Verð bráðum grönn aftur ;)

Nýtt blogg

2007-06-21T08:56:00.001Z

Er farin að blogga um átakið mitt annars staðar. Þið sem hafið áhuga getið sent mér mail á lilja@vortex.is. Ég nefninlega meika ekki að setja inn tölurnar mínar fyrir alþjóð að lesa, er bara ekki tilbúin til þess núna. Þannig að ég læsti nýju síðunni til að geta sett inn allar tölur sem mér sýnist, það er nefninlega miklu betra að blogga þannig ;)

Mætt aftur.

2007-05-08T19:52:00.000Z

Enn svolítið jójó í gangi hjá mér. Ég er kannski voða dugleg eina vikuna, dett svo í sukk um helgina og klúðra þá hlutunum alveg fram í vikuna þar á eftir. En ekki gefst ég upp. Ég trúi alltaf að ég finni mig aftur. Ég prófaði reyndar að fara aftur á kolvetnasnautt fæði og gekk svo sem ágætlega, en fann samt fljótt að þetta var ekki alveg að henta mér í þetta skiptið. Ég vil hafa aðeins fjölbreyttari mat. Þannig að ég ætla að miða meira við bara almenna hollustu og halda kolvetnum í lágmarki, sem sagt ekki forðast þau í jafn miklum mæli og þegar maður er á kolvetnasnauðu fæði.

Annars var ég að koma hjólinu mínu í lag og nú er bara voða gaman að hjóla. Gerðist meira að segja svo rosalega dugleg í gær að ég hjólaði niður í Laugar, púlaði þar í 40-45 mínútur og hjólaði svo aftur heim. Þetta er alveg 20-25 mínútna hjólatími hvor leið, svo þetta var alveg dágóð líkamsrækt. Enda var ég kófsveitt þegar ég kom heim ;) En ég er rosalega fegin að hafa loks látið gera við hjólið mitt. Ég hjólaði náttúrulega svo mikið þegar ég bjó úti í Noregi og núna er alldeilis veðrið til að hjóla hér heima ;)

Í dag er ég reyndar á fljótandi fæði þar sem ég er að fara í röntgen af nýrum á morgun. Svo hitti ég lækninn minn eftir það og vonandi verða bara allir steinar farnir og ég laus við frekari nýrnasteinameðferð ;)

Bið að heilsa ykkur skvísur ;)

Jæja

2007-05-07T18:31:00.000Z

Gamla kommentakerfið mitt er víst bara farið á hausinn svo ég er að reyna að koma aftur inn kommentakerfinu sem er orginal með blogger síðunum. Gengur eitthvað treglega. Sjáum hvað gerist núna.

Ljótu kíló :(

2007-04-03T18:49:00.001Z

Æ, bara mér að kenna svo sem. Datt í það um helgina og fór í smá matarsukk í kjölfarið. Þannig að það komu bara strax aftur 2 kg. Eins og maður hefur nú mikið fyrir að losa sig við þessi helv... kíló, þá er ótrúlega svekkjandi hvað þau koma auðveldlega aftur :S En ég drullaði mér í ræktina áðan og svo er bara að taka mataræðið föstum tökum aftur. Ætla svo sem ekki að drepa mig úr samviskubiti um páskana, en reyna að hemja mig samt. Er reyndar að vinna ógeðslega mikið um páskana og krakkarnir hjá pabba sínum, svo freistingarnar verða kannski aðeins minni.

Og áfram mjakast það.

2007-03-29T12:58:00.000Z

7 kg komin ;)

Fór ekki í ræktina í gær. Ég var nefninlega á næturvakt aðfaranótt gærdagsins og þegar ég kom heim þá fékk ég þá brilliant hugmynd að fara að taka til í stað þess að fara bara að sofa. Þannig að ég var í þvílíkri tiltekt og hreingerningum í 5-6 tíma og var svo orðin frekar skjálfandi og úrvinda og meikaði enga rækt. Já, maður er svo bráðgáfaður stundum. Jæja, hef eflaust brennt einhverju við að halda mér vakandi. Sofnaði svo ekkert að ráði fyrr en bara í gærkvöldi, maður kemst einhvernvegin á það stig að syfjan hættir. En ég er líka búin að sofa eins og slytti í dag, er í fríi, og er svona rétt að koma til núna um hádegið. Gæti samt alveg sofið meira sko :Þ

Annars hugsa ég að ég fari bara í ræktina seint í kvöld. Ég er nefninlega að fara aftur á næturvakt í nótt og fer þá í ræktina þannig að ég geti bara mætt beint í vinnuna eftir púlið ;)

Harðsperrur!!!!

2007-03-25T15:35:00.000Z

Áts sko, greinilega aðeins of langt síðan ég tók almennilega á hliðarkviðvöðvunum. Tók nokkrar slíkar æfingar á fösturdaginn og fann sko duglegar harðsperrur í gær, sem eru ekkert að lagast neitt svakalega mikið í dag. Annars fór ég ekki í ræktina í gær. Ætlaði að fara, en svo þurfti ég að vakna svo snemma eftir næturvaktina, svaf bara í 2 1/2 tíma, þar sem ég dreif mig að fara og skrá Örnu í sumarbúðir KFUK. Það tók nú hátt í 3 tíma, ekkert smá margt fólk og löng bið. Þannig að ég var ekki komin heim aftur fyrr en um kl. 16. Fljótlega eftir það skutlaði ég Elísu til ömmu sinnar og afa og svo þegar ég var komin heim aftur, um kl. 17:30, þá bara fór ég að sofa og svaf til kl. 22. Síðan tók bara næsta næturvakt við.

En ég er ágætleg sofin núna og ætla að skella mér í ræktina eftir smá stund ;) Vigtin er ágæt við mig. Hún tók reyndar smá stökk upp á við í vikunni, en það var örugglega bara af því að ég leyfði mér eitthvað sætabrauð og vitleysu. En hún er farin að fara niður á við aftur og ég er bara hress ;)

En já, miðað við vigtina í dag þá ætla ég að stefna á að losa mig við um 21 kg. Get svo sem sætt mig við svona 16, en 21 væri skemmtilegra ;) En ég er þó búin að losa mig við 6 kg frá því fyrir jól, þ.e. áður en ég fór til einkó. Verið svolítið jó-jó eftir áramótin, en ég held að þetta sé að síga almennilega niður aftur núna; ég er komin á skrið ;)

Og áfram svo...

