velta fyrir mér. Þetta kvöldnart hjá mér er langoftast bara einhver vani held ég, ég er oftast ekkert svöng. Bara einhver fíkn að hafa eitthvað til að narta í á kvöldin. Ég stóð mig að því að hugsa um hvort ég ætti að fá mér eina brauðsneið af Lindbergbrauðinu mínu, en við smá nánari umhugsun þá fann ég að sjálfsögðu að ég er enn pakksödd eftir matinn áðan. Held ég þurfi að fara að hlusta meira á líkamann svona á kvöldin... ég er ekkert svöng!!!

34 dagar í 80 kg ;)

Nú er klukkan 20:15 hér og ég er mjög ánægð með mig í dag. Þetta er það sem ég er búin að borða:

Morgunmatur: Egg og beikon.
Hádegismatur: Léttreyktar laxasneiðar með eggjahræru og grænmeti.
Orkubiti í leikfimi: Próteinstöng.
Kvöldmatur: Steiktir svínastrimlar og grænmeti með smá rjómasoðsósu.

Búið að reikna út hitaeiningar og kolvetnamagn, en þetta gerir ca 1383 kkal. og 24 grömm kolvetni. Ég býst alveg fastlega við að ég narti í eitthvað meira í kvöld, en ég sé að ég má bara alveg leyfa mér smá kvöldsnarl ;)

Annars fór ég í leikfimi og var hrikalega dugleg, hehe. Fór á Orbitrekkið og púlaði vel í 30 mín., og svo svona "cooldown" í 5 mín. Svo fór ég í tækin og rúntaði prógrammið mitt. Reyndar fann ég í miðjum klíðum að blóðsykurinn bara sökk niður, svo ég varð bara að stökkva fram og kaupa mér eina próteinstöng. Hún inniheldur 15 grömm kolvetni. Þannig að þið sjáið að af þessum 24 grömmum af kolvetni koma 15 grömm frá þessari einu stöng, kannski ekki skrítið að blóðsykurinn hafi droppað við þetta púl. Venjulega dugar mér nú að fá mér svona próteinstöng eftir æfinguna, en ég fattaði svo að ég hafði ekkert borðað frá því klukkan 11:30 og þar til ég fór í leikfimina um kl. 18, og klukkan hefur verið svona að verða 19 þegar ég fann að blóðsykurinn datt niður. Það fer ekkert á milli mála; mér verður óglatt, svimar smá og byrja að skjálfa. Varð fljótt betri eftir þessa próteinstöng og kláraði æfingarnar. Svo var ég reyndar enn pínu shaky og smá óglatt þegar ég kom heim, en nú er ég búin að borða almennilega og líður bara stórkostlega ;)

Smá meira plan

Er að hugsa um að vera mjög samviskusöm núna að reikna út kolvetnainnihaldið í matnum sem ég borða. Í dag reiknast mér til að ég sé búin að láta ofan í mig um 31 gramm af kolvetnum og hitaeiningafjöldinn er samtals ca 1460 kkal. Ég held að það sé mjög temmilegt. Ég er alveg pakksödd enn eftir kvöldmatinn.

En ég komst ekki í neinn göngutúr. Grey kallinn minn er enn svo hrikalega slappur og krakkaóþekktarormarnir ekki sofnaðir, svo ég kemst ekkert út :S Verð að drífa mig í leikfimi á morgun.

Fimm vikna áætlunin ;)

Nú eru fimm vikur þar til ég fer í sumarfrí. Ég ætla ekki að gera neina áætlun um að léttast í sumarfríinu, en í staðin þá vil ég reyna að standa mig vel fram að því. Í morgun var ég 85,4 kg og ég ætla bara að miða við þá tölu í upphafi þessarar áætlunar. En sem sagt þá set ég að markmiði að vera komin í 80 kg þann 25. júlí. Ég veit að þetta er svolítið að skjóta yfir markið, þýðir að ég þarf að losna við rúmlega kíló á viku. En ég ætla samt að stefna að þessu. Segir ekki einhversstaðar að það sé best að stefna á stjörnurnar ef þú vilt ná fjallstindinum? Held að það sé bara gott að setja sér svona markmið og hafa einhverja fastsetta stefnu í þessu.

