Þriðji í sukki...

... neeeee, bara smá grín ;) Enginn þriðji í sukki hér sko. Það er sko alveg nóg að sukka tvo daga og ég verð nú bara að viðurkenna að það var voða gott að fara bara aftur í hollustufæðið. Óþarfi að skemma meira en þegar er búið að gera :Þ. Vona að þessi blessuðu sukk-kíló fari hratt af mér. Fór í ræktina í kvöld og tók 45 mínútur á Orbitrekkinu og gerði svo helling af magaæfingum og nokkrar læraæfingar. Matseðill dagsins var svona:

Morgunmatur:
Atkins Morning Shine m. eplabragði 1 stk. - 37 gr. 145 kkal.

Hádegismatur:
Lindbergbrauð 2 sneiðar - 44 gr. 107,8 kkal.
kjúklingasalat 25 gr. 72 kkal.
L&L 5 gr. 19 kkal.
roastbeef 14 gr. 19,8 kkal.
Yoplait 0,1% m. jarðaberjum og appelsínum 125 mL. 66,2 kkal.

Miðdegisverður:
villihrísgrjón 10 gr. 35,7 kkal.
brún hrísgrjón 43 gr. 150,5 kkal.
kjúklingur 100 gr. 144 kkal.

Kvöldsnarl:
vínber 100 gr. 75 kkal.
epli 160 gr. 76,8 kkal.
banani 56 gr. 50,4 kkal.

Millibiti:
Läkerol cactus 1 pk. 26,9 kkal.
Atkins caramel bar 1 stk. - 24 gr. 89 kkal.
Atkins Advantage Hazelnut bar 1 stk. - 60 gr. 236 kkal.

Heildartölurnar voru því 1314,1 kkal. og um 116 grömm kolvetni. Já, eins og glöggir sjá þá setti ég hrísgrjón inn í mataræðið mitt. Hef ekki borðað hrísgrjón nema í algjörum undantekningartilvikum síðan ég byrjaði í átakinu. En núna ætla ég að prófa að leyfa mér svona gróf hrísgrjón af og til. Eiga víst að vera miklu hollari (og svo eru þau bara miklu betri). Kom mér reyndar á óvart að sykurstuðull þeirra er bara mjög svipaður sykurstuðli venjulegra hrísgrjóna. Svolítið misjafnt reyndar eftir tegundum hrísgrjóna.

Jæja, best að kíkja smá bloggrúnt og slappa svo af fyrir framan sjónvarpið með Atkins prótínstöngina mína ;)

Annar í sukki

Bleeeeee, já. Nennti ekki að vera hollustusamleg lengur. Ákvað að hafa bara tvo sukkdaga og ætla að fá mér þynnkunammi. Verð voða dugleg aftur á morgun.

Þynnka :Þ

Jamm, ég er svolítið þunn. Ekkert alvarlega samt. Þetta varð bara fínasti dagur í gær. Át náttúrulega eins og svín, með GÓÐRI samvisku, hehehe. Drakk svo fullt af bjór, sem reyndar var bæði lágkaloríu og lágkolvetna. Sat og kjaftaði við vinkonu mína til miðnættis og svo fór ég nú meira að segja í bæinn á djamm. Önnur vinkona mín var í afmæli og ég ákvað að hitta hana í bænum og djammaði svo með henni fram á rauða nótt.

Vigtin var auðvitað töluvert hærri í morgun, 71,3 kg sýndi hún mér, en ég vissi nú alveg að svona sukk hefði sínar afleiðingar ;). En í dag er ég aftur komin í hollustuna. Set inn matseðilinn seinna í kvöld. Meika enga hreyfingu í dag, ætla bara að vera þunn í friði, en ég fór nú í ræktina í gær í Tripp Trapp 2 tíma ;)

Það eru alltaf að bætast við átaksbloggarar ;D. Endilega kíkið á þessa nýjustu. Þetta er nú alveg þrælsniðugt. Við vorum sko ekki svona margar þegar ég var að byrja á þessu átaksbloggi fyrir ári síðan ;)

;´(

Það verður ekkert úr djammferðinni okkar *grát*. Kallinn er með svo slæmt mígrenikast að hann hefur ekkert út að gera. Ég er svo ógeðslega svekkt að ég gæti bara grenjað. Og af þessum vinkonum sem ég á hér þá er engin sem getur komið með mér út, annað hvort eru þær veikar eða með barn á brjósti, eða að gera eitthvað annað. Ég sem var búin að hlakka svo til að komast út á djammið. Svo finnst mér ég vera búin að skemma daginn til einskis, búin að fá mér fullt af gúmolaði. Ætlaði bara að setjast niður og vera í fýlu og grenja í allt kvöld, en svo bauð ein vinkona mín mér í heimsókn þó svo að hún komist ekki út sjálf. Þannig að ég ætla að sitja og kjafta við hana og fá mér öllara og hafa það næs. Allavegana aðeins skárra :/

JIbbí, djamm á morgun :D

Það lítur út fyrir að það sé búið að redda barnapíu á morgun. Þá þarf maður bara að kaupa sér bjór, plana matseðil morgundagsins smá og taka svo til. Er að hugsa um að elda kjúkling með svona ofnbökuðum kartöflubátum. Mér finnst þeir svo svakalega góðir ;). Og krembollurnar verða á sínum stað, að sjálfsögðu.

Matseðill dagsins er hins vegar allur á léttu nótunum:

Morgunmatur:
Lindbergbrauð 2 sneiðar - 35 gr. 85,8 kkal.
L&L 10 gr. 38 kkal.
roastbeef 28 gr. 39,7 kkal.
egg soðið 1 stk. 71,5 kkal.
Yoplait 0,1% bláberja 125 ml. 67,5 kkal.

Hádegismatur:
rækjur 40 gr. 32,8 kkal.
salat 60 gr. 16,2 kkal.
1000 eyja dressing 20 gr. 80,3 kkal.

Miðdegisverður:
Örbylgjuýsa
ýsa 150 gr. 130,5 kkal.
wok grænmeti 150 gr. 45 kkal.
kotasæla 50 gr. 48 kkal.

Kvöldsnarl:
hafraklíðisgóðgæti m. extra möndluspænum 1 sk. 206,8 kkal.

Millibiti:
Atkins Morning Shine m. súkkulaðibragði 1 stk. - 37 gr. 137 kkal.
Atkins caramel bar 1 stk. - 24 gr. 89 kkal.
Läkerol cactus 1 pk. 26,9 kkal.
epli 150 gr. 72 kkal.
vínber 100 gr. 75 kkal.

Samtals gerir þetta 1262 kkal. og um 94 grömm kolvetni. Ég borðaði morgunmat mjög snemma og fékk mér því Morning Shine sem millibita á milli morgunmatsins og hádegismatsins. Svo fékk ég mér einn caramel bar áður en ég fór í ræktina (fór í Tripp Trapp 1) og borðaði svo miðdegisverðinn þegar ég kom heim... þá var klukkan um 18:30. Svo er Idol á eftir og þá ætla ég að gæða mér á hafraklíðisgóðgætinu mínu ;). Á svo epli og vínber til góða í kvöld... eða reyndar bara eplið, held að ég sé að verða búin með vínberjaskammtinn, hahaha ;Þ.

Brrrrr kalt!

Það er dj... skítakuldi hér. Var að labba heim úr vinnunni og það er rúmlega 7 stiga frost. Þvílíkur kuldahrollur sem situr í mér :S. Dagurinn var svona lala, nartaði svolítið mikið í kvöld. Svo sem ekkert sem er á bannlista, bara svolítið mikið. Urðu eiginlega engar almennilegar máltíðir, bara nart. En best að setja þetta upp samt í smá skipulag:

Morgunmatur:
danskt rúgbrauð 2 sneiðar - 70 gr. 153,4 kkal.
L&L 10 gr. 38 kkal.
roastbeef 13 gr. 18,4 kkal.
egg soðið 1 stk. 71,5 kkal.
Yoplait 0,1% ananas 125 ml. 67,5 kkal.

Hádegismatur:
Atkins Morning Shine m. súkkulaðibragði 1 stk. - 37 gr. 137 kkal.
Atkins Advantage súkkulaðiprótínshake 330 ml. 173 kkal.

Miðdegisverður:
pylsur 2 stk. - 100 gr. 243 kkal.
salat 50 gr. 10,5 kkal.
epli 160 gr. 76,8 kkal.

Kvöldsnarl:
Kesam létt 80 gr. 59,2 kkal.
strásæta 5 ml. 1,65 kkal.
Crémefine matar 0,4 dl. 64 kkal.
banani 52 gr. 46,8 kkal.

Millibiti:
Atkins Advantage Decadence bar 1 stk. - 60 gr. 227 kkal.
Atkins caramel bar 1 stk. - 24 gr. 89 kkal.
Läkerol cactus 1 pk. 26,9 kkal.
epli 150 gr. 72 kkal.
ávaxtasleikjó low carb 1 stk. - 13 gr. 32,1 kkal.
Cremosa sleikjó 10 gr. - 1 stk. 27,5 kkal.

Jámm, enda endaði þetta alveg í 1635,3 kkal. og ca 105 grömm kolvetni. Var þó ekki að narta í neinar bannvörur.

Annars gerði ég Pilatesæfingar í dag, 50 mínútna prógrammið. Ég er eiginlega að drepast úr rassharðsperrum eftir æfingar vikunnar, hehe, en það er nú alveg í lagi. Finn allavegana fyrir rassinum.