2007-03-21T17:02:00.000Z

Ég finn að ég er pín löt í dag, var náttúrulega á næturvakt s.l. nótt. Ég er líka með svona nartlöngun svo ég er að hugsa um að drífa mig bara í ræktina. Mér finnst nefninlega mjög gott að fara í ræktina á þeim tíma sem nartlöngunin er verst. Ef ég t.d. fer núna þá er akkurat kominn tími á kvöldmat þegar ég kem heim og ég get borðað með góðri samvisku.

Svo túrílú, farin að púla ;)

Næturvaktir

2007-03-20T15:38:00.000Z

Jæja, var á nv s.l. nótt og fer svo aftur í nótt. Þar frétti ég hjá einni samstarfskonu minni að ég ætti líklega félagsreikning í sparisjóðnum sem ég hafði ekki hugmynd um. Sems agt einhverjar greiðslur frá stéttarfélaginu. Nú, ég tékkaði á þessu áðan þegar ég vaknaði og svei mér þá, þar átti ég bara slatta af pening ;) Ekki leiðinlegt að uppgötva það :D

Annars er ég bara búin að standa mig vel í átakinu, er eitthvað svo ægilega ánægð með mig og finnst ég vera komin á réttan stað aftur... LOKSINS!!! Það er eiginlega þessi tilfinning sem ég er búin að bíða eftir. Hef verið mjög dugleg og samviskusöm að fara í ræktina og finnst það líka bara rosa gaman. Fór í gær og lyfti og ætla svo að skreppa í kvöld og brenna, svona áður en ég mæti á næstu næturvakt.

Leiðinlegt veður en það hefur samt ekki áhrif á skapið í mér í dag :D

Sukkdagur

2007-03-18T21:09:00.000Z

Æ já, þessi dagur varð að smá sukkdag. Byrjaði ágætlega, en svo fór ég í afmælsisveislu og tróð í mig kökum og brauðtertum :S En ég drullaðist allavegana í ræktina og púlaði í 45 mínútur... kannski brennt sem samsvarar einni helvítis kökusneið við það :Þ

Skemmtileg helgi

2007-03-17T21:43:00.000Z

Hehe, mér finnst eins og það sé sunnudagur. Málið er að vinkona mín kom í mat til mín í gær og svo fengum við okkur hvítvín og bjór. Hvítvín með matnum, og n.b. ég eldaði voða hollan, en þrusugóðan mat, og síðan fengum við okkur nokkra lite bjóra. Gerði mitt besta til að halda átakinu gangandi þó svo að þetta væri smá svona "nammidagur". Fór svo í ræktina í dag og síðan í sund með krakkana. Hef ekki misst mig í neitt sukkfæði í dag svo ég er bara afskaplega ánægð með mig.

Mér hefur bara gengið voða vel undanfarna daga. Vigtin er byrjuð að hreyfast niður á við og andlega líðanin að sama skapi upp á við. Það er líka bjartara úti og maður verður strax hressari og léttari ;)

Já, og svo virkar kommentakerfið mitt á nýjan leik :D

Pirr!

2007-03-13T17:53:00.000Z

Nei, ég er ekki pirruð út af átakinu, það gengur bara vel. Ég er pirruð út í kommentakerfið mitt, sem virðist ekki virka einhverra hluta vegna.

En já, átakið gengur vel. Viktin er svo sem ekki að taka nein svaka stökk, en ég held að ég gæti líka verið að bæta á mig smá vöðvamassa, er nefninlega búin að vera voða dugleg í ræktinni ;) Hugsa að ég fari samt ekki í dag. Er bara hundþreytt. En ég sé samt til hvernig ég verð seinna í kvöld.

Ég er líka búin að passa mataræðið vel og er bara afskaplega ánægð með mig ;)

Í stuði

2007-03-11T12:50:00.000Z

Ég er búin að vera voða ánægð með mig um helgina. Er búin að fara í ræktina og vera dugleg í mataræðinu. Mér líður eins og ég sé að detta í gírinn aftur og ég vona að sú tilfinning sé rétt ;) Þarf að vinna tvöfalda vakt á eftir, 15:30-07:30 í fyrramálið. Ætla að skella mér í ræktina fyrst og svo að vinna ;) Jej, ég verð vonandi aftur orðin 70 kg fyrir brúðkaupið mitt ;)

Garg!

2007-03-09T13:51:00.000Z

Var að skoða gamlar færslur á blogginu mínu. Maður verður nánast þunglyndur að sjá hvað manni gekk vel og var komin í gott form og ber það svo saman við sjálfan sig núna. Ég bara held að ég verði að gjöra svo vel að skrifa mataræðið niður hér á bloggið eins og ég gerði. Ég á enn í miklum vandræðum með að setja niður þyngdartölu hér á bloggið, mér finnst það alveg svakalega skammarlegt að viðurkenna hvað ég hef þyngst mikið og langar ekkert að segja öllum frá því :( Sé til. Ætla allavegana að byrja á að skrifa niður mataræðið.

Jæja, þetta var kannski smá spark í rassinn að skoða gömlu færslurnar. Ætla allavegana að drífa mig í ræktina og lyfta nokkrum lóðum.

Algjört jó-jó!

2007-03-06T12:57:00.000Z

Þetta "bráðum" er nú að verða ansi teygjanlegt hugtak. Nún líður mér bara eins og mér takist bara aldrei að verða grönn aftur. Er alltaf að jó-jóast í sömu kílóunum. Ég bara virðist ekki finna þessa festu og rútínu aftur sem ég hafði. En ég er samt ekki að gefast upp, alls ekki.

Ég og kærastinn vorum líka að taka þá ákvörðun að láta pússa okkur saman sumarið 2008, að því gefnu að okkur takist að hnýta alla stóra enda fyrir þann tíma, þannig að þarna er ég nú komin með ágætis gulrót til að koma mér aftur í gott form.

Ég ætla að fara að skrifa allt sem ég borða aftur, mér hefur alltaf gengið betur þannig. Og svo verð ég abra að vera dugleg í ræktinni. Svo það er best að drífa sig þangað núna ;)

Pirruð í dag

2007-02-19T08:10:00.000Z

Já, vigtin var bara leiðinleg við mig í morgun, og ég átti það ekkert skilið. Jæja ok, fékk mér smá nammi á laugardaginn og komst ekki í ræktina um helgina... en samt. Átti það SAMT ekki skilið!!!