Ég þarf svo að hafa meira skipulag á máltíðunum, helst bara að planleggja þær smá fram í tímann. Í morgun fékk ég mér egg og beikon og í hádeginu ferskt salat með rækjum og fetaosti, smá dressing og svo eina kolvetnasnauða brauðsneið með smurosti, spægipylsu og ostsneiðum. Varð vel södd af því. Er ferlega ánægð með þetta brauð, saðsamt og gott. Hvað ætti maður svo að hafa í kvöldmatinn? Á sko fullt af kjöti í frystinum, best að gramsa smá... sko, fann þarna þetta fína svínasnitzel. Get líka skorið það í strimla og steikt með grænmeti, jömm, jömm.

Því miður komst ég ekki í leikfimi. Fattaði áðan að barnagæslan er lokuð á sunnudögum og elsku, aumingja kallinn minn liggur alveg bakk með slæmt mígrenikast, svo ég get ómögulega skilið krakkana eftir hjá honum *andvarp*. En það er lítið við því að gera. Ég ætti kannski að íhuga að fara í labbitúr í kvöld, finnst það bara svo ferlega leiðinlegt. Sé til. Eitthvað verð ég kannski að leggja á mig ef ég ætla að ná þessu markmiði mínu. Stelpur, nú bið ég ykkur að vera duglegar að hvetja mig og minna mig á að ég ÆTLA að ná þessu markmiði.

Namminamm!

Brauðið var svaka gott. Ég fékk mér 3 sneiðar, en þær eru frekar litlar þannig að þetta samsvarar kannski svona 1 1/2 venjulegri sneið. Kannski ca 40-50 grömm, sem gera ca 10-13 grömm kolvetni. Get alveg lifað með því :D Ætli ég sé ekki búin að neyta svona 20-30 g af kolvetnum í dag, það er ekki mikið.

Humm!

85,7 kg, næstum kílói meira en ég var um daginn. Furðulegt hvað maður getur sveiflast stundum og er samt að gera allt rétt. En jæja, allavegana ekki yfir 86 kg og ég get bara alveg verið sátt, jájá. En leikfimin fór til fjandans. Elsku góði kallinn minn leyfði mér nefninlega að sofa svo afskaplega vel út að ég fór ekki á fætur fyrr en um hálftvö og ég nennti ekki að flýta mér í leikfimi nývöknuð. Svo hringdi tengdamamma og svo horfði ég á á teiknimynd með Örnu á meðan Bjöggi lagði sig með Hjalta. Síðan skruppum við Arna í búðina og nú er klukkan svo margt að það er alveg að fara að loka á heilsuræktarstöðinni. Hehehe, ég sniðug sko ;) En ég sagði við Örnu að hún mætti koma með mér í leikfimi á morgun og hún man það alveg örugglega og rukkar mig um það. Þannig að ég neyðist til að fara á morgun, híhí ;)

Annars fór ég út í heilsubúð áðan og keypti mér kolvetnissnautt súkkulaði og þetta fína brauðmix frá Dr. Lindberg, en það er svaka heilsugúru hér sem predikar um fæði með lágt glýkemískt gildi. Það svipar til kolvetnasnauða fæðisins, en aðaláherslan er á að forðast fæðu sem hækkar blóðsykurinn hratt. Þetta brauðmix inniheldur u.þ.b.helmingi færri kolvetni en venjulegt brauð, þannig að ég ætti að geta leyft mér eina og eina sneið af og til :D Mér reiknast til að það séu svona ca 8 kolvetni í einni venjulegri brauðsneið. Hlakka til að prófa, sniðugt að eiga eitthvað svona sem maður getur leyft sér :D

Feit í dag

Eigið þið ekki svona daga þar sem ykkur finnst þið vera svakalega feitar, og svo aðra þar sem ykkur finnst þið vera að grennast og líður voða vel? Allavegana er það svona hjá mér og í dag er ég feit. Mér er bara búið að finnast ég uppþembd í allan dag. Samt hef ég ekkert svindlað, en eitthvað er það sem fær mig til að finnast ég vera voða feit. Líður eins og ég verði örugglega 86 kg á morgun, ef ekki meira. Skil ekki afhverju.

Ég fór nú samt í Lindex og H&M og keypti mér föt. Keypti dökkar gallabuxur, ferlega flottar, í stærð 44. Svolítið þröngar í mittið, en passa annars svaka flott. Síðan keypti ég mér smart blússu, bláröndótta, líka í stærð 44. Svo loksins keypti ég mér almennilegan brjóstahaldara, í stærð 85-C ;) Svo nú er ég svaka gell, nema bara að ég er feit í dag :Þ

Hæ stelpur!