Er enn að vinna í því að fá barnapíu á laugardagskvöldið, hef tvo möguleika og vonandi gengur annar þeirra upp. Kemur líklega í ljós á morgun ;)

Sukk- og djammþörf

Ég finn það að ég þarf að fara að fá einn almennilegan djamm-sukkdag. Ekkert eitthvað eitt snickers yfir sjónvarpinu. Bara góðan dag með krembollum, góðum mat og meðlæti, eftirrétti, fullt af bjór og öllum þessum pakka. Þessi þörf er mjög sterk í mér núna og ég held að ég springi bara gjörsamlega ef ég leyfi mér ekki bráðum svona dag. Vildi óska að mér tækist að redda barnapíu á laugardaginn og draga bara kallinn út á djammið. Sjáum hvað setur ;)

Komin mið vika

Fljótt er þetta nú að líða, bara alveg að koma helgi aftur ;) Ég er með þvílíkar harðsperrur í rassinum, hahaha, og það er eiginlega þægileg tilfinning ;) Fór í ræktina áðan og tók Orbitrekkið í 35 mínútur og svo prógrammið mitt í salnum. Lét það nú duga í dag. Bjó mér svo til fínan og einfaldan fiskrétt til að hafa í miðdegisverðinn (sem var reyndar frekar seint), smelli uppskriftinni inn á Léttir Réttir. Matseðill dagsins var svona:

Morgunmatur:
danskt rúgbrauð 1 sneið - 35 gr. 76,7 kkal.
L&L 5 gr. 19 kkal.
kjúklingaálegg 9 gr. 8,1 kkal.
hafraklíðisgóðgæti m. extra möndluspænum 1 sk. 206,8 kkal.

Hádegismatur:
soyapönnukaka 1 stk. 208,4 kkal.
risarækjur 75 gr. 67,5 kkal.
ferskt salat 50 gr 7 kkal.
púrrulaukur 4 gr. 0,92 kkal.
létt Kesam 50 gr. 37 kkal.
smá karrí

Miðdegisverður:
Örbylgjuýsa
ýsa 150 gr. 130,5 kkal.
wok grænmeti 150 gr. 45 kkal.
kotasæla 50 gr. 48 kkal.

Kvöldsnarl:
Atkins Advantage Fruits of the Forest bar 1 stk. - 60 gr. 255 kkal.

Millibiti:
Atkins Morning Shine með eplabragði 1 stk. - 37 gr. 145 kkal.
Atkins caramel bar 24 gr. 89 kkal.
epli 150 gr. 72 kkal.

Heildin gerði því 1415,9 kkal. og 76,5 grömm kolvetni. Sleppur alveg ;)

Kíki bloggrúnt eftir smá stund, ætla aðeins að kíkja á úrslitin í Idol. Það er alltaf Idol núna á miðvikudags- og föstudagskvöldum, 10 manna hópar þar sem 2 komast svo áfram. Ætla að sjá hvaða tveir komast áfram í kvöld ;)

Ímyndin í hausnum

Það er merkilegt hvað það situr enn fast innprentað í manni að maður geti ekki verið mjór/grannur eða hvað sem á að kalla þetta. Mér finnst ég ekki lengur neitt feit, en orðið þybbin vill samt vera þarna. Þegar maður hefur alla sína ævi litið á sig sem þybbna eða feita þá er bara rosalega erfitt að fara að hugsa um sig sem granna. Mér finnst eins og ef ég segist vera grönn að fólk hljóti að halda að ég sé eitthvað klikk, hugsi með sér "hvað heldur þessi eiginlega að hún sé" og telji mig bara í afneitun. Það var alveg með erfiðleikum að ég breytti titlinum á blogginu mínu og ég er enn að spá í hvort að fólki finnist ég rugluð að halda að ég sé orðin grönn. Veit að ykkur finnst ég voða flott, en hvað með allar mjónurnar sem þekkja mig ekki og skrifa aldrei nein komment? Þið vitið, þessar sem eru 175 cm og 55 kg og fullkominn vöxt, hehe. Þær skoða kannski aldrei bloggið mitt hvort sem er, hahaha, og mér ætti nú svo sem að vera nokk sama um ókunnugu fólki finnst hvort sem er.

Og já, ég sé alveg fellingarnar mínar í kringum magann, mittið og bakið ;) En það er kannski bara eðlilegt fyrir 34 ára konu sem á 3 börn. Ég er svo sem ekki heldur að sækjast eftir einhverjum rennisléttum vexti. Veit alveg að maginn verður þarna, aðallega þessar bakfellingar sem ég væri til í að losna við ;)

Rugl pælingar hjá manni. Bara svo þið vitið það þá er ég samt sem áður afskaplega ánægð með mig og árangurinn. Það er bara voðalega erfitt að svissa úr þessum þybbna hugsunargangi yfir í að maður sé bara normal og grannur.

Þið sem heimtuðuð mynd

Jámm, ætla bara að þykjast vera orðin grönn, þó mér finnst ég enn með smá spik :Þ

Tekin rétt áðan ;) 

Alltaf í ræktinni ;)

Ég held að fresinius sé búin að smita mig af þessari hreyfingarofvirkni ;) Ég sótti krakkana í leikskólann um kl. 16:00, fór svo aðeins í búð og svo í ræktina. Þar orbaði ég í 45 mínútur, skilaði svo krökkunum heim og fékk mér eitthvað sem minnir kannski á boozt. Svo dreif ég mig aftur í ræktina og fór í tíma sem kallast Flyt & Pilates (Flæði & Pilates). Þessir tímar komu í staðin fyrir Flyt & Ballanse (Flæði og Jafnvægi) tímana og eru ósköp svipaðir. Núna sit ég og gæði mér á low carb pasta með túnfisk og kotasælu ;). Matseðill dagsins er svona:

Morgunmatur:
danskt rúgbrauð 2 sneiðar - 70 gr. 153,4 kkal.
léttmarmelaði 10 gr. 2,2 kkal.
ostur 16% 15 gr. 40,8 kkal.
kjúklingakæfa 10 gr. 22 kkal.
Yoplait 0,1% bláberja 125 ml. 67,5 kkal.

Hádegismatur:
Eggjahræra með beikonbitum
egg 2 stk 151,8 kkal.
steikt beikon 3 sneiðar - 39 gr. 197,3 kkal.
blandað ferskt salat 50 gr. 7 kkal.

Miðdegissnarl:
"Ávaxtaboozt"
banani 30 gr. 27 kkal.
hindber 50 gr. 10,5 kkal.
létt Kesam 70 gr. 51,8 kkal.
strásæta 5 ml. 1,65 kkal.
nýmjólk 50 gr. 33 kkal.

Kvöldverður:
low carb pasta (þurrvara) 56 gr. 160 kkal.
túnfiskur 100 gr. 94 kkal.
kotasæla 50 gr. 48 kkal.

Millibiti:
Atkins Advantage Hazelnut bar 1stk. - 60 gr. 236 kkal.

Samtals gerir þetta 1304 kkal. og um 62 grömm kolvetni.

Jæja, best að koma þessum grislingum í bólið. Kallinn er að horfa á Liverpool-leik í sjónvarpinu og það er sko heilög stund. Þannig að ekki þýðir að biðja hann um að sinna þessum ungum núna, hahaha.

Slurp, slurp og namminamm!

Kræst hvað þessar sojapönnukökur hennar Gerritar eru hrikalega, óhugnanlega góðar. Ég fékk mér svona í gær með jarðarberjum, low carb sírópi og þeyttum Crémefine og svo var ég að fá mér núna með jarðarberjum, low carb sírópi, Ricotta og möndluspænum. Þetta er bara alveg svaðalega gott. Maður er sko að fá ýmsar fínar hugmyndir fyrir næstu afmælisveislur og kaffiboð.

Annars er ég búin að vera svakalega dugleg í dag, er að bæta fyrir svindlið í nótt sko, hehehe. Ég mætti í ræktina áðan til að fara í tíma kl. 19:30, en þá byrjaði hann víst ekkert fyrr en kl. 20:15. Mig misminnti bara. En ég nýtti abra tækifærið og tók 35 mínútur á Orbitrekkinu og fór svo í Tripp Trapp 2 tímann og tók vel á. Mjög ánægð með þessa hreyfingu hjá mér í dag ;)

Matseðill dagsins er svona:

Fyrsta máltíð kl. 15:00:
Lindbergbrauð 2 sneiðar - 42 gr. 102,9 kkal.
kjúklingasalat 25 gr. 72 kkal.
makríll í tómat 20 gr. 32 kkal.
Yoplait 0,1% jarðarberja/appelsínu 125 ml. 66,2 kkal.

Miðdegisverður:
wok grænmeti 200 gr. 60 kkal.
risarækjur 80 gr. 72 kkal.
olívuolía 1/2 msk. 50 kkal.
soyasósa 2 msk. 20,7 kkal.

Kvöldsnarl:
soyapönnukaka 1 stk. 208,4 kkal.
jarðarber 110 gr. 30 kkal.
strásæta 5 ml. 1,65 kkal.
low carb síróp 25 ml. 14,6 kkal.
Ricotta 50 gr. 67 kkal.
möndluspænir 5 gr. 30,4 kkal.

Millibiti:
Atkins Morning Shine m. súkkulaðibragði 1 stk. - 37 gr. 137 kkal.
Atkins Advantage Fruits of the Forest bar 1 stk. - 60 gr. 255 kkal.