Djöfull getur þetta ferli verið frústrerandi. Og svo er helvítis bolludagurinn í dag. Hvers vegna eru allir þessir átdagar til, þar sem ætlast er til að fólk éti og éti og éti. Garg! Ég stefni þó á að komast í gegnum daginn án þess að úða í mig bollum. Ætla í ræktina á eftir.

Haba haba

2007-02-15T14:40:00.000Z

Já, ég er ekki búin að vera dugleg síðan ég hætti hjá einkó. Fyrst tókst mér að verð veik með einhverja helv... magaflensu í 4 daga og svo bara átti ég afskaplega erfitt með að koma mér í gang aftur. En ég fór loks í gær í ræktina aftur. Fór svo aftur í morgun og það var bara alveg rosalega gott að komast aftur í þessa rútínu sem ég var komin upp á með einkó. Mataræðið fylgir hreyfingunni og það er gott aftur núna ;) Púff, ég er við einhvern þyngdarþröskuld núna sem ég á voða erfitt með að koma mér yfir, en það skal takast. Hef oft lent í svona áður.

En já, ég setti bara niður smá plan yfir ræktina og skrifaði niður hvenær ég ætla að fara og hvað ég ætla að gera hverju sinni. Svo er bara að standa við það ;)

Úff, þessi janúar

2007-01-25T19:18:00.000Z

Erfiður mánuður, já. Ég er búin að halda tvö barnaafmæli með stuttu millibili, búin að vara í tvær nýrnasteinbrjótsmeðferðir, saumaklúbbur planaður í næstu viku og þarf svo að fara með elstu stelpuna í smá aðgerð.

Ég er búin að vera að rokka upp og niður um tvö kíló allan janúarmánuð eiginlega, en nú eru allavegana afmælin að baki og ég ætti að geta farið að koma rútínu á þetta aftur ;) Fór í ræktina í gær, en er bara heima í dag þar sem ég var í nýrnasteinbrjótnum í morgun. Ekki mjög gáfulegt að fara að reyna eitthvað á sig strax eftir svoleiðis. En ég gæti kannski farið á morgun ;)

Gleðilegt ár ;)

2007-01-10T15:59:00.000Z

Gleðilegt ár dúllurnar mínar. Ég er komin aftur eftir hátíðarnar. Tókst nú að bæta á mig um 2 kg um jólin, en tel það nokkuð vel sloppið samt. Undanfarin ár hef ég yfirleitt náð að bæta á mig alveg um 5 kg eða svo. En þetta er nú á hægri niðurleið aftur. Held reyndar að ég sé að bæta á mig slata vöðvamassa þessa dagana, þannig að ég held að það haldi líka þyngdinni uppi eins og er. Mér finnst rosa fínt að vera hjá einkaþjálfaranum og ég hef bara staðið mig ansi vel í mataræðinu, nema svona rétt yfir hátíðarnar. Ég afrekaði nú samt að labba upp á Keili með pabba og fleiri fjölskyldumeðlimum á jóladag. Það var rosalega gaman.

En já, ég ætla bara að halda þessu áfram. Er þó ekki viss um að ég verði annan mánuð hjá einkaþjálfaranum, þetta náttúrulega kostar sitt. Er að spá í að fara bara að æfa sjálf og sjá hvort það gangi ekki. Nú ef ég ætla eitthvað að slappast niður aftur, þá bara fer ég aftur til einkó ;)

Nei, nei, er sko ekkert að svindla ;)

2006-12-18T12:12:00.000Z

Alls ekki. Mér gengur bara glimrandi. Hef bara voða lítið gefið mér tíma í tölvuna, nóg að gera í desember.

En með átakið þá er ég bara dugleg í ræktinni hjá einkaþjálfaranum mínum og ég passa mataræðið mjög vel og ég er satt að segja búin að léttast um 5 kg síðan ég byrjaði á þessu... sem eru hvað... fyrir ca tveimur vikum síðan? Ég ætla EKKI að fá þetta á mig aftur. Ég kvíði ekki einu sinni jólunum hvað mataræðið varðar núna. Vissulega ætla ég að leyfa mér að borða góðan mat, en ég ætla ekki að úða stjórnlaust í mig sælgæti og vitleysu.

Jæja, þarf að fara að klára að skrifa jólakortin ;)

Aftur komin á fullt :D

2006-12-06T22:43:00.000Z

Jæja gott fólk. Ég hef verið að velta fyrir mér undanfarið hvað ég geti gert til að halda mér í gírnum og komast aftur í gott form. Hugsaði sem svo að það væri örugglega gott að prófa einhverja nýja leið, hefur oft virkað áður að breyta aðeins aðferðinni. Spáði töluvert í Danska, en hann er samt ekki að heilla mig svo mikið; of mikið af boðum og bönnum finnst mér einhvernvegin. OA er ekki fyrir mig, sé engan vegin að ég ég geti ímyndað mér einhvern æðri mátt.

Á endanum ákvað ég að fá mér bara einkaþjálfara. Málið er að ég kann alveg aðferð til að koma mér í gott form, ég hef gert þetta áður, ég kann að setja saman hollan mat o.s.frv. Mig vantar bara einhvern til að sparka í rassinn á mér, hvetja mig, einhvern sem fylgist með mér. Þannig að ég fann mér einn sem kunningjakona mín mælti með og mikið svakalega líst mér vel á hann. Hann er svo áhugasamur og viðkunnanlegur og er greinilega mikið í mun að maður nái árangri.

Ykkur finnst ég kannski skrýtin að fara að byrja á þessu núna rétt fyrir jól í stað þess að kýla á þetta eftir áramót. Ég spáði líka í það og komst að því að það væri miklu sniðugara að drulla sér strax í þetta og hafa þá smá hemil á sér yfir jólin, í stað þess að sitja allan desember og éta á sig gat með þá afsökun að maður ætli hvort sem er að taka sig á í janúar.

Ég verð kannski ekki orðin 10 kg léttari fyrir jól, en ég verð allavegana komin af stað og lundin er strax orðin mörgum kílóum léttari ;)

Þung

2006-11-14T20:30:00.000Z

Datt niður í eitthvað dýpi þessa vikuna. Bara verið voða þung eitthvað, andlega og þar með líkamlega. Ekkert hugsað um mataræðið og ekkert hreyft mig. Skil þetta bara ekki alveg því ég er alls ekki vön að detta í einhvern svona dapurleika. Hef svo sem ekki stigið á vigtina, en hef grun um að hér gildi "easy go, easy come". En þá er bara að reyna að snúa því við aftur, ekki satt?