Alltaf smá þörf hjá mér að tjá mig fyrir svefninn ;) Var á kvöldvakt og gekk mjög vel með mitt mataræði. Búin að fara bloggrúntinn og búin að bæta við einum link ;) Annars hef ég heyrt frá fleiri en einni að þetta Bloggerkommentakerfi sé mjög óhentugt. Þær eru nefninlega nokkrar sem eru ekki skráðar hjá Blogger og hafa það ekki í hyggju, og þær geta bara ekkert kommentað þó þær dauðlangi til. Hafið það í huga þið sem eruð með Blogger-kommentin.

Annars er það orðið opinbert að ég kem til Íslands 30. júlí ásamt familíunni og fer aftur til Noregs 21. ágúst :D

OMG!!!

Steig á vigtina að venju og við mér blasti talan 84,9. Vá! Þetta er það lægsta sem ég hef komist í þessu átaki mínu síðan ég byrjaði fyrir 1 1/2 árí síðan. Sá þessa tölu einhverntíman í nóv-des í fyrra, bara svona einn dag, en ég vona að það sé ekki svoleiðis núna :D Vona allavegana að hún komið fljótlega aftur þó ég verði kannski rúm 85 á morgun :D :D :D :D Reyndar þá hef ég ekki verið svona létt síðan áður en ég varð ólétt af Örnu. Ég var svona réttt rúm 80 þá.

Lilja samúðarlausa

Fer ekkert í taugarnar á ykkur þegar stelpur... já segi stelpur, því ég heyri aldrei stráka gera þetta... eru vælandi yfir einhverjum 3-5 kílóum sem þær þurfa að losna við? "Oh, ég er bara orðin svo hræðilega feit." "Ji, þarf að losna við þetta ógeðslega magaspik." "Ég er bara að verða eins og fíll." Blablablablablabla!!! Sorry ef ég er að gera lítið úr þessu, en mér finnst þetta bara ekkert til að væla yfir. Jú, gott mál að taka sig á og losa sig við umframkíló, því auðvitað verður maður að taka í taumana áður en þetta fer úr böndunum. En sko, þegar stelpur eru að fara í sveltikúra og/eða taka einhverjar stórhættulegar brennslutöflur til að losa sig við einhver 3-4-5 kg þá finnst mér forgangsröðunin orðin ansi furðuleg. Og þegar þær eru að barma sér og kalla sig svakalega FEITAR, það er held ég fátt sem pirrar mig meira. Ég gæti kannski fallist á að þær væru smá mjúkar... KANNSKI, en þessar gellur sem láta svona hafa bara ekki hundsvit á hvað það er að upplifa það að vera FEIT!!! Mér finnst þetta svo rosalega móðgun við þær sem virkilega eru að berjast við aukakíló. Ef það að vera 170 cm og 63 kg kallast að vera FEIT, hvað er ég þá með mín 85-86 kg? Hvalur?

Já ég veit ég er vond og hef enga skilning á kvölinni sem fylgir því að vera 5 kg of þung, þ.e. vera 63 kg í stað þess að vera 58.

Dagurinn í dag

Hann er búinn að vera svona lalala. Var enn 85,4 kg í morgun, mjög ánægð með það ;) Mér gekk vel matarlega séð í vinnunni, borðaði kannski einni máltíð of mikið, þ.e. fékk mér morgunkaffi á milli morgunmatsins og hádegismatsins, er ekki vön því. En samt allt kolvetnasnautt. Fékk líka skemmtilegt hrós í vinnunni. Ein fyrrverandi starfskona mín kom í heimsókn, hefur ekki verið þarna í ca 3 mánuði, og tók alveg eftir hvað ég væri orðin grennri, tók sérstaklega eftir því að ég hefði grennst í framan :D

Síðan þegar ég var búin að hjóla heim úr vinnunni þá ákváðum við að skreppa til Svíþjóðar að versla og svoleiðis dagar verða alltaf smá sukkdagar ;) Við fengum okkur að borða á Burger King. Ég fékk mér eitthvað kjúklingasalat, en þarna er ekki til bara kjúklingasalat eins og McDonalds, heldur er þetta annað hvort pastasalat eða þá í svona flatbrauði. Ég fékk mér í flatbrauði, svo þar koma einhver kolvetni inn. Fannst það samt skárra en pastað. Það er sko gígantískt magn af kolvetnum í pasta. Svo er bara hefð að þegar við förum til Svíþjóðar að versla þá kaupi ég krembollur. Þetta er í einu skiptin sem ég kaupi krembollur, en mér finnst þær svo agalega góðar :S Ég er búin að fá mér tvær og ætla að reyna að hemja mig þar til seinna í kvöld og fá mér þá kannski eina í viðbót þá. Það varð ekkert úr leikfimiferðinni því við vorum ekki komin heim fyrr en hálfátta. Þá tók við að skipta niður kjötinu og frysta og ganga frá í ísskáp og frysti. Svo að koma krökkunum í bólið og núna vantar klukkuna kortér í níu, en ræktin lokar klukkan tíu. Auk þess er ég bara drulluþreytt eftir þennan dag, búin að vera á spani síðan klukkan sjö í morgun.