Samtals gerir þetta 1222,9 kkal. og um 54 grömm kolvetni. Þannig að þetta var bara mjög fínn dagur ;) Vona að ég fari fljótt aftur undir 70 kílóin.

Víti til varnaðar :(

Úff stelpur (og strákar). Ég missti mig bara ALGJÖRLEGA í átinu í nótt. Hræðilega svekkjandi að gera þetta þegar maður er loksins kominn undir 70 kg. Auðvitað sýndi vigtin yfir 70 kg þegar ég vaknaði áðan. Ég skal viðurkenna að ég velti lengi vöngum yfir hvort ég ætti nokkuð að vera að blogga um þetta. Þið eruð búin að hrósa mér svo mikið fyrir hvað ég er dugleg og svo bregst ég ykkur svona illilega. En ég komst að þeirri niðurstöðu að auðvitað blogga ég um þetta. Sama hvort gengur vel eða illa, bloggið er mín matardagbók og það þýðir ekkert annað en að vera hreinskilinn. Svo er kannski bara ágætt fyrir ykkur að sjá hvað það þarf tiltölulega lítið til að hækka kaloríu- og kolvetnamagnið upp úr öllu valdi.

Svona var upphaflega matarplanið:

Fyrsta máltíð kl. 15:00:
Lindbergbrauð 2 sneiðar - 44 gr. 107,8 kkal.
kjúklingasalat 25 gr. 72 kkal.
léttmarmelaði 10 gr. 2,2 kkal.
ostur 16% 15 gr. 40,8 kkal.
Yoplait 0,1% skógarberja 125 gr. 68,8 kkal.

Miðdegisverður:
nautagúllas 160 gr. 160 kkal.
kjúklingabaunapottréttur 175 gr. 206 kkal.
ólívuolía 1/2 msk. 50 kkal.

Kvöldsnarl:
soyapönnukaka 1 stk. (Gerritar uppskrift án síróps) 208,4 kkal.
jarðarber 100 gr. 30 kkal.
strásæta 5 ml. 1,65 kkal.
low carb síróp 30 ml. 17,5 kkal.
Crémefine þeyti 0,5 dl. 95 kkal.

Millibiti:
Atkins crispy bar 1 stk. - 30 gr. 138 kkal.

Nætursnarl:
Läkerol salmiak 1 pk. 27,6 kkal.
epli 143 gr. 68,6 kkal.
Atkins Advantage hazelnut bar 1 stk. - 60 gr. 236 kkal.
Läkerol cactus 1 pk. 26,9 kkal.

Samtals hefði þetta verið 1557,3 kkal. og 92 grömm kolvetni. Svolítið í yfirkantinum, en alveg allt í lagi. Nema að svo missti ég mig alveg og þetta bættist við:

Sukk og svínarí:
heilhveitibrauð 3 sneiðar - 90 gr. 220,5 kkal.
skinka 4 sneiðar - 60 gr. 52,8 kkal.
tómatur 20 gr. 2,8 kkal.
ostur 26% 50 gr. 171 kkal.
blandað hlaup 75 gr. 249 kkal.
snickers 20 gr. 95,4 kkal.

Bara þessi viðbót gerði því 791,5 kkal. og 110 grömm kolvetni. Þetta virtist alls ekkert svo agalegt þegar ég var að borða þetta. Það var sem sagt nammi í skál á borðinu inni í starfsmannastofunni og þetta var svona smá nart og svo smá meira nart... og svo allt í einu var bara nammið nærri búið. Athugið að snickersbitinn var bara einn biti. Svo síðar fékk ég mér fyrst hálfa brauðsneið með skinkuáleggi og tómati (var tilbúið smurt í ísskápnum, restir frá kvöldmatnum). Hálf brauðsneið er nú ekki svo mikið. Svo stuttu seinna fékk ég mér aðra svona hálfa sneið. Síðan um 3 leytið þá fékk ég mér samloku með 2 skinkusneiðum og miklum osti. Og þar með var það komið. Auðvitað vissi ég alveg að þetta var allt of mikið, ég veit alveg hvað það er mikið af kaloríum í þessu öllu, en ég ákvað bara einhvernvegin að ignora það. Skrýtið hvernig maður bregst við stundum.

Í heildina innbyrti ég því 2348,8 kkal. og 202 grömm kolvetni. Jamms, og í þokkabót gerði ég engar æfíngar í gær. Gæti maður verið meira latur og lélegur? Well, þið þurfið ekkert að skamma mig, ég veit allt of vel upp á mig sökina. Þið þurfið heldur ekkert að hughreysta mig því ég á enga hughreystingu skilið og þarf hana heldur ekkert. Veit bara að ég klikkaði þarna og held ótrauð áfram í dag. Ætla í Tripp Trapp tíma í ræktinni kl. 19:30 og kem svo með matarskýrsluna seinna í kvöld.

Já, svona er ég nú mikil fyrirmynd, hehe.

Opinber tala

Jæja, þetta er nú búin að vera meiri vigtarpirringsvikan. Hækkaði jafnt og þétt upp í 70,7 fyrstu fimm dagana og svo fór vigtin að rokka meira niður á við. Þannig að ég ætla bara að vera ánægð með töluna sem birtist í dag á opinbera vigtunardeginum mínum, en hún var 69,7 kg ;D. Vissulega bara 400 grömmum minna en síðasta sunnudag, en kílói minna en 70,7, og þar að auki er ég komin niður fyrir tuginn og sé töluna 6 fremst :D. Vitiði, ég man bara ekki að hafa upplifað þetta síðan ég var 16 ára. Þá var ég 63 kg og ég held bara svei mér þá að ég hafi varla stigið á vigt fyrr en ég síðan var ca 19-20 ára og var þá 74 kg. Konudagurinn í dag og elskulegur eiginmaðurinn minn gaf mér svo fallega blómakörfu :D.

En já, matseðill gærdagsins var svona:

Fyrsta máltíð kl.15:00:
danskt rúgbrauð 1 sneið - 35 gr. 76,7 kkal.
Lindbergbrauð 1 sneið - 23 gr. 56,4 kkal.
roastbeef 22 gr. 31,2 kkal.
L&L 5 gr. 19 kkal.
léttmarmelaði 10 gr. 2,2 kkal.
ostur 16% 15 gr. 40,8 kkal.
Yoplait 0,1% hindberja 125 gr. 68,8 kkal.

Miðdegisverður:
grískt salat m. risarækjum 1 diskur 233,7. kkal.
Kesella 50 gr. 70 kkal.

Kvöldsnarl:
létt Kesam 80 gr. 59,2 kkal.
Crémefine matar 30 gr. 48 kkal.
banani 23 gr. 20,7 kkal.
jarðarber 43 gr. 12,9 kkal.
strásæta 5 ml. 1,65 kkal.

Nætursnarl:
Läkerol salvi 1 pk. 25,3 kkal.
epli 143 gr. 68,6 kkal.
ostur 26% 15 gr. 51,3 kkal.
kjúklingabaunapottréttur 200 gr. 235,4 kkal.
Atkins Morning Shine m. súkkulaðibragði 1 stk. - 37 gr. 137 kkal.
Läkerol cactus 1 pk. 26,9 kkal.
kaffi m. mjólk 1,5 dl. 15,4 kkal.
buff 35 gr. 50,4 kkal.

Samtals gerði þetta 1351,6 kkal. og um 110 grömm kolvetni.

Ég fór í ræktina í gær og tók 45 mínútur á Orbitrekkinu. Svo þegar ég kom heim gerði ég 20 mínútna Pilates prógrammið. Það er alveg á mörkunum að ég nenni að gera einhverja hreyfingu í dag, en ég býst nú við að ég geri Pilates æfingar á eftir, væntanlega þá 50 mínútna prógrammið.

Síðasta næturvaktin í þessari lotu er á eftir, það er fínt ;)

Hmmmmmmmmmm!

Þessi vigt sko. Þegar ég kom heim af næturvaktinni steig ég á hana rétt áður en ég fór að sofa, og þá kom talan 70,1. Svo steig ég á hana áðan þegar ég var búin að sofa og þá var hún allt í einu 70,4. Stórfurðulegt að þyngjast í svefni þegar maður er ekkert að láta ofan í sig, en þetta hef ég reyndar upplifað einu sinni áður. Annars er ég komin með mögulega skýringu á þessu rugli, byrjaði nefninlega á blæðingum í nótt og ég finn reyndar að ég er mjög þrútin öll núna. Er samt að spá í hvaðan þessi 300 grömm hafa getað komið á meðan ég svaf. Hafið þið einhverjar hugmyndir? Hehe! Jájá, er náttúrulega ekkert ánægð með þetta, en bla, bla, nenni ekki að velta mér upp úr því. 70,4 er þó skárra en 70,7 sem vigtin sýndi miskunnarlaust á fimmtudaginn.

Síðasti matseðill var svona, sem sagt síðan í gær og nótt:

Fyrsta máltíð kl. 15:00:
danskt rúgbrauð 1 sneið - 35 gr. 76,7 kkal.
Lindbergbrauð 1 sneið - 21 gr. 51,4 kkal.
L&L 5 gr. 19 kkal.
roastbeef 17 gr. 24,1 kkal.
kjúklingakæfa 10 gr. 22 kkal.
Yoplait 0,1% m. bláberjum 125 ml. 67,5 kkal.

Miðdegisverður:
nautagúllas 140 gr. 140 kkal.
kjúklingabaunapottréttur 200 gr. 235,4 kkal.
ólívuolía 1/2 msk. 50 kkal.