Vigtunardagur

2006-11-02T09:06:00.000Z

Og það fuku 3 kg þessa vikuna. Er ekki ósátt við það ;) Veit alveg að það fer alltaf mest fyrst, en ég finn nú alveg og sé mun á mér sko ;)

Vinna vinna :S

2006-11-01T12:43:00.000Z

Já, maður er bara alltaf að vinna. Átti nú að eiga frí í dag, en lét plata mig á aukavakt. Ætla nú samt fyrst í ræktina og svo fer ég á vaktina kl. 15:30. Jamm, maður er víst að reyna að krækja sér í smá pening.

En ég er búin að vera svakalega dugleg alla þessa viku. Þar sem ég byrjaði í þessu s.l. fimmtudag ætla ég að stíga á vigtina á morgun og sjá hvort ekki sé eitthvað farið af mér ;)

Pakksödd

2006-10-29T22:40:00.000Z

Ég svaf rosalega vel eftir næturvaktina núna og vaknaði úthvíld og endurnærð :D. Hvíldi mig frá ræktinni í dag, en búin að passa vel upp á mataræðið eins og s.l. daga. Eldaði grænmetissúpu í kvöldmatinn, hún er bara besta súpa í heimi :D Svo núna áðan kláraði ég afganginn af kjúklingabaunapottréttinum og maulaði flatkökur með osti. Svo er ég að fara að vinna eftir tæpan klukkutíma.

En undanfarna daga hef ég skrifað niður og reiknað út allt sem ég borða og hitaeiningarnar koma mjög vel út ;)

Jæja, efast um að ég skrifi á morgun þar sem ég fer beint á kvöldvakt eftir að hafa lagt mig eftir næturvaktina.

Sjáumst ;)

Smááááá blóðsykurfall

2006-10-28T19:23:00.000Z

Púff, fór í ræktina áðan og puðaði og púlaði á orbitrekkinu í 45 mínútur. Ég hreint og beint ofgerði mér aðeins, held ég hafi gjörsamlega klárað blóðsykurbirgðir líkamans :Þ Frekar óþægilegt, var bara gjörsamlega búin á því, óglatt og úrvinda. En lagaðist nú strax og ég fékk mér smá orku, þ.e. mat ;) Líður samt enn svolítið illa, enda var ég á næturvakt og svaf ekki nema í 3-4 tíma eftir hana. Held ég verði bara að leggja mig aðeins núna þar sem ég er að fara á aðra næturvakt í nótt. Ég hugsa líka að ég sleppi ræktinni á morgun, dagurinn í dag dugði alveg tvöfalt sko ;) En ég tók verulega vel á, hehe.

Mataræðið er bara eins og það getur orðið best ;) Ég er að standa mig vel núna ;)

Góða helgi ;)

Spling spling ;)

2006-10-27T20:44:00.000Z

Fínn dagur í dag ;) Mér finnst ég vera kominm í góðan gír. Hef passað mataræðið mjög vel og fór líka í ræktina. Er svo að fara á næturvakt á eftir.

Ég er alltaf að skoða myndina af mér þar sem ég er 68 kg og læt mig dreyma um að verða svona aftur. Búin að argast yfir að hafa skemmt svona fyrir mér, en ætla bara að nýta þessa reiðiorku í að standa mig vel og reyna að losa mig við svona 8-10 kg fyrir jól. Sem er svo sem svolítið mikið, en ég stefni á það samt ;)

Já og lambalærið með myntukryddinu, jömmí, rosa gott. Sósan sem fylgdi með í uppskriftinni var æðisleg. Frekar spes og eflaust ekki allra, en ég fíla svona mjög vel ;)

Yndislegt púl

2006-10-26T14:20:00.000Z

Jæja, dreif mig í ræktina áðan eftir langa kyrrsetu og rosalega var það gott. Ég og vinkona mín, sem er líka í átaki, ætlum að gera það að reglu að mæla okkur mót í ræktinni. Þá svona freistast maður síður til að svindla og sleppa því að mæta. Næst hittumst við á morgun.

Annars er ég að hugsa um að styðjast að miklu leyti við hann vin minnn Fedon Lindberg þegar kemur að mataræðinu. Uppskriftabókin hans er æðisleg og allt sem ég hef prófað úr henni er rosalega gott. Er auðvitað ekki búin að prófa allt, en allavegana hefur hún ekki valdið mér vonbrigðum hingað til. Bjó til kjúklingabaunapottrétt sem ég fékk mér í hádeginu, ásamt brúnum og villihrísgrjónum og smá slettu af 5% sýrðum rjóma. Roooosalega gott ;) Svo ætla ég barasta að elda lambalæri í kvöldmatinn, einnig uppskrift úr þessari bók. Læt ykkur vita hvernig það tekst til ;)

Jæja, á víst eftir að henda mér í sturtu eftir ræktina. Túrílú!

GARG!

2006-10-25T20:09:00.000Z

Ég þoli ekki að vera svona, get bara engan vegin sætt mig við það, hahaha. Er farin aftur í átak og ætla að reyna að losa mig við 10 kg fyrir jól. Hananú! Ætla í ræktina á morgun og er búin að skipuleggja ræktina fyrir næstu viku. Svo þarf ég að setjast niður og skipuleggja mataræðið. Er reyndar búin að passa mig vel á sætindum s.l. daga, en þarf að taka á þessu af meiri festu samt sem áður. Urr bara, ég er eiginlega bara reið útí sjálfa mig fyrir að vera ekki búin að taka mig á fyrir löngu.

Nýrnasteinar - ái!

2006-09-16T10:52:00.000Z

Búið að vera þvílíkt vesen á mér. Ég fékk sko nýrnasteinakast á föstudaginn fyrir viku, fór á bráðamóttökuna og fékk verkjalyf og svo sýklalyf þar sem ég var með þvagfærasýkingu líka. Var líka send í urografíu (röntgenmynd af þvagfærum) og niðurstaðan var sú að það hefði líklegast verið að fara niður nýrnasteinn hjá mér.

Nú svo var ég bara send heim og allt í lagi með það. Síðan á sunnudagskvöldið var ég komin með hita og bara ferlega slöpp, talaði við BMT aftur á mánudaginn og mér var sagt að auka sýklalyfjaskammtinn, sem ég gerði. Svo var ég orðin ágæt á þriðjudaginn. Síðan um nóttina fór ég að finna aftur seyðing í bakinu vinstra megin, sem magnaðist bara og ég fékk aftur sama slæma verkinn og ég fékk á föstudeginum. Skalf eins og hrísla og rauk upp í hita og hafði því samband við BMT sem vildu bara að ég kæmi strax.