En ég á því ekki von á að þyngdin fari niður á við á morgun, en ég er samt mjög bjartsýn á að þetta sé að ganga vel hjá mér, þrátt fyrir að dagurinn hafi farið svona ;)

Svo er ég búin að bæta við einhverjum linkum. Mér finnst alveg frábært að sjá hvað það eru alltaf einhverjar að bætast í hópinn. En ætli það sé enginn karlmaður sem er með svona átaksblogg?

Jæja, ætla að fara á bloggrúntinn og kvitta hjá stelpunum og svo kannski finna mér einhverja góða mynd að horfa á og éta þessa einu krembollu í viðbót sem ég ætla að leyfa mér á eftir :D

Smá kvöldtjatt ;)

Var að koma heim af kvöldvakt, hjólaði í vinnuna í dag í skínandi góðu veðri og hjólaði heim í grenjandi rigningu og roki :S Annars er ég bara að tjá mig hvað ég er ánægð með mig og hvað ég finn að ég er að grennast. Núna er ég farin að taka eftir að viðbeinin eru orðin miklu meira merkjanleg, ekki falin í einhverju mjúki spiki. Þegar ég strýk niður við hliðina á hálsinum á mér finn ég vel fyrir þeim :D Mér er eiginlega alveg sama hvað vigtin segir á morgun, svo lengi sem hún verður ekki 87, hahaha. Nja, nú langar mig bara að hún haldist undir 86, svo mér er ekki alveg sama. En ég veit alveg að hún getur hoppað svolítið og skoppað, svo hún gæti alveg verið yfir 86 á morgun. Hlakka samt til að sjá hvað verður ;)

Góð byrjun á deginum

Samkvæmt vigtinni er ég komin undir 86 kg :D Ég var 85,4 kg í morgun JÍÍÍÍÍHAAAAAAA!!!! Svo fékk ég orlofið mitt og yfirvinnuna og á fullt af pening og er að fara að versla miðana til Íslands á eftir ;) Veðrið lofar líka góðu og eina sem skyggir á er að ég verð víst að fara á kvöldvakt og get ekki eytt deginum í leti. Ég nenni ekki í leikfimi, ætla bara að vera löt. Ég gat ekkert sofnað fyrr en um hálffimm í nótt og er bara grútsyfjuð. Ætla í stað þess að púla að leggja mig bara í sófanum áður en ég fer að vinna.

Húrra!

Bumbubollan mín er vöknuð aftur til lífsins. Við erum nefninlega búnar að vera ansi mikið samferða í þessu átaki í ca 1 1/2 ár :D Yndisleg stelpa í alla staði, enda er hún ein af bestu vinkonum mínum :D

86,1 kg

Þetta sagði vigtin mér í dag og ekki er ég ósátt við það :D Kannski ég fari bráðum að sjá 85 komma eitthvað tölu á vigtinni. Um að gera að vera bjartsýn allavegana ;) Ég er búin að standa mig vel og er voða ánægð með mig. Spurning hvort ég nenni í leikfimi á eftir, var nefninlega á næturvakt s.l. nótt svo ég er frekar svona mygluð núna. Fer kannski bara í fyrramálið... well, þarf að hugsa málið ;)

Týpískur matseðill hjá mér

Ætla bara að smella hér inn svona hvenig mjög týpískur dagur er hjá mér matarlega séð.

Morgunmatur
Egg og beikon, steikt á pönnu, eða 2 Fiber+ hrökkbrauðssneiðar með miklu áleggi, t.d. osti, skinku, spægipylsu, smurosti o.s.frv. Ekkert sætt álegg.

Hádegismatur:
Ferskt salat með einhverju af eftirtöldu: túnfiski-rækjum-skinkubitum-kjúkling. Sker oft ost í bita og hef með, eða þá fetaost. Smá dressingu út á.