Kvöldsnarl:
Yoplait 0,1% m. jarðarberjum og musli 150 gr. 112,5 kkal.

Millibiti:
Atkins crispy bar 1 stk. - 30 gr. 138 kkal.

Nætursnarl:
Läkerol salvi 1 pk. 25,3 kkal.
Atkins Advantage Fruits of the Forest bar 1 stk. - 60 gr. 255 kkal.
fiskibollur úr dós 4 stk. - 100 gr. 55 kkal.
gulrætur 50 gr. 14,5 kkal.
hvít sósa 0,25 dl. 35,2 kkal.
Läkerol cactus 1 pk. 26,9 kkal.

Samtals 1348,5 kkal. og um 101 grömm kolvetni.

Er svona að velta fyrir mér hvort ég eigi að fara í ræktina á eftir eða gera bara Pilates erfiðara prógrammið. Eða gera Pilates 20 mín. og fara líka í ræktina... finn út úr því á eftir.

Best að kíkja bloggrúntinn skvísur og gæjar ;)

Lítill tími til að blogga

Ætla bara að setja inn smá skýrslu.

Var sem sagt á næturvakt s.l. nótt og borðaði þess vegna heldur meira en venjulega, en svona er það bara alltaf þegar ég fer á fyrstu næturvaktina og er að snúa sólarhringnum við. Meika ekki heila nótt án þess að borða neitt. En ég held að ég hafi samt komist ágætlega frá þessu:

Morgunmatur:
danskt rúgbrauð 1 sneið - 32 gr 70,1 kkal.
Lavkarbo brauð 1 sneið - 30 gr 74,7 kkal.
L&L 5 gr. 19 kkal.
roastbeef 22 gr. 31,2 kkal.
makríll í tómat 20 gr. 32 kkal.
Yoplait 0,1% með jarðarberjum og appelsínum 125 ml 66,2 kkal.

Hádegismatur:
kjúklingabaunaréttur 200 gr. 235,4 kkal.
Lindbergbrauð 1 sneið - 23 gr. 56,4 kkal.
L&L 5 gr 19 kkal.
kjúklingaálegg 13 gr. 11,7 kkal.

Miðdegisverður:
gratínerað grænmeti 120 gr. 157 kkal.
nautagúllas 140 gr. 140 kkal.
ólívuolía 1/2 msk 50 kkal.

Kvöldsnarl:
Ekkert, miðdegisverðurinn varð svo seinn á ferðinni.

Millibiti:
Yoplait 0,1% apríkósu m. musli 150 gr. 111 kkal.

Nætursnarl:
Atkins crispy bar 1 stk. - 30 gr 138 kkal.
ávaxtasleikjó low carb 1 stk - 13 gr. 32,1 kkal.
epli 150 gr. 72 kkal.
brokkoli/ostasúpa 350 ml 210 kkal.
mini BabyBel light 2 stk. 95 kkal.

Samtals var þetta 1620,8 kkal. og 127,5 grömm kolvetni.

Vigtin fór loks aðeins niður á við þegar ég steig á hana þegar ég vaknaði í dag. Vonandi fer hún ekki beint upp aftur á morgun, er orðin hundleið á að hún fari upp þegar ég er ekkert að svindla. Annars dreif ég mig í ræktina í gær og orbaði og tók tæki, og fór svo líka í dag og tók Tripp Trapp 1, fínt púl ;)

Er búin að plana matseðilinn í nótt, sjáum hvort það stenst ;) Set þetta inn á morgun.

Hef því miður ekki tíma í bloggrúnt núna, en tek hann á morgun ;) hafið það gott stelpur og strákar og munið eftir Léttum réttum ;)

Léttir réttir

Hey stelpur. Við eigum orðið svo mikið magn af allskonar uppskriftum í pokahorninu,. Hvernig væri að við söfnuðum þeim öllum á einn stað þar sem við eigum auðveldara með að finna þær? Ég gerði MSN síðu sem ég kalla Léttir réttir og við getum þá skráð okkur þar og bara sett inn okkar uppskriftir sjálfar. Ég vona að þið takið vel í þetta, því það væri frábært að eiga svona uppskriftabanka með góðum og léttum uppskriftum :D. Ég er svona rétt að byrja að setja inn uppskriftirnar mínar og svo bætast bara við jafnóðum ;). Allavegana finnst mér þetta alveg brilliant hugmynd :D.

Oh, pirr!

Netið var bilað hjá mér í allan gærdag. Það er fyrsta pirrið. Hitt pirrið er vigtin. Hún flöktir ekkert, hún fer bara jafnt og þétt upp um 100 grömm á dag. Ekkert smá pirrandi. En ég lifi í voninni að hún taki stökk niður á við bráðum.

Annars var matseðill gærdagsins svona, með kkal. fyrir Heiðu ;):

Morgunmatur:
2 sneiðar Lindbergbrauð - 50 gr. 122,5 kkal.
kjúklingasalat (majonessalat) - 25 gr. 72 kkal.
makríll í tómatsósu - 20 gr. 32 kkal.
Yoplait jógúrt 0,1% m. apríkósu 125 ml. 70 kkal.

Hádegismatur:
Tine jógúrt 0,1% m. berjum 125 ml. 83,8 kkal.
létta 5 gr. 18,4 kkal.
skinka 12 gr. 11,2 kkal.
egg soðið 1 stk. 71,5 kkal.
tómatur 1/2 stk - 40 gr. 5,6 kkal.
hrökkbrauð 1 sneið 41,5 kkal.

Miðdegisverður:
nautagúllas 140 gr 140 kkal.
ólívuolía 1/2 msk. 50 kkal.
kjúklingabaunapottréttur 200 gr. 235,4 kkal.

Kvöldsnarl:
danskt rúgbrauð 1 sneið - 34 gr. 74,5 kkal.
roastbeef 22 gr. 31,2 kkal.
L&L 5 gr. 19 kkal.

Millibiti:
kaffi m. mjólk 1,5 dl 15,4 kkal.
Läkerol salvi 1 pk. 25,3 kkal.
Atkins Advantage Hazelnut Crunch bar 1 stk. - 60 gr. 236 kkal.

Samtals 1355,3 kkal. ef ég reikna þetta nákvæmlega. Yfirleitt námunda ég bara í næsta heila og hálfa tug. Kolvetnin voru um 97 grömm. Mér finnst bara verulega ósanngjarnt að ég sé að þyngjast á því að éta undir 1400 kkal. á dag, en svona er þetta bara stundum.

Í gær fór ég ekki í ræktina. Var ferlega þreytt þegar ég kom heim úr vinnunni, Bjöggi var að fara á námskeið og bæði Hjalti og Elísa voru veik heima. Þannig ég gerði bara ekki neitt. Enda er ég búin að fara í ræktina eða gera Pilatesæfingar heima 8 daga í röð, svo það var allt í lagi að taka sér einn frídag.

En já, ég ætlaði sko að segja ykkur að ég keypti uppskriftabók eftir dr. Fedon Lindberg og líst svakalega vel á uppskriftirnar hans. Kjúklingabaunapottrétturinn er t.d. upp úr þeirri bók og hann var alveg svakalega góður. Ef þið viljið uppskriftina þá er hún svona:

2 dósir (400 gr hvor) niðursoðnar kjúklingabaunir (það gera tæplega 500 grömm af soðnum kjúklingabaunum).
2 stórir laukar.
1 stórt hvítlauksrif.
1 dós niðursoðnir tómatar (400 gr).
1 msk. karrí.
1 msk. paprikuduft.
1 stórt, frekar súrt epli.
2 msk. ólívuolía.
1 msk. sojasósa.
fersk steinselja til að skreyta

Skolið kjúklingabaunirnar í köldu vatni og látið renna af þeim. Laukurinn er grófsaxaður og steiktur í olíunni í botninum á potti. Karrí og paprikuduft sett út í og hrært vel í. Eplin skorin í bita og bætt út í. Hvítlauksrifið er hakkað smátt og sett út í ásamt tómötunum og sojasósunni og hrært vel í. Allt látið malla í 25 mínútur. Kjúklingabaununum er þá bætt út í og hitað í smá stund. Fersk steinselja klippt yfir til að skreyta. Borið fram með steiktum kjötréttum eða bara eitt og sér.

Mér reiknaðist til að í 100 grömmum af réttinum væru ca 118 kkal., 6,9 grömm prótein, 2,7 grömm fita og 16,5 grömm kolvetni. Mæli með þessu sko ;) Örugglega líka rosa gott í tortillas og svona mexíkanskt dótarí ef einhver má borða svoleiðis.

Já og svo bjó ég til nýjan tenglaflokk fyrir skvísur sem eru ekki beint með átaksblogg, en samt með smá svoleiðis pælingar af og til ;)

Skýrsla dagsins

Þessi dagur var nú svolítið erfiður líka, en munurinn er að ég er mjög ánægð með mig í dag þar sem mér tókst að standast freistingarnar ;). Var nú alveg að farast á milli miðdegisverðarnins og kvöldsnarlsins, enda borðaði ég miðdegisverð kl. 17 og var búin að plana að fá mér kvöldsnarl þegar ég kæmi heim úr vinnunni (búin 22:30 og svo er ég smá tíma að labba heim). En það sem bjargaði mér var Läkerol og þessu svakalega góði ChupaChup sykurlausi ávaxtasleikjó sem ég fann. Gat japlað á þessu og sefað sætinda og nartþörfina. Ég fór samt nokkrum sinnum inn í býtíbúr og opnaði ísskápinn og kexskápana, en lokaði þeim jafnharðan og þuldi í huganum NEI NEI NEI, ÞÚ ÆTLAR EKKI AÐ FÁ ÞÉR NEITT MEIRA FYRR EN ÞÚ KEMUR HEIM!!! Svo nú sit ég hér og gæði mér á hafraklíðisgóðgæti með góðri samvisku ;)

Ég gerði líka Pilatesæfingar í dag. Var búin að plana að taka bara 20 mínútna prógrammið, en ákvað svo að taka samt lengra og erfiðara prógrammið. Náði að vísu ekki að klára það vegna tímaskorts, en bætti það eflaust upp með labbinu mínu heim úr vinnunni.