Ég fór þangað og þar fékk ég aftur verkjalyf og svo sýklalyf í æð og svo var ég send í ómun af nýrum og í framhaldinu lögð inn. Þá er ég með tvo steina í vinstra nýra og líka einn í því hægra. Daginn eftir var settur upp s.k. J-J leggur frá blöðru upp í vinstra nýra, en það er til að hindra að steinarnir teppi nýrnaleiðarann. Síðan á ég að fara í nýrnasteinbrjótinn eftir ca viku til að mölva steininn í hægra nýranu, því hann er of stór til að fara af sjálfsdáðum.

Já, svona er nú ástandið á mér. Slapp heim af spítalanum í gær og var bara frekar slöpp og svolítið verkjuð. Er mun betri núna þegar ég er nývöknuð og vona að það haldist bara. Þannig að ég er ekki mikið búin að fara í jóga eða ræktina, hvað þá út að ganga. Og mataræðið.. pfff... á fimmtudaginn var það aðallega saltvatn í æð og svo kjúklingabitar um kvöldið, hahaha. En nú er ég vonandi að hressast. Ég þarf allavegana að passa svolítið upp á mataræðið í sambandi við þessa steina og aðgerðina sem ég fór í, aðallega að drekka vel af vökva, helst vatni, og borða trefjaríkan mat.

Síjú!

Hætt í átaki!!!

2006-09-12T22:13:00.000Z

Mamma gaf mér bók í dag sem heitir 101 hollráð eftir Victoriu Moran. Ég er rétt aðeins byrjuð að glugga í hana og líst rosa vel á margt sem ég er búin að lesa. Tók bara ákvörðun á staðnum.

Jamm, ég er búin að taka þá ákvörðun að hætta í átaki, megrun, matarkúr eða hvað sem fólk vill kalla þetta. Ég hreinlega nenni þessu ekki lengur. Ég nenni ekki að vera að eyða lífinu í að vera með áhyggjur af þyngdinni. Í staðin ætla ég að einbeita mér að því að vera sátt við sjálfa mig bæði andlega og líkamlega eins og ég er... ekki eins og ég ætla að vera. Hins vegar ætla ég einnig að einbeita mér að því að bera virðingu fyrir sjálfri mér og vera góð við sjálfa mig. Þá ekki með því að liggja í leti og éta sælgæti, heldur að velja mér holla fæðu og hreyfa mig. Hljómar kannski eins og átak, en ég vil fá þetta orð burt. Ég vil ekki þurfa að vera með samviskubit yfir að FALLA, ég ætla bara ekkert að vera í átaki, því þá er bókað mál að ég er ekkert að falla.

En það sem mig langar að gera núna er að prófa t.d. jóga og svipaða tíma, ásamt því að venja mig á göngutúra... og ég ætla einnig að fara í ræktina, því mér líður vel með það. En ég ætla ekki að drepast úr samviskubiti yfir að hafa ekki farið fjórum sinnum í ræktina þessa eða hina vikuna.

Mig langar líka að fara á matreiðslunámskeið, eignast fleiri matreiðslubækur, gefa mér tíma í að elda mat úr góðum hráefnum og án þess að flýta mér. Gefa mér tíma í að borða líka, bera matinn fram á fallegan hátt og njóta máltíðarinnar.

Og vitiði hvað ;) Við erum búin að kaupa þessa íbúð :D Getum reyndar ekki flutt inn alveg strax, þurfum að gera ýmislegt fyrst, en það kemur að því. Ég hlakka sko til að geta eldað í nýja eldhúsinu mínu, haft almennilegt eldhúsborð/borðstofuborð þar sem hægt er að sitja saman til borðs o.s.frv.

Jæja, hvernig líst ykkur á þetta hjá mér? Er eitthvað vit í þessu? Ég er bara orðin svo þreytt á að vera alltaf að klúðra málunum, að nú ætla ég bara ekkert að vera í neinum málum sem hægt er að klúðra. Leggja bara fyrst og fremst áherslu á að ég er alveg nógu góð eins og ég er og ef mér tekst það er ég viss um að heilsusamlegra líferni verður miklu auðveldara.

Líður strax vel bara ;)

Gluggið í þessa bók, þurfið ekkert að fara eftir öllu sem þarna stendur, en örugglega eitthvað sem hægt er að nota fyrir hvern og einn. Allavegana ætla ég að sjá hvert þetta færir mig.

Smá bakslag.

2006-08-30T18:18:00.000Z

Ekkert voða alvarlegt samt, en ég datt aðeins úr gírnum. Það er nú aðallega út af þessum íbúðamálum og svo að ég er búin að vera að vinna helling. Bara mikið sem ég hef þurft að stússast og lítill tími fyrir ræktina. Mataræðið hefur reyndar verið í fínu lagi, nema ég fór á skrall á laugardaginn og hugsaði ekki alveg nógu vel um mataræðið næstu daga. Samt ekkert nammi, en líklega borðað aðeins of mikið. Reyndar er ég búin að ákveða að hafa smá nammikvöld í kvöld í tilefni Rockstar Supernova, en síðan ætla ég bara í rétta farið aftur á morgun. Íbúðarmálin skýrast nú vonandi á morgun eða hinn, er orðin dauðleið á þessu stússi :( Vona bara að allt leysist á besta veg og að við fáum þessa íbúð.

Hæ hó!

2006-08-24T22:15:00.000Z

Hér gengur allt vel. Er bara nokkuð dugleg í ræktinni og mjög dugleg í mataræðinu. Það hamlar aðeins ræktinni hjá mér hvað ég er að vinna mikið, en ég er líka bara að koma mér upp smá rútínu. Er að fara svona fjórum sinnum í viku núna, en ætla að auka það. Steig á vigtina á þriðjudaginn og var bara alveg sátt þó svo að það færu engin 4 kg þessa vikuna ;) Nei, það fóru "bara" 0,5 kg, en mér finnst það í góðu lagi. Ætla bara að halda áfram á sömu braut og þetta kemur allt smám saman ;)

Er að vinna alla helgina, en samt ekki mjög leiðinlegar vaktir. Ætla í ræktina fyrripartinn á morgun þar sem ég er á kvöldvakt. Verð aðeins að sjá til með laugardaginn, því ég er að vinna til 16 og svo fáum við vinafólk í heimsókn í grill um kvöldið. En þá fer ég bara á sunnudeginum ;)

Ætla aðeins að kíkja smá bloggrúnt.