Miðdegisverður (borða hann yfirleitt kl. 17)
Eitthvað kjöt sem mig langar í, t.d. finnst mér kjúklingabringur voða góðar. Reyni bara að hafa þetta smá fjölbreytt. Reyni líka að hafa fisk stundum. Með þessu hef ég léttsteikt grænmeti og sveppi í olíu, krydda það með hvítlaukskryddi. Svo er líka hægt að hafa bakaða, ostafyllta sveppi eða tómata. Sósu bý ég oft til úr steikarsoðinu og smá rjóma. Krydda bara eftir þörfum.

Sem kvöldsnarl fæ ég mér oft svona litla BabyBel osta að narta í. Smá jarðhnetur eru líka ok.

Ég drekk aðallega TAB X-tra. Í raun á maður víst að forðast gosdrykki með koffeini í, en þetta er eitthvað sem ég er ekki alveg tilbúin að gefa upp á bátinn. En reyndar fæ ég mér alltaf Olludjús inn á milli.

Svo er ég með linka á nokkrar uppskriftir af kolvetnasnauðum réttum hér til hægri og einnig upplýsingar um þetta fæði, eða kúrinn sem ég fékk upphaflega sendan ;)

Svo er náttúrulega harðfiskur með smjöri alveg súpergott snarl á kolvetnasnauðu fæði. Ég er líka búin að finna snakk sem ég má borða, það er bara djúpsteikt beikonpura held ég, haha, ekkert nema fita líklega. Síðan hef ég líka fundið kolvetnasnautt súkkulaði. Það er ekki nóg að það sé sykurlaust, því sætuefnið sem notað er skiptir máli. Ef það er maltitol eða laktitol skilst mér að það sé í lagi. Það eru að vísu alveg slatti af kolvetnum í svona súkkulaði, en þau kolvetni sem koma frá þessum sætuefnum eru lítið tekin upp af líkamanum og hafa því nær áhrif á blóðsykurinn.

Það var eins og ég hélt

Vigtin í dag sýndi mér 86,4. Mun raunhæfari tala en þessi 85,2 sem sást á laugardagsmorguninn ;) Ég er nú bara súperánægð með þetta, því það þýðir að bjórþambið á föstudaginn hefur ekkert skemmt fyrir mér. Auk þess er ég á blæðingum og ég er nú yfirleitt meira uppþembd þá. Önnur næturvakt bíður mín í nótt, en svo eru þær ekki fleiri í bili ;)

Þynnkudagur

Jamm, ég bara fór á allsherjar fyllerí í gær. Drakk marga marga bjóra og borðaði meira að segja hálfa bakaða kartöflu með matnum. Fór á vigtina þegar ég vaknaði og sá þessa skemmtilegu tölu, 85,2, hahaha. En ég tek nú ekki rassgat mark á henni. Þjáist eflaust af vökvaskorti eftir þessa miklu áfengisdrykkju. En mikið er ég fegin núna að vera á kolvetnasnauðu fæði og geta því fengið mér djúsí egg og beikon. Ég er sko alveg að farast úr svona brasmatsþörf ;) Það voru bara ekki til egg á heimilinu svo Elísan mín skrapp út í búð fyrir mig og ég er bara að bíða eftir henni. Annars sit ég bara og þamba mitt TAB X-tra og reyni að leyfa líkamanum að endurheimta vökvann sem hann þarf ;)

Dugleg í dag

Vigtin helst enn undir 87 kg :D En dagurinn í dag gekk bara ótrúlega vel. Fékk mér egg og beikon í morgunmat áður en ég mætti á fyrirlestradaginn. Svo fékk ég mér bara vat og kaffi fram að hádegisverði, voru líka ávextir í boði en ég læt þá vera. Síðan var bara fínn hádegisverður, lax með léttsteiktu grænmeti, smjörsósu og kartöflum. Ég sleppti bara kartöflunum og var svo dugleg að standast eftirréttinn :D Stóðst meira að segja konfektið og sælgætið sem var boðið upp á um kaffileytið. Nú er ég að punta mig fyrir dinner og er reyndar að hugsa um að fá mér smá bjór, eða kannski hvítvínsglas bara, með honum. Allavegana ekki rauðvín, er búin að komast að því að það fer hrikalega illa í mig og þá er ég ekki að hugsa um þyngdina, heldur magann og hausinn ;) Skrifa kannski meira í kvöld ef ég kem ekki mjög seint heim :D