Matseðillinn varð svona:

Morgunmatur: 2 sneiðar Lindbergbrauð með L&L, roastbeef og eggjum annars vegar, og kjúklingasalati hins vegar.
Hádegismatur: Atkins Advantage Fruits of the Forest bar (prótínstöng).
Miðdegisverður: Grískt salat með kjúklingabringu, Kesella sem dressing, 1 epli.
Kvöldsnarl: Hafraklíðisgóðgæti.
Millibiti: 1 dós léttjógúrt með mangó og musli, 1 pk. Läkerol salvi, 2 mini BabyBel light, 1 pk. Läkerol salmiak, 1 ChupaChup sykurlaus ávaxtasleikjó.

Samtals gerði þetta um 1345 kkal. og 90 grömm kolvetni.

Og auðvitað vona ég að vigtin sýni aðeins minni tölu á morgun, hehe, en er samt alveg ákveðin að vera ekkert að svekkja mig ef svo verður ekki.

Það er karneval á leikskólanum á morgun og krakkarnir fengu að velja sér búninga í dag, algjörar rúsínur. Þau eru sem sagt orðin hress og fara í leikskólann á morgun ;)

Svolítið svekkt

Já, ég veit að ég á ekkert að vera að spá í vigtinni svona daglega, en samt get ég ekki að því gert að vera svolítið svekkt. Hún sýndi 70,2 í gær og 70,3 í dag. Þó ég hafi ekki staðið mig eins og ég ætlaði þá var ég samt ekki að borða það mikið að það ætti að þyngja mig, ásamt því að ég hreyfði mig vel báða dagana. Merkilegt hvernig þessi vigt getur hagað sér... eða réttara sagt líkaminn. Ég veit alveg að það er ekkert að marka þetta og að talan á morgun... eða á föstudaginn gæti verið allt, allt önnur. En ég þurfti bara að blása smá, er pínu niðurdregin yfir þessu. Samt ekkert sem þið þurfið að hafa áhyggjur af stelpur mínar, það er bara svo gott að fá útrás hér ;). En ég ætla að vera voða dugleg í dag í mataræðinu. Fer á kvöldvakt á eftir og ætla að passa að taka með mér nesti ;). Skrifa svo meira í kvöld þegar ég kem heim.

Svolítið erfiður dagur.

Já, maður svífur víst ekki alltaf um á bleiku skýi. Ég var heima með báða litlu grislingana í dag og bara leiddist eitthvað ferlega. Komst ekkert út og dagurinn leið rosalega hægt. Ég bara var svöng í allan dag, skildi eiginlega ekkert í þessi. Fékk brálæðislega sætindaþörf um miðjan daginn og freistaðist í bland í poka sem sonur minn átti eiginlega, en hann hafði enga lyst á þvi. Sem betur fer var það ekkert svakalega mikið, en ég er samt svo óánægð með mig að hafa ekki staðist þetta. Jæja, þýðir ekki að væla yfir því núna. Kvöldið var aðeins betra, ég dreif mig í ræktina og fór í Tripp Trapp 2 og gekk miklu betur núna. Tók bara vel á og fékk mér svo létt Kesam með hindberjum þegar ég kom heim. Ætla að reyna að borða ekkert meira í kvöld. Ég er enn með voðalega löngun í eitthvað sætt og bara eitthvað að éta, skil þetta eiginlega ekki. Og nei, ég er ekki að fara að byrja á blæðingum. En þetta hlýtur að líða hjá. Svona var matseðill dagsins:

Morgunmatur: Hafraklíðisgóðgæti, 1 sneið Lavkarbobrauð með makríl í tómat.
Hádegismatur: Soðin ýsa með gratíneruðu grænmeti, 125 mL léttjógúrt með mangó.
Miðdegisverður: Low carb pasta með skinku, sveppum og brokkolí, sósa úr Crémefine.
Kvöldverður: Létt Kesam með Crémefine, stráætu og hindberjum.
Millibiti: 1 stk Atkins mint wafer, 1 sneið Lindbergbrauð með kjúklingasalati, 1 stk. Atkins Advantage decedence bar, ca 50 gr bland í poka.

Jámm, þetta gerði líka alveg 1690 kkal. og 118 grömm kolvetni. Var ótrúlega svöng eitthvað í dag. Held að það hafi líka bara tengst því að ég fann mér einhvernvegin ekkert að gera. Vonandi verður morgundagurinn betri ;)

Valla komin aftur :D

Jebbs, Valla er byrjuð að blogga aftur :D

Er þetta eðlilegt?

Þegar ég er búin að borða þá fer ég nánast strax að hlakka til næstu máltíðar. Þegar ég fer að sofa á kvöldin er mín síðasta hugsun um morgunmatinn og hvað það verði nú æðislegt að fá að borða hann. Hahahaha. Maður er með mat á heilanum. Að sumu leyti finnst mér þetta rosalega gott, að geta notið svona máltíðanna minna. Að öðru leyti þá spái ég í hvort það sé virkilega eðlilegt að vera að hlakka svona til að borða. Hmm, jájá. Ég hef allavegana ágætis stjórn á mataræðinu mínu ;).

Annars ákvað ég að hafa daginn minn svolítið gúmolaðislegan í dag. Leyfa mér svolítið auka í dag, án þess að hafa þetta beinlínis sukkdag. Svona er planið:

Morgunmatur: 2 sneiðar Lindbergbrauð með L&L og léttosti, 125 mL léttjógúrt með jarðarberjum.
Hádegismatur: Hafraklíðisgóðgæti, 1 stk. Morning Shine m. súkkulaðibragði.
Miðdegisverður: Grilluð samloka úr Lindbergbrauði með léttosti, spægipylsu og skinku.
Kvöldsnarl: Bakað epli með hafraklíði yfir, kanill og möndlur ofan á, 1/2 dl þeyttur Crémefine og 30 mL low carb síróp.
Millibiti: Low carb bland í poka (hlaup og lakkrís), 1 pinnaís, 1 stk. Atkins caramel wafer, 1 stk. Atkins crispy súkkulaði.

Samtals gerir þetta um 1750 kkal. og 94 grömm kolvetni.

Þetta hafraklíði er alveg rosalega gott fyrir meltinguna stelpur, kemur sko öllu í gang, hehe.

Vigtunardagur ;)

Ekki var ég ósátt við vigtina í morgun. Hún sýndi þessa fallegu tölu 70,1 kg :D. Það eru sem sagt farin 0,9 kg þessa vikuna... og eiginlega meira því ég þyngdist svolítið eftir kökudaginn þarna síðasta sunnudag ;). Kannski maður fari að sjá nýjan tug bráðum :D. Ég mældi sentimetrana líka og þetta var útkoman.:

Dagsetning:----25.jan.05----13.feb.05

Brjóst:-----------95-----------93
Mitti:------------72,5---------72
Magi:-------------87-----------?
Mjaðmir:----------91-----------88
Upphandleggur:----29,5---------29
Læri:-------------57-----------56
Kálfi:------------37,5---------37

Ég á í mestu erfiðleikum með að mæla magann og mjaðmirnar núna. Ég var alltaf með ákveðin kennileiti á líkamanum sem ég miðaði við, svo ég myndi mæla á sama stað, en núna er ég einhvernvegin búin að breytast þannig í vextinum að þetta er allt runnið saman, hehe. Veit ekki hvort þið skiljið mig, en allavegana þá verð ég annaðhvort að finna mér ný kennileiti eða bara sleppa þessari magamælingu. Eins og er þá verður hún einhvernvegin á alveg sama stað og mjaðmamælingin. Hef alltaf mælt magann þar sem hann er stærstur, þ.e. ljótu hangandi fituhúðfellinguna, og nú er hún einhvernvegin bara á sama stað og mjaðmamælingin. Já, þetta er ekki bara einfalt sko ;)

En í dag er mæðradagurinn hér og stelpurnar færðu mér morgunmat í rúmið. Svo sætar. Þær meira að segja pössuðu upp á að nota Lindbergbrauð og léttost, híhí ;): Algjörar dúllur. Ég fékk sem sagt tvær brauðsneiðar með L&L og léttosti. Þær komu reyndar með kalt harðsoðið egg líka, en ég hafði ekki alveg lyst á því svona eintómu (og fannst það ekki passa á brauðið með ostinum) svo ég fékk leyfi til að borða það bara seinna. Fékk mér svo eina léttjógúrt líka ;).

Jæja, ætla að reyna að gera eitthvað í þessum ruslahaug hér heima, ekki veitir af sko.