Dí, hvað það er gott að vera komin í þetta hugarfar aftur ;)

Bráðum byrjar skólinn

2006-08-21T07:10:00.000Z

Já, skólinn hjá stelpunum er að byrja... tókuð þið eftir að ég sagði stelpunum... í fleirtölu? Hún Arna mín er nefninlega að byrja í skóla ;D Hún hlakkar alveg rosa mikið til, er sko orðin svaka stór. Þetta er spennandi ;) Það er skólasetning á morgun, en fyrstu bekkingar eiga að mæta í viðtal hjá sínum umsjónarkennara með foreldrum annað hvort á morgun eða á miðvikudaginn.

Annars þá gengur mér bara mjög vel í mataræðinu. Það er allt búið að vera að drukkna í súkkulaðikökum, pizzum og nammi í vinnunni, en ég stend þetta allt af mér og finnst það ekki einu sinni erfitt. Það er svo rosalega gott þegar maður er í þessum gír. Hef hins vegar ekki komist í ræktina um helgina sökum mikillar vinnu, en ég fer á eftir. Hef samt grun um að þyngdartapið verði lítið þessa vikuna, fór aðeins upp á við eftir síðustu mælingu, en síðan niður aftur. En ég er ekkert að stressa mig á þessu, þar sem þyngdartapið síðustu viku var svo mikið. Mér gengur bara vel og er mjög ánægð með mig.

Fresinius, ég ætla sko ekki að fara úr Kópavoginum ;)

Takk fyrir öll góðu kommentin stelpur :D

Hellú

2006-08-19T13:24:00.000Z

Enn gengur allt bara vel. Vigtin er hætt að húrra svona niður á við, enda var alveg við því að búast. En ég stend mig vel í mataræðinu og ræktinni. Búin að fara í ræktina mánudag, þriðjudag og fimmtudag. Fór ekki á miðvikudag og í gær, en ætla að drífa mig á eftir. Annars er ég bara að vinna eins og alltaf, tek smá aukavakt í kvöld, 4 tíma, og svo 12 tíma aukavakt á morgun. Jamm, jamm.

Enn ekkert komið á hreint með íbúðamál, vonandi skýrist það eftir helgi.

Hafið það gott skvísur ;)

Lilja

Þyngdartap vikunnar

2006-08-16T19:33:00.000Z

Ætlaði reyndar að skella inn tölu í gær, en höfum það bara í dag. Á átta dögum eru farin heil 4,7 kg. Enda mest af þessu einhver sukkkíló. Á ekki von á að þetta gangi eins hratt næstu viku, en ég er ánægð með þetta ;)

Fór í ræktina í gær, en hvíldi hana í dag. Fer svo á morgun ;)

Ánægð með mig

2006-08-14T21:40:00.000Z

Jibbí, skibbí ;D Vinkona mín er loksins flutt í bæinn og við drifum okkur í ræktina í dag. Er svo ánægð með þetta. Er líka dugleg í mataræðinu ;D Já, ég er bara ánægð með mig.

Er á lífi og ekkert sukk ;)

2006-08-13T17:17:00.000Z

Bara mikil vinna þessa helgi. Er á næturvöktum og svo að taka aukavaktir líka. En ég er búin að standa mig alveg prýðilega í mataræðinu. Ræktin þarf bara að bíða, meika hana ekki þegar ég er að vinna svona mikið, allavegana ekki núna. En ég fer alveg pottþétt á morgun.

Vigtin er töluvert ljúfari við mig núna en þegar ég var nýkomin heim úr fríinu, en sukkkílóin fara náttúrulega alltaf frekar fljótt. Síðan þegar þau eru farin þá tekur alvaran við og þá gengur þetta ekki alveg jafn hratt. En þetta gengur og skal gera það áfram ;)

12,5 tíma vakt framundan, 19:30-08. Hlakka til þegar hún er búin. Úff já, svo þurfum við að fara að tékka á þessu greiðslumati okkar, er svolítið stressuð yfir því. Krossið putta fyrir okkur :0 :)

Stutt blogg

2006-08-10T11:26:00.000Z

Var á kvöldvakt í gær, dagurinn gekk mjög vel. Borðaði hollt og fór í ræktina :D Fer á kvöldvakt líka á eftir. Ætla ekki í ræktina í dag, er bara þreytt og svo þarf ég að stússast aðeins á eftir. En stefni á að fara á morgun ;)

Ákvað að hafa þriðjudaginn s.l. sem svona núlldag, þ.e. daginn sem ég byrjaði þetta átak. Ætla svo að skella inn vikulega hvað ég er búin að missa mörg kíló frá þessum degi (eða bæta á mig ef svo er að skipta, vonum bara að það fari ekki þannig :S ).

Sjáumst ;)

Betri dagur í dag ;)

2006-08-08T20:38:00.000Z

Takk fyrir peppið elsku dúllurnar mínar, leið ofsalega mikið betur við að lesa kommentin frá ykkur.

Jæja, dagurinn í dag. Ég fór reyndar ekki í ræktina, skamm á mig fyrir það. Mér til afsökunar þá þurfti ég að stússat heilmikið í dag, var t.d. að skrá Örnu í dægradvöl í skólanum, keyra tengdaömmu í banka og búð, versla inn fyrir þetta galtóma heimili (ekkert til eftir sumarfríið), heimsótti vin minn sem býr í DK en er hér í fríi núna og fer aftur út í lok vikunnar, og fór svo og skoðaði íbúð áðan.

Okkur leist bara ansi vel á þessa íbúð. Staðsetningin er mjög fín, bæði upp á skóla og leikskóla barnanna og með tilliti til umferðar. Þetta er efri sérhæð í tvíbýli, sér inngangur, huggulegur garður með sólpalli og húsið er innarlega í botnlanga, þannig að það er ekki mikil umferð þarna. Stór og rúmgóð herbergi, stofan að vísu ekki mjög stór, en samt alveg nógu stór, nýleg og nytsamleg eldhúsinnrétting, ágætis baðherbergi með nokkuð nýlegum innréttingum. Þvottahús og geymsla í kjallaranum og svo fylgir bílskúr sem búið er að innrétta sem einstaklingsíbúð, þannig að þar koma inn fínar leigutekjur sem myndu alldeilis létta greiðslubyrðina.