Úbbasía

Það var svo sem týpískt. Alltaf þegar ég virðist vera á niðurleið geri ég eitthvað til að skemma það. Nú var svona sumarhátíð hjá bekknum hennar Elísu og það var grillað og boðið upp á kökur. Og ég þurfti endilega að fá mér af kökunum. Ég er bara ferlega fúl út í mig því ég ætlaði mér að standast þetta *andvarp*. Mér finnst ég sko bara langt frá því að vera dugleg, skemmi alltaf allan árangur hjá mér jafnóðum og búin að vera að jójóast svona í marga mánuði bara. Ég svo sem veit ekkert hvað vigtin segir á morgun, en býst alveg eins við því versta. Svo í þokkabót er fyrirlestradagur hjá okkur í vinnunni á morgun og þar verður boðið upp á hádegisverð. Ég er viss um að það verður eitthvað hlaðið kolvetnum, og þar sem við erum á hóteli þá get ég ekki tekið neitt með mér. Ég svelti þá bara.

Bara bjartsýn í dag

Gleymdi reyndar að vigta mig í morgun, en só vott sko. Ég er búin að standa mig mjög vel í dag, var að vinna, og kom svo heim og las öll yndislegu kommentin frá átaksgellunum mínum. var hrikalega sybbin reyndar því ég fór svo seint að sofa í gær, en lofaði Örnu og Hjalta að þau fengu að koma með mér í leikfimi og þá var engrar undankomu auðið. Þeim finnst svo gaman að fara í gæsluna í líkamsræktarstöðinni, enda frábær aðstaðan þar. Þannig að ég druslaðist í leikfimi og púlaði alveg svakalega og er bara alveg endurnærð og hress núna. Ég finn að ég er komin í betra form, get farið miklu hraðar á Orbitrekkinu og er samt með lægri púls en ég var fyrst þegar ég byrjaði. Eins er ég aðeins farin að bæta við þyngdum í sum tækin í prógramminu mínu ;)

En með þyngdina já, það er svo satt sem ég las á síðunni hjá 75 kg að maður á ekkert að vera að hengja sig upp í þessum 300 grömmum sem koma og fara daglega. En ég verð nú samt að viðurkenna að mig langar aldrei, aldrei, aldrei að sjá þessa ljótu 87 tölu aftur að morgni til, hahaha.

Happy happy joy joy!

Bara pang púff, allt í einu í morgun þá var bara þyngdin 86,3 kg og mín ekkert smá sæl með þetta :D Vona bara og vona og vona og vona að ég verði ekki aftur 87 *grrr* á morgun. Er búin að standa mig bara vel í dag, var á kvöldvakt svo ég fór ekkert í leikfimi. En ég fór náttúrulega í gær og svo ætla ég að reyna að komast á morgun. Mér finnst ég meira að segja vera grennri, sérstaklega í mittinu og á maganum, hahaha. Fyndið hvernig maður er ;)

Þá er maður komin í kapphlaup

Þessar gellur þarna, Bryndís og Olla, eru að hóta því að ná mér í þyngdinni. Þær mega sko alveg gera það þegar ég er orðin svona 75 kg. En mig langar sko ekkert að bíða eftir þeim í 87 kílóunum. Ég HATA þessa tölu, 87 - 87 - 87 - 87 *gubb*. Ég verð bara að taka þessari áskorun og passa að þær nái mér ekki strax... ekki alveg strax. Það er nú samt langt í frá að ég óski þess að þpær fari að standa í stað, ég vil bara að ÉG fari að léttast aðeins örar og meira.

En allavegana fór ég í leikfimi áðan og púlaði á Orbitrekkinu og í tækjunum. Mataræðið er alveg búið að vera fínt, fékk mér að vísu smá kolvetnasnautt súkkulaði. Ég er ekki alveg nógu klár með þessa tegund svo ég veit ekki hvað það eru mörg virk kolvetni í hverju stykki. En það ætti samt að vera í lagi.