Ljúfur laugardagur ;)

Fyrir utan draslið hér heima sko ;). En ég dreif mig í ræktina í morgun. Fór í pallatíma klukkan 11 og tók krakkana með mér. Þeir voru náttúrulega í pössuninni á meðan, þeim finnst það alveg svakalega skemmtilegt. En allavegana fór ég í Tripp Trapp 2, hef nefninlega bara farið í Tripp Trapp 1 áður. Dí sko, og ég sem hélt að ég væri orðin nokkuð klár í þessum pallaskrefum, hahaha. Ég var nú bara eins og álfur út úr hól og náði engan vegin öllum sporunum og samsetningunum ;Þ. Enda voru allar þarna í tímanum vanar þessum tímum og búnar að læra rútínuna fyrir löngu... nema ég og ein önnur. Hehe, enda vorum við frekar umkomulausar þarna stundum ;). Leiðbeinandinn var sko ekkert að eyða tíma í að útskýra sporin eða fara vel yfir þau, það var bara æðubunast áfram. Ég náði eiginlega ekki að taka nógu vel á af því að ég náði ekki rútínunni nógu vel. Passaði mig samt á því að stoppa aldrei. En þetta hlýtur að koma, ætla bara að fara í fleiri svona tíma ;). Mér finnst nefninlega gaman að hafa aðeins flóknari spor, og það sem pirrar mig mest í Tripp Trapp 1 er einmitt hvað það fer langur tími í að kenna öllum sporin. Þannig að ég held að það verði mjög fínt í Tripp Trapp 2 þegar ég er búin að ná tökum á rútínunni ;). En þar sem mér fannst ég ekki fá nógu mikið út úr tímanum (sem b.t.w. var í klukkutíma), þá tók ég prógrammið mitt í tækjunum eftir hann. Þá var ég nokkuð sátt ;). Fór svo í sturtu og skrúbbaði mig og bónaði, hehe, og bar svo á mig húðstinningarkrem (afhverju finnst mér þetta hljóma svo dónalega?) sem ég keypti í gær. Eitthvað voða fínt frá L'oreal sem á að minnka slit og stinna húðina. Hef reyndar afskaplega takmarkaða trú á öllum kremum, en þetta skaðar varla ;).

Ég er búin að plana matseðil dagsins og hann verður svona:

Morgunmatur: 1 sneið Lindbergbrauð m. L&L og roastbeef, 125 mL léttjógúrt með jarðarberjum.
Hádegismatur: Grískt salat með niðurskorinni kjúklingabringu, 50 gr Kesella sem dressing.
Miðdegisverður: Karrý/kjúklingasúpa með rækjum, 1 mini BabyBel light.
Kvöldsnarl: 1 sneið Lavkarbo brauð með L&L, roastbeef og eggjasneiðum.
Millibiti: 1 Atkins mint wafer, 1 Atkins Advantage fruits of the forest bar.

Samtals gerir þetta um 1310 kkal. og 46 grömm kolvetni.

Mér finnst þessir Advantage barir alveg æði. Þetta eru eiginlega svona prótínbarir og henta mér rosalega vel sem snarl á kvöldin. Fullnægja sætindaþörfinni minni og eru samt miklu saðsamari en annað súkkulaði, þar sem þeir eru próteinríkir. Var bara búin að sjá eina tegund af þeim hér, en uppgötvaði svo í gær að þeir eru til í ICA (matvöruverslun) í þremur bragðtegundum. Gasalega ánægð með það ;).

Laumaðist á vigtina í morgun, off kors, og leist vel á það sem ég sá ;). Vonandi verður talan á opinbera vigtunardeginum á morgun enn betri ;).

Föstudagur til fitu... NOT!!! ;D

Ónei, bara frábær dagur í dag líka ;) Var nú eiginlega í fríi, en þurfti að fara á námskeið frá 12-15:30 í nýja tölvukerfinu sem á að fara að nota bráðum í sambandi við alla skráningu sjúklinganna. Líst bara vel á þetta kerfi. Fannst að vísu námskeiðið allt of létt og mér leiddist frekar mikið. Hefði viljað eyða meira af tímanum í að fikta mig bara áfram í stað þess að hlusta á endlaust blaður :Þ. Svo dreif ég mig í pallatíma í ræktinni kl. 16:30 og púlaði sko vel ;)

En allavegana þá var matseðillinn svona:

Morgunmatur: Hafraklíðisgóðgæti, 1 sneið Lavkarbo brauð með L&L og kjúklingaáleggi.
Hádegismatur: Kesella með Crémefine, strásætu og blönduðum berjum.
Miðdegisverður: Gufusoðin ýsa og grænmeti, ostur yfir.
Kvöldsnarl: Bakaðar eplasneiðar með Ricotta, kanel og möndluspænum.
Millibiti: 1 pk. Läkerol salvi, 1 Morning Sunshine með eplabragði, 1 Atkins Advantage bar með hnetum.

Samtals var þetta um 1330 kkal. og 73 grömm kolvetni.

Mér finnst ég vera búin að borða svo hrikalega góðan mat í allan dag ;D. Hafraklíðisgóðgætið mitt er bara æði, Kesella er svona svipað og skyr, ýsan alveg yndisleg svona gufusoðin með grænmetinu og þessar bökuðu eplasneiðar með möndlunum og gúmolaðinu... namminamminamm :D Og svo þetta æðislega Atkins góðgæti ;D. mér finnst þetta bara eiginlega búinn að vera algjör nammidagur. Á meira að segja eftir að borða Advantage barinn minn, ætla sko að setjast yfir sjónvarpinu á eftir og gæða mér á honum ;) Reyni að kíkja bloggrúnt fyrst. Maður verður víst að standa sig fyrst maður er búinn að fá óformlegt formannshlutverk í þessum klúbbi, hahaha. Æ, þið eruð bara svo æðislegar eitthvað ;)


Svo vil ég endilega minna ykkur á nýju átaksbloggarana, alveg nauðsynlegt að peppa þær upp svo þær gefist nú ekki upp strax ;D

Velgengnin heldur áfram

Ég er greinilega í einhverjum voða góðum gír núna. Ég nefninlega upplifi alltaf svona góð og svo erfiðari tímabil til skiptis í þessu átaki mínu. Núna er ég í góðu tímabili og þá er um að gera að reyna að nýta það sem best ;) Ég planaði daginn allan fyrirfram í gær, rosalega var það sniðugt. Svona leit það út:

Morgunmatur: Ricotta með blönduðum berjum og banana, smá möndluspænir yfir, 1 sneið Lindbergbrauð með L&L og roastbeef.
Hádegismatur: Karrý/kjúklingasúpa með rækum og harðsoðnu eggi.
Miðdegisverður: Ofnbökuð kjúklingabringa með gratíneruðu grænmeti.
Kvöldsnarl: 1 sneið sólkjarnabrauð skorið í tvennt, annar helmingurinn með L&L og kjúklingaáleggi, hinn með makríl í tómat, 125 ml léttjógúrt með mangó.
Millibiti: 1 Atkins crispy súkkulaðistykki.

Í heildina gerði þetta 1245 kkal. og 63 grömm kolvetni.

Ég var bara nokkuð dugleg í hreyfingunni í dag. Fyrst gerði ég 20 mínútna Pilatesprógrammið hér heima, og svo seinnipartinn fór ég í ræktina og orbaði í 45 mínútur í góðu púli. Svo gerði ég 5x20 magaæfingar (mismunandi) og bætti svo við 20 rassaæfingum ;)

Manni líður alveg svakalega vel eftir svona góðan dag :D. Bæði andlega hliðin og hin líkamlega er bara alveg í toppi ;). Já, og svo fór ég í Body Shop og keypti mér þörungasápu og skrúbbsvamp. Nú ætla ég að vera svolítið dugleg að nota þetta á magann, lærin og rassinn og gá hvort þessi svæði stinnist eitthvað fljótar við það. Og ef ekki þá er þetta samt svakalega gott. Svona eins og nudd/klór og bara voða þægilegt ;). Er alltaf af og til að hugsa um magann minn og svuntuaðgerð, en ég er bara ekki frá því að hengimaginn minn sé bara aðeins að minnka. Samt er nú nóg af honum ;). En það skaðar varla að prófa svona skrúbbdæmi ;).

Jæja, best að hátta krakkana og gera þessa venjulegu svefnrútínu. Kem svo aftur og fer bloggrúntinn ;). Takk fyrir öll komment stelpur, þið eruð ómissandi allar saman :D

I'm in Atkins heaven ;D

Ji stelpur. Ég álpaðist inn í heilsubúðina í dag, ætlaði svona að athuga hvað væri í boði. Þar er t.d. hægt að kaupa Lindberg brauðmix (þó ég nenni yfirleitt ekki að baka, kaupi það bara tilbúið), kolvetnasnautt nammi o.fl. Nema hvað, sé ég ekki bara að það er komið fullt af Atkins gúmolaði :D. T.d. svona crispy súkkulaði, kexsúkkulaði (wafer) með mintubragði og með karamellubragði, og svona ávaxtastangir (reyndar líka til svoleiðis með súkkulaðibragði). Ávaxtatangirnar eru hugsaðar sem morgunverður og heita Morning Shine, til með jarðarberja, epla og súkkulaðibragði. Ég keypti sko smá af öllu til að prófa. Er nú samt ekki búin að éta þetta allt í dag, hahaha. Nei nei, ég fékk mér eitt svona lítið kexsúkkulaði með karamellubragði sem millibita áður en ég fór í ræktina og það var bara mjög mátulegt og gott. Ég vildi nefninlega ekki borða miðdegisverð fyrr en ég væri búin að fara í ræktina. Ætla svo að smakka ávaxtastöng á eftir ;)

Í gær fór ég aðeins að skoða matseðilinn sem fylgdi með Pilates diskunum mínum, en þar eru matseðlar fyrir 10 daga og uppskriftirnar með. Var svona aðallega að fá hugmyndir. Prófaði eina morgunverðarhugmyndina; notaði reyndar hafraklíð í stað hafragrjóna og útfærði hana aðeins á minn máta. En svona varð uppskriftin mín:

Hafraklíðisgóðgæti

15 gr (ca 1,5 msk) hafraklíð
75 ml vatn
50 gr kotasæla
5 gr (ca 1,5 msk) möndluspænir
1/2 banani
strásæta og kanill til að bragðbæta

Hafraklíð og vatn er hitað í örbylgjunni í ca 2 mínútur, hrært í. Kotasælunni þá blandað við og hitað í ca 15 sek í viðbót. 1/2 banani brytjaður út í, strásæta og kanill eftir smekk. Möndluspænunum stráð yfir.