Eini gallinn er eiginlega að það eru ekki nema þrjú svefnherbergi, en við hefðum helst þurft fjögur. Arna og Hjalti geta svo sem alveg verið saman í herbergi eitthvað áfram, og það er líka alveg möguleiki á að hólfa af eitt svefnherbergið einhvernvegin til að þau fengu meira svona einkarými. Svo þegar Elísa er orðin nógu stór gæti hún alveg farið yfir í bílskúrsíbúðina.

Allavegana finnst okkur alveg þess virði að skoða þetta vel.

En já, aftur að átakinu. Mér er búið að ganga mjög vel með mataræðið í dag og líður miklu betur ;) Ætla svo bara að drífa mig í ræktina strax í fyrramálið.

Sálartetrið svolítið slæmt

2006-08-08T02:40:00.000Z

Já, það verður bara að viðurkennast, andlega hliðin er í svolítilli lægð núna. Einhvernvegin lagði maður þetta svolítið til hliðar í sumarfríinu, en núna þegar maður er kominn heim aftur og er bara að fara í rútínuna aftur, þá dembdist þetta yfir mig. Mér finnst ég bara frekar ógeðslegt núna. Finn að það er að myndast undirhaka á mér, finnst magaspikið vella út um allt, með fellingar á bakinu og vottar varla fyrir vöðvum á fótleggjum og handleggjum. Það er eiginlega enn ömurlegra að hafa verið komin í frábært form og klúðra þessu síðan svona svakalega aftur. Mér líður bara eins og ég sé virkilega FEIT, með HUGE F-i núna.

Ekki nóg með það, heldur þá finnst mér ég vera sú eina í nánustu fjölskyldunni sem er svona feit, bara gjörsamlega á skjön við hinar stelpurnar. Systir mín er grönn og æðisleg, kærasta bróður míns í flottu formi. Báðar systur kærastans míns eru tágrannar og algjörir kroppar, kona bróður hans sömuleiðis, þrátt fyrir að vera kasólétt... ja, hún var reyndar að eiga fyrir nokkrum klukkutímum bara, og ég er viss um að eftir nokkra daga verður ekki á henni séð að hún sé nýbúin að eignast barn. Svo kem ég, blobb blobb!

Svo veit ég alveg að fólk talar, svoleiðis er það bara. Ekki að það sé að meina neitt illt með því, en ég get alveg gert mér í hugarlund samræðurnar í vinnunni, í vinahópnum, í fjölskyldunni... svona þegar ég er ekki nálægt.

- Rosalega er mikil synd að Lilja sé búin að fitna svona aftur, eins og hún var nú búin að missa mörg kíló.
- Já, maður tekur alveg eftir þessu. Hún er líka ekkert að passa sig núna, sé hana oft fá sér sælgæti og eitthvað svona óhollt.
- Já, þetta er leiðinlegt.

O.s.frv.

Ég ætla nú ekki að ganga svo langt og segja að ég sé orðin þunglynd út af þessu, alls ekki. En það er svona svolítil depurð yfir mér. Ég er bara mjög óánægð með mig, líður ekki vel eins og ég er og langar minna til að hitta fólk út af þessu. Sérstaklega fólk sem ég hef ekki hitt í einhvern tíma og ég veit að sér greinilega mun á mér.

Svo bara skil ég ekki hvernig ég leyfði þessu að gerast. Ég VEIT alveg hvað gerist ef ég held mig ekki við mitt holla mataræði og hreyfinguna, þ.e. ég fitna eins og skot aftur. Ég veit svo sem hluta af ástæðunni, eins fáránlegt og það nú er. En ég hef verið svolítið feimin við að ræða þetta í nýja sambandinu mínu, fundist eins og ég sé eitthvað fáránleg ef ég er að vigta og skrifa niður hvað ég borða o.s.frv. Bara svolítið óörugg. Skil samt ekki alveg hvers vegna og ég er pirruð á mér fyrir að vera að spá svona í hvað öðrum finnst um þessa aðferð mína, því hún kemur engum við. ÉG veit hvað virkar fyrir mig og þá á enginn annar að hafa áhrif þar á... en svoleiðis hefur það nú samt aðeins verið.

Annað sem spilar inn í eru náttúrulega bara allar þessar breytingar sem hafa orðið á mínu lífi s.l. ár, en eftir situr að ég hef líka bara leyft þessu að gerast. Ég hef ekki passað að setja átakið mitt í forgang og það er það sem ég þarf að gera aftur.

Jæja, það var allavegana gott að fá að pústa smá, þó svo að það sé nú bara í tölvunni. Klukkan er að verða þrjú um nótt og ég gat bara ekki sofið. Vonandi verður morgundagurinn betri, ætla sko að drífa mig í ræktina og koma skipulagi á mataræðið. Góða nótt :*

Úff og púff og allt það

2006-08-07T20:46:00.000Z

Jæja kæru vinkonur og aðrir.

Nú er ég komin heim úr þriggja vikna sumarfríi austur á Egilsstöðum í sól og blíðu (svona oftast allavegana) og viðbjóðslega miklu áti á gómsætum mat og óhollu snakki :S Er bara gjörsamlega hnöttótt eftir þetta. Hafði það að vísu alveg rosalega gott og þetta var mjög skemmtilegt sumarfrí, en já... hafði það aðeins of gott. Ef ég á ekki að missa mig gjörsamlega þá verð ég að gera eitthvað í þessu... er að fá ógeð á mér aftur og ég hata þessa tilfinningu. Þannig að það er mjög skynsamlegt að taka á þessu strax og koma sér í gott form aftur.

Vinkona mín ætlar að koma með mér í átak og við byrjum á því saman um miðjan ágúst. Ætlum að vera duglegar í ræktinni, í mataræðinu og fara út að ganga. Hugmyndin er að labba á Esjuna reglulega og eitthvað fleira í þeim dúr. Kærastinn er mikið til í að vera með í því líka, og það er frábært. Ég ætla reyndar bara að byrja í átakinu strax á morgun, er svona að undirbúa mig andlega og skipuleggja aðeins. Ætla virkilega að stefna á að gera þetta almennilega núna og vera dugleg að blogga.

Skelli inn færslu á morgun, hlakka heilmikið til að komast af stað aftur.

Er í ágætum málum

2006-06-06T11:44:00.000Z

Þó ég hafi ekki haft tíma í blogg undanfarið þá er ég samt ekkert alveg að klúðra hlutunum. Að vísu gengur þetta svolítið upp og niður. Ég er voða dugleg á virkum dögum, en svo er alltaf eitthvað að gerast um helgar sem fær mig til að fara út af sporinu; afmæli, sumarbústaðaferðir o.s.frv. En ég er allavegana ekki að þyngjast, þá frekar að mjakast örhægt niður á við. Er reyndar með á stefnuskránni að vera rosalega dugleg næstu tvær vikurnar og ekki klúðra helgunum. Er líka að vinna alla næstu helgi svo ég ætti ekki að vera að fara á neitt djamm eða í neinar veislur eða sumarbústaðaferðir.

Hjalti er lasinn svo ég veit ekki alveg hvernig verður með ræktina í dag, ætla samt að reyna að fara seinnipartinn. Síðan er ég að fara á næturvakt í nótt. Er reyndar að taka slatta af aukavöktum núna, aðeins að reyna að krækja mér í smá pening fyrir sumarfrí ;)

Ætla að kíkja aðeins á ykkur ;)

Vinna, vinna, vinna!

2006-05-19T07:57:00.000Z

Þreytt, þreytt, þreytt! Ekki verið nógu dugleg undanfarnar tvær vikur en þó alltaf eitthvað að reyna. Aðallega ræktin sem hefur fengið að sitja á hakanum. En er að fara á eftir.

Líður svoooo vel ;)

2006-05-05T15:45:00.000Z

Já, mér líður bara svo ofsalega vel þessa dagana. Hamingjusöm og létt í skapi, mætti vera léttari í kílóum talið, en það er allt á réttri leið ;) Allar stórar áhyggjur eru farnar og það er bara gaman að vera til ;)

Ég ákvað að skella mér í svona Heilsueftirlit í Laugum, byrjaði í dag. Þá hitti ég þjálfara sem fer yfir mælingarnar með mér, markmið og býr til prógramm í tækjunum... já og bara heldur svolítið utan um þetta. Ég mæti svo reglulega í vigtun og mælingar. Hefði getað gargað þegar ég var mæld í morgun, fituprósentan aftur orðin allt of há og ummálsmælingarnar ömurlegar. Það er svo svekkjandi að sjá þetta svona þegar maður hefur verið í flottu formi. En þá er bara að komast þangað aftur. Ég er í góðum gír og ætla að nýta mér hann. Reyndar verður djammað um helgina, afmælisveisla og fleira, en ég er samt svo bjartsýn. Ætla ekkert að missa mig út í neina bölvaða vitleysu ;)

Kíkið svo á nýjasta átaksbloggarann, Fitubollan, og endilega peppið hana upp.

Jæja, farin að taka til og dundast fyrir þetta partý í kvöld. Light bjór á boðstólnum fyrir mig ;)

Dugleg ;)

2006-05-04T08:54:00.000Z

Já, ég er bara búin að vera nokkuð dugleg í átakinu, þó ég hafi ekki verið eins dugleg að blogga. Fór í ræktina í gær og ætla að drífa mig á eftir líka. Ég er líka búin að standa mig vel í mataræðinu, enda eru um 2 kg farin síðan ég byrjaði núna fyrir alvöru ;) Þannig að þetta virðist allt vera á réttri leið. Ég finn líka að ég er í góðum gír. Í gærkvöldi í vinnunni ákvað einhver (eins og svo oft áður) að kaupa fullt af nammi og setja í skálar hér og þar, og ég bara fékk mér ekki neitt :D Og mér fannst heldur EKKERT erfitt að standast þetta ;) Þegar ég er í svona gír þá er líka best að nýta tímabilið sem allra best, því ég veit það koma svo tímabil þar sem erfiðara er að standa freistingarnar.

Kærastinn gaf mér línuskauta í fyrradag ;D Nú verð ég sko að komast til að prófa þá, næst þegar ég er í fríi. Hlakka rosa til að læra á þetta, held að maður geti alveg brennt slatta við að línuskautast ;)

Í dag er planið að skella sér í ræktina, síðan fer ég í lunch með vinkonum mínum og ég ætla bara að taka með mér nesti, og svo er það kvöldvakt.

Skrifa meira síðar ;)

Næturvaktir að klárast

2006-04-30T15:11:00.000Z

Síðasta næturvaktin þessa helgina á eftir. Ég hef bara ekkert komist í ræktina um helgina. Var að spá í að fara á eftir og biðja kærastann að passa, en veit ekki hvort ég tími þessum fáu klukkutímum sem eftir er fram að háttatíma unganna. Er náttúrulega búin að sofa alveg þar til núna og svo fara þau til pabba síns á morgun. Sé til.

Mataræðið er alveg ok, en samt tekst mér enn ekki að halda mig undir 1500 hitaeiningum. Er samt viss um að ég næ því ;) Á föstudaginn var foreldrakaffi á leikskólanum og börnin buðu stolt upp á heimabökuð rúnnstykki, svo ég fékk mér nú bara. Hitaeiningarnar þann daginn enduðu í um 1870 :S. Í gær voru þær um 1750. En ég er allavegana að borða hollan mat, ekkert nammi og rusl. Sjáum svo hvernig þetta verður í dag.

Keypti mér mjög fínar íþróttabuxur í gær ;) Fór aldrei í þetta á föstudaginn, en dreif í því í gær ;)

Sól og vor

2006-04-28T12:44:00.000Z

Það er allavegana tilfinningin sem ég fæ þegar ég lít út um gluggan. Já, það er bara aftur komið vor ;) Fyrr ári síðan var ég vissulega mun grennri og þannig langar mig að verða aftur. En mér leið samt ekki vel andlega. Var einmana, langt frá ættingjum og vinum, og skilnaður á næsta leiti. Í dag er framtíðin miklu bjartari og hlutirnir virðast vera að ganga upp, ja nema þá kannski í megruninni minni, hehe. En þá er nú einmitt kominn rétti tíminn til að takast á við hana þegar allt hitt er að baki ;)

Ég fór í ræktina í gær, í tíma sem kallast bodyshape (sami og ég fór í á þriðjudag). Mjög fínir tímar og taka vel á vöðvana. Svo þarf ég bara að brenna inn á milli, þannig að ég ætla að athuga hvort ég finni einhvern brennslutíma í dag, annars fer ég bara á Orbitrekkið ;) Þetta er sko allt að koma.

Stóð mig alveg þokkalega í mataræðinu í gær, allavegana engar bannvörur. Hitaeiningarnar hafa líklega verið um 1730, sem er aðeins of mikið ef ég ætla að grenna mig almennilega, en samt alveg þokkalegt