Það tekur á þolinmæðina

Ji hvað þetta getur verið erfitt. Var 87,0 kg í gær, sem ég kalla nú bara gott miðað við átið á laugardaginn. En svo var ég aftur 87,0 kg í dag sem ég er bara frekar svekkt yfir, þar sem mér fannst einhvernvegin eins og ég myndi vera léttari. En það þýðir svo sem ekkert að fárast yfir því. Það er bara svooooo þreytandi að vera föst í sömu tölu dag eftir dag, viku eftir viku *dragadjúptandann*. Ég ætla allavegana að drífa mig í leikfimi á eftir. Ég hugsa að ég taki Örnu og Hjalta með, þeim fannst þetta svo rosalega gaman síðast ;)

Og svo er bara að þamba Olludjúsinn góða :Þ

Stóðst freistingarnar í dag :D

Við skruppum á ströndina, það er svo gott veður þessa dagana. Við komum við í sjoppu á leiðinni þangað og allir fengu nammi, nema ég sem keypti mér bara beikonsnakk sem er held ég bara alveg kolvetnalaust. Á leiðinni heim var keyptur ís handa öllum, nema mér. Mér finnst ég bara ferlega dugleg að standast þetta, enda er ég mjög sátt við mig núna.

En annars þá setti ég gamla kommentakerfið inn aftur. Hitt er aðallega sniðið fyrir blogger-notendur og óþægilegt fyrir aðra að nota það. Eins þá sakna ég að hafa ekki möguleikann á að sjá e-mail og heimasíðu hjá þeim sem vilja setja það inn. Ég kóperaði svo bara það sem hafði komið af nýjum kommentum og bætti inn í gamla kommentakerfið sem er komið inn núna ;)

Hvurslags er þetta með mann eiginlega?

Bara alltaf svindlandi? Það var samt ekki hægt annað, svo girnilegur matur sem hún Karin bauð upp á. Grillkjötið er nú í góðu lagi fyrir kúrinn, en ég stóðst ekki mátið að fá mér ofnbakaða kartöflubáta og smá rúnnstykki með hvítlaukssmjöri. Já og smá súkkulaði líka. Jæja, er ekki bara að taka sér taki og hætta svona svindli bara alveg? Hmm... allavegana setja sér einhver tímamörk, leyfa sér þetta aðra hvora helgi t.d., eða þriðju hvora. Ekki sniðugt að gera þetta um hverja helgi. Annars líður mér ekki eins og þetta hafi haft nein gífurleg áhrif, en það kemur í ljós á morgun. Ligg bara á bæn og vona það besta.

Annars var þetta alveg frábær dagur, 26 stiga hiti og við bara sátum úti allan tíman. Húsið er rétt við hafið þarna úti í skerjagörðunum og krakkarnir voru að busla í sjónum, skoða marflær og þangflær (eða hvað sem þær heita), marglyttur og skeljar. Svo var farið í svaka vatnsbyssuleik og bara geggjað fjör. Ég er skaðbrennd á bringunni, mundi alveg eftir að bera sólarvörn á krakkana en gleymdi alveg sjálfri mér :S Núna eru allir þreyttir en sælir, nema Hjalti sem er bara sæll og sofandi ;)

Grill og gaman

Jæja, var allavegana ekki 87,1 kg í dag heldur 86,7 ;) Annars erum við á leið í sumarbústað. Karin vinkona á bústað þar sem hún er núna með manni og barni og við ætlum að skreppa í heimsókn. Þetta er nú bara rétt fyrir utan Fredrikstad. Okkur er boðið í grill, jömmí. Veðrið er yndislegt og þetta verður örugglega svaka gaman.

Skoðanakönnun - komment

Endilega svarið skoðanakönnuninni minni sem er hér til hægri.

Leikfimi og McDonalds

Já, ég dreif mig í leikfimi og er svaka ánægð með það. Fór á Orbitrekkið í 25 mínútur, þ.e. 20 mín. púl og 5 mín. svona "cooldown". Fór svo í gegnum prógrammið mitt í tækjunum. Var sko vel sveitt og fann alveg þokkalega fyrir að ég tók vel á. En spáið í því, þegar ég er á Orbitrekkinu þá fer púlsinn minn alveg upp í 160-170. Svo var kona á öðru Orbitrekki við hliðina á mér, svona lítil og nett, örugglega svona 160 cm og 50 kg. Hún var alveg á fullu en púlsinn hjá henni fór aldrei upp fyrir 70. Spáið í þessu, sú hlýtur að vera í hrikalega góðu formi, örugglega langhlaupari. 60-80 er svona normal hvíldarpúls hjá flestum. Kannski verð ég einhverntíman svona, hahaha, nei ég efast um það. En ég vona að mér takist að koma púlsinum niður í svona 140 í svona áreynslu, það fyndist mér svaka flott.