Þetta var nú bara alveg stórfínt, skammturinn inniheldur ca 180 kkal. og 20 grömm kolvetni. Reyndar var upphaflega uppskriftin helmingi stærri, með meiri kotasælu og án strásætu og banana, en mér fannst þetta betra svona. Fékk mér svo eina Lindbergbrauðsneið með ;) En þetta var bara vel saðsamt og ágætis tilbreyting ;)

Matseðill dagsins er svona:

Morgunmatur: Hafraklíðisgóðgæti, 1 sneið Lindbergbrauð með L&L og kjúklingaáleggi.
Hádegismatur: Restin af kjúklingaréttinum frá því í gær.
Miðdegisverður: Karrýkjúklingasúpa með rækjum og harðsoðnu eggi.
Kvöldsnarl: Morning Sunshine með jarðarberjabragði, 1 sneið Lavkarb brauð með Ricotta og léttmarmelaði.
Millibiti: 1 pk. Läkerol, 1 epli.

Samtals gerði þetta u.þ.b. 1260 kkal. og 73 grömm kolvetni.

Þetta Lavkarb brauð er nýtt á markaðnum, en nafnið þýðir einmitt lágkolvetna ;) Það er reyndar ekki eins lágt í kolvetnum og Lindbergbrauðið, en mig langaði bara að prófa og breyta aðeins til ;)

Já, svo fór ég í ræktina og tók 35 mínútur á Orbitrekkinu og svo prógrammið mitt í salnum. Gerði síðan 120 magaæfingar. Tók syrpur með 20 magaæfingum og smá hvíld á milli. Gerði nokkrar mismunandi magaæfingar og tók bæði efri og neðri maga.

Já, ég er bara mjög ánægð með daginn ;)

Ég reyndi að kíkja á ykkur blog.central gellur í gær, en gat bara skoðað nokkrar og komst svo bara ekki inn á neinar blog.central síður. Þannig að ég gafst upp og fór bara að sofa. Vonandi er kerfið í betra skapi í kvöld ;)

Pilatesgellur og gæi ;)

Er mjög ánægð með daginn í dag. Borðaði bara hollt og gott og gerði svo 50 mínútna Pilatesprógrammið, það tekur vel í. Arna og Hjalti gerðu æfingarnar með mér, hahaha, alveg bráðfyndið að fylgjast með þeim. Sérstaklega Örnu því hún er virkilega svo mikið að vanda sig. Hún var svoleiðis búin að suða í mér hvort ég væri ekki að koma að gera "leikfimi", henni finnst þetta svakalega gaman og merkilegt ;) Núna liggur hún á dýnunni minni og er að gera 20 mínútna prógrammið alveg ein... og hrópar af og til "mamma, sjáðu mig". Hún er nú bara ótrúlega flink ;) Hjalti er uppi í sófa eitthvað að þykjast gera þetta líka, híhíhí ;D

Arna einbeitt í Pilates-æfingum ;) 


En matseðillinn var svona:

Morgunmatur: Létt Kesam með Crémefine, strásætu og 1/2 banana, 1 sneið Lindbergbrauð með L&L, léttosti og roastbeef.
Hádegismatur: Ferskt salat með skinku og osti, smá jógúrtdressing, 1 lítið epli.
Miðdegisverður: Kjúklingapottréttur gerður með fullt af grænmeti og Crémefine.
Kvöldsnarl: 2 sneiðar Lindbergbrauð, önnur með léttmarmelaði og léttosti, hin með L&L og bananasneiðum, 125 mL léttjógúrt með ananas.
Millibiti: 1 pk. Läkerol salvi, 1 pk. Läkerol blue fruits, 1 mini BabyBel light (12% fita).

Heildartölurnar eru þá u.þ.b. 1275 kkal. og 80 grömm kolvetni. Er alveg sátt við það ;)

Mánudagur og kvöldvakt

Hæhæ dúlls. Ég var að koma heim af kvöldvakt. Pínulítið kalt að labba heim, 4 stiga frost, en þó lyngt og fallegt veður. Dagurinn hefur gengið alveg ágætlega. Það var að sjálfsögðu konfekt í vinnunni, alltaf eitthvað, og ég fór og reiknaði saman kaloríur og kolvetni og komst að því að ég gæti leyft mér 5 mola, hehehe. Þannig að ég fékk mér 5 konfektmola í vinnunni. Annars var dagurinn svona:

Morgunmatur: 2 sneiðar Lindbergbrauð, önnur með L&L og bananasneiðum, hin með léttmarmelaði og léttosti.
Hádegismatur: 1 sneið sólkjarnabrauð með L&L og léttosti.
Miðdegisverður: 3 kjötbollur í brúnni sósu, ferskt salat með.
Kvöldsnarl: 30 grömm harðfiskur.
Millibiti: 1 Atkinssúkkulaði, 1 pk Solano brjóstsykur (sykurlaus) og 5 konfektmolar.

Jámm, kvöldsnarlið var frekar rýrt þar sem ég varð að fórna einhverju fyrir konfektmolana :S. En í heildina gerði þetta um 1360 kkal. og 95 grömm kolvetni. Ég miða núna við að halda kolvetnunum undir 100, helst samt í kringum 75.

Ég ætlaði nú eiginlega að fara í ræktina í dag áður en ég færi á kvöldvaktin, en svo lagði ég mig og steinsvaf á mínu græna alveg þar til ég þurfti að mæta. En það var reyndar rosa næs ;) Ég gerði líka 50 mínútna Pilatesæfingar í gær þó svo ég hefði planað frídag þá, svo þetta sleppur.

Brr, kuldahrollur í mér. Ætla að ná mér í hlýja peysu og fara svo bloggrúnt.

Vigtunardagur og pælingar

Jámm, er sko alveg sátt við töluna sem ég sá á vigtinni núna, 71 kg ;) Þetta fer sem sagt allt í rétta átt og það þó ég sé búin að slaka aðeins á í mataræðinu. Bara gaman.

Annars var ég að heyra nýjar niðurstöður í sambandi við BMI, man ekki einu sinni hvar. Held að ég hafi lesið þetta í einhverju dagblaðinu hér. En allavegana þá virðist núna ýmislegt benda til að það sé strax aukin hætta á hjartasjúkdómum o.fl. þegar maður er kominn yfir 23 í BMI :S. Ég er náttúrulega búin að vera að hugsa um hvert lokatakmark mitt ætti að vera, langaði að komast undir 70 kg. En svona í kjölfar þessara upplýsinga þá held ég að ég stefni bara á BMI 23 og þá þarf ég að komast í 66-67 kg. Kannski ég setji þá bara markmiðið 66,5 kg, þá er BMI akkurat 23 ;) Ég reyndar veit ekki hversu mikil þessi aukna áhætta er þegar maður er með BMI á milli 23 og 25, varla mjög mikil, en þetta er bara ágæt leið fyrir mig að finna mitt lokamarkmið.

Annars er ég að fara í barnaafmæli og er búin að ákveða að hafa bara smá nammidag í dag og leyfa mér eina væna kökusneið. Svo ætla ég að leyfa mér eitt snikkerssúkkulaði í kvöld, hrikalega langt síðan ég leyfði mér eitthvað svoleiðis ;)

Njótið dagsins stelpur ;D

Nýir átaksbloggarar

Bara minna ykkur á að kíkja á nýjustu átaksbloggarana, linkar á þá hér til hægri ;)

Allt gott að frétta hér ;)

Maður er bara orðinn spenntur fyrir sumarfríinu, hehe. Nú er sem sagt planið að fara bara til Danmerkur og leigja sumarhús í tvær vikur, og helst fá mömmu og pabba og tengdaforeldrana með líka ;) Mikið væri það æðislegt. Jámm, við sjáum hvað setur ;)

Dagurinn var mjög fínn. Ég svaf fram yfir hádegi, er enn að snúa næturvaktatímanum við ;) Borðaði því engan morgunmat. En ég dreif mig í ræktina og ætlaði eiginlega að taka bæði Orbitrek og tæki, en þar sem klukkan var orðin svo margt þá hafði ég ekki nema 45 mínútur til stefnu, þannig að ég tók þær bara allar á Orbitrekkinu og púlaði vel. Matarlega séð var dagurinn svona:

Morgunmatur: Enginn.
Hádegismatur: 2 sneiðar Lindbergbrauð, önnur með makríl í tómat, hin með L&L og roastbeef, 125 mL léttjógúrt með apríkósum.
Miðdegisverður: 60 gramma hamborgari, Lindbergbrauð í stað hamborgarabrauðs, smá tómatsósa, 50 gr ferskt salat og 25 grömm dressing frá McDonalds (restin frá því í gær ;)
Kvöldsnarl: Létt Kesam með Crémefine, strásætu og 1/2 banana, 1 sneið sólkjarnabrauð með L&L og léttosti.
Millibiti: 2 Atkinssúkkulaði, 1 Läkerol blue fruits.

Þetta gerir um 1425 kkal. og 80 grömm kolvetni. En annars þá er ég að fara að glápa á mynd í imbanum, klára bloggrúntinn þegar hún er búin ;)

Sumarfríspælingar

Já, svei mér þá. Ég þarf að fara að huga að því hvenær ég vil taka sumarfrí. En nú erum við hjónin að velta fyrir okkur að fara kannski bara eitthvert til sólarlanda í sumar. En þá vandast málin því ég hef bara aldrei farið til sólarlanda. Kallinn hefur bara einu sinni farið til Kanarí og var þá ungur og laus og liðugur og var auðvitað bara að djamma ;) Þannig að við erum að vandræðast með hvert sé best að fara sem fjölskylda með þrjú börn, 10, 5 og 3 ára. Ég er líka enginn sólardýrkandi, þ.e. ég nenni ekki að fara í þeim tilgangi að liggja í sólbaði allan liðlangann daginn. Mig langar að fara eitthvert þar sem er hægt að skoða einhverja áhugaverða staði, fallega staði, gera eitthvað skemmtilegt o.s.frv. Viljið nú hjálpa mér elsku vinkonur og koma með einhverjar uppástungur og hugmyndir, því ég veit ekki einu sinni hvar ég á að byrja á að skoða.

JIbbí skibbí, kominn föstudagur ;D

Og ég á frí ;) Var á næturvakt í nótt og stóð mig bara vel. Kom ekki nálægt girnilegu marsípantertunum sem biðu okkar í starfsmannaísskápnum. Tók bara með mér low carb pizzu, Läkerol og Atkins súkkulaði sem ég gæddi mér á yfir nóttina. Svaf á mínu græna til klukkan 15:30 í dag, fékk mér þá smá að borða og dreif mig svo í pallatíma í ræktinni. Svaka gott. Svo fór ég á McDonalds og keypti föstudagskvöldmat fyrir familíuna, Grilled Chicken Bacon Ranch Salat fyrir mig. Skil ekki fólk sem segir að salötin á McDonalds séu vond, mér finnst þetta allavegana alveg æðislegt. Fékk mér heldur minna af dressingunni en er í skammtinum og sýnist bara dagurinn koma mjög vel út. Er búin að plana kvöldið svo að í heildina verður dagurinn svona:

Fyrsta máltíð (kl. 15:30): 2 sneiðar ristað Lindbergbrauð með L&L, léttmarmelaði og léttosti.
Miðdegisverður: Grilled Chicken Bacon Ranch Salat frá McDonalds, ca 50 mL dressing.
Kvöldsnarl: 1 sneið low carb pizza, 125 mL léttjógúrt með jarðarberjum.
Millibiti: 1 pk. Läkerol blue fruits, 1 Atkinssúkkulaði, ca 30 grömm soyasnakk með salsasósu.

Samtals gerir þetta um 1140 kkal. og 45 grömm kolvetni.

Finnst þetta soyasnakk alveg snilld, þá get ég fengið mér snakk eins og hinir yfir Idol :D Verst að þetta fæst ekki hér, en ég verð bara að biðja mömmu að kaupa handa mér meira við tækifæri og senda ;) Þetta fæst sem sagt í Hagkaup.

Ætla að drífa mig smá rúnt áður en Idol byrjar og klára hann svo eftir Idolið ef ég kemst ekki yfir alla ;) Þið eruð bestar sko :D :D :D

Jájá!

Þetta er alveg rétt hjá ykkur stelpur, ég á ekkert að vera að velta mér upp úr svona rugli.

Annars var bara fínn dagur í dag. Vigtin var samt ekkert sammála mér, leiðindavigt bara :Þ. En ég gerði Pilates æfingar áðan og var voða dugleg. Matseðillinn var á þessa leið:

Morgunmatur: 2 sneiðar Lindbergbrauð, önnur með L&L og roastbeef, hin með makríl í tómat, 125 mL léttjógúrt með mangó.
Hádegismatur: Tær kjötsúpa með grænmeti, 1 sneið sólkjarnabrauð með L&L og osti.
Miðdegisverður: 2 low carb pizzusneiðar.
Kvöldsnarl:Létt Kesam með Crémefine, strásætu og 1/2 banana.
Millibiti: 1 Atkinssúkkulaði.

Þetta var samtals ca 1300 kkal. og 75 grömm kolvetni. En annars er ég að fara á næturvakt svo það bætist eitthvað við. Hef aldrei gert það upp við mig hvort það sem ég borða á fyrstu næturvaktinni flokkist með í þessum sólarhring eða næsta, svo ég hef bara sleppt því að skrá mataræðið þegar ég er á næturvöktum ;)

Fúlt!

Já, það er sko hundfúlt að fá á sig einhverjar ásakanir og skítkast sem maður á ekkert skilið. Ég kommentaði á síðuna hans Valla og kom með eina ábendingu og honum tókst að mistúlka þetta svona herfilega, ásamt því sem hann fór að ásaka mig fyrir hluti sem ég hef ekki komið nálægt og aldrei gert. Getið lesið þetta "fallega" komment hans hér fyrir neðan. Vissulega er þetta örugglega einhver misskilningur, en hann sér allavegana ekki ástæðu til að biðjast mig afsökunar. Sem ég túlka sem svo að honum finnist hann greinilega hafa rétt fyrri sér og flokki mig í einhvern flokk kvenna sem eru að reyna að gera honum lífið leitt. Ekki skil ég hvernig hann fær þetta út. En allavegana er ljóst að ég mun ekki voga mér að kommenta meira á síðuna hans, það verður örugglega allt mistúlkað sem ég segi þar og litið á vinsamleg ráð og hugmyndir sem einhverjar árásir. Mér finnst það eiginlega mjög leiðinlegt, því mér fannst svo skemmtilegt að fá karlmann í hópinn. En svona fór nú það. Ég bara nenni ekki sleikja fólk upp og tipla á tánum með allt sem ég segi. Ekki hef ég lagt í vana minn að vera ókurteis og ekki ætla ég að fara að vera það, en ég vil geta komið með ráð og ábendingar án þess að það sé tekið illa upp og snúið upp í andstæðu sína. Og mig langar svo sannarlega ekki að fá á mig svona óhróður og skítkast aftur. Vona bara að Valla gangi vel í sínu átaki og öllum hinum.

Fallegur dagur

Það er svooo fallegt veður, eða var það í dag allavegana. Svona milt og gott, sólskin og logn. Mér fannst bara eins og það væri að koma vor. Himininn var líka alveg ótrúlega flottur, ofsalega falleg birta. Skýin voru einhvernvegin bleikgul og svo tónaði himininn svona blágrænn við. Rosa flott. Við skruppum til Svíþjóðar að versla og aldrei þessu vant keypti ég EKKI krembollur, fannst nóg þær sem ég át á mánudaginn. En hins vegar leyfði ég mér slatta af hnetum ;) Svona var matseðillinn:

Morgunmatur: 2 sneiðar Lindbergbrauð, önnur með kjúklingakæfu, hin með kjúklingasalati, 125 mL léttjógúrt með jarðarberjum.
Hádegismatur: Pistasíuhnetur og Cashewhnetur, 1 sneið sólkjarnabrauð með makríl í tómatsósu.
Kvöldmatur: Tær kjötsúpa með grænmeti, 1 sneið Lindbergbrauð með L&L og roastbeef.
Millibiti: 1 low carb súkkulaðistykki, 1 banani, 1 pk. Läkerol salvi.

Samtals var þetta um 1360 kkal. og 95 grömm kolvetni. Miðdegisverðurinn varð svo seinn að hann lenti eiginlega saman með kvöldsnarlinu. Fékk mér einn banana þarna á milli hádegismatsins og kvöldmatsins. Ég fór sko í ræktina og tók heví púl á Orbitrekkinu, 50 mínútur, og svo nokkrar magaæfingar. Þetta var eiginlega einum of mikið því ég fann að blóðsykurinn datt niður og ég varð skjálfandi og óglatt... og þá reddaði bananinn mér ;) Kannski á nú eitthvað smá eftir að bætast við matseðilinn í kvöld, sé til hvernig það fer.

Ætla að lesa fyrir börnin áður en ég rek þau í rúmið og kíki svo á ykkur á eftir ;)

Vindgangur!!!

Stelpur, ekki éta fullt af hnetum og svo gróft sólkjarnabrauð á eftir. Ómæ, ómæ! Aumingja karlinn minn að þurfa að anda nálægt mér.

Matseðill

Morgunmatur: 2 sneiðar Lindbergbrauð með L&L, roastbeef og eggjum.
Hádegismatur: Enginn.
Miðdegisverður: Nautastrimlar með wok grænmeti og smá Crémefine sem sósu.
Kvöldsnarl: 1 sneið low carb pizza.
Millibiti: 1 Atkins súkkulaði, nokkrir hlaupkarlar, 1 epli.

Samtals um 1340 kkal. og 88 grömm kolvetni.

Engin hreyfing, bara leti fyrir framan tölvuna og í sófanum.

Oh!

Er bara í vondu skapi og nenni ekki að skrifa neitt.