Svo er hinn kafli dagsins sem er ekki alveg eins flottur. Ég skrapp með Örnu Valdísi á McDonalds og keypti mat til að taka heim handa fjölskyldunni (föstudagur og enginn nennir að elda). Ég ætlaði að fá mér svona kjúklingasalat, en þá var það ekki til *arg*. Ég keypti mér þá kjúklingaborgara í staðin, en það er náttúrulega alls ekki eins gott fyrir kolvetnasveltið mitt. Það er náttúrulega brauð í því. Svo var ég svo dofin að í stað þess að kaupa stakan borgara þá keypti ég máltíð með frönskum. Svo ég fékk franskar með. Algjör auli!!! Og fyrst þetta var komið fyrir framan mig þá stóðst ég ekki mátið og fékk mér smá af frönskunum... en ég fékk mér þó ekki nema svona 1/3 af pokanum. Helvítis brauðið á örugglega eftir að hamla þyngdartapinu hjá mér.

Og svona er þetta í dag

Vigtin var þó í aðeins betra skapi og sýndi mér töluna 86,8 kg. Svo dró ég nú upp málbandið og þetta er niðurstaðan. Tölurnar í sviga eru síðan 5. maí:

Brjóst:............104 cm (107)
Mitti:...............82 cm (85)
Magi...............103 cm (103)
Mjaðmir:..........102 cm (106)
Upphandleggur:.33 cm (34)
Læri:................62 cm (65)
Kálfi:................39 cm (39)

Já, þetta hefur minnkað eitthvað ;) Skil samt ekki alveg þessa magatölu, er hreinlega að velta fyrir mér hvort ég sé að mæla á réttum stað, þ.e. sama og í fyrri mælingum. En þá mæli ég bara á þessum stað næst aftur. Mæli þar sem hann er mestur ;) Minnir nefninlega að ég hafi mælt hann ca 5 cm fyrir neðan nafla áður, en núna smelli ég þessu bara yfir mestu bumbuna sem lafir langt niður á læri... neee, ekki alveg sko ;)

Ég nennti nú ekki í leikfimi í gær, var enginn tími í boði sem hentaði mér. En ég ætla í dag og þá þess vegna bara í tækin ef ég finn engan skemmtilegan tíma ;)

Pirr pirr!

Ég er bara ENN 87,1 kg. Líkaminn virðist bara endilega vilja vera í þessari þyngd, en ÉG vil það ekki. Voðalega er þetta pirrandi.

Annars er ég með ágætis harðsperrur eftir leikfimina í gær, hugsa að ég sleppi því að fara í dag og fari svo á morgun í staðin. Nema ég finni einhvern tíma til að fara í, þ.e. pallatíma eða eitthvað þannig. Nenni allavegana ekki í tækin aftur í dag. Við sjáum til. Reyndar er yndislegt veður og maður ætti kannski bara að fara í góðan labbitúr, veit bara ekki hvert ég ætti að labba og svo finnst mér það eiginlega bara svo leiðinlegt. Well, ég finn eitthvað út úr þessu.

Útlitsbreytingar

Á síðunni sko, ekki á mér ;) En finnst ykkur þetta ekki bara svaka fínt :D Mér finnst það voða sætt, enda búin að vera sveitt við að laga og betrumbæta. Ég get ómögulega fundið út hvernig maður breytir þessu "About Me" í íslensku, held bara næstum að það sé ekki hægt. Ef einhver veit svarið þá má sá hinn sami láta mig vita :D En gallinn við að setja upp þetta útlit er að öll gömlu kommentin duttu út. Gæti eflaust reynt að troða þeim einhversstaðar, en mér líst eiginlega bara betur á þetta kommentakerfi, enda fylgir það bara með sjálfkrafa.

Ég er ekki dauð ;)

Það er nú meira, maður bloggar ekki í einn dag og mér finnst bara ár og dagur síðan ég hef sett eitthvað hér niður á blað... meina tölvuskjá.

En já, ég er enn 87,1 kg, ótrúlegt hvað þessi vigt vill haldast þarna. En ég fór í leikfimi í dag, tók bara krakkana með mér, þ.e. Örnu og Hjalta, og leyfði þeim að vera í barnapössuninni á meðan. Það er svo frábær barnapössun þarna, fullt af dóti, vídeóherbergi og bara svaka gaman. En ég er nokkuð ánægð með daginn, fékk mér reyndar "Pytt i panne" í hádeginu, og það er slatti af kartöflum í því. En ég var sko í vinnunni og var ógeðslega svöng og fannst salatið eitthvað svo ógirnilegt þarna ni´ðri í matsal. Það verður bara að hafa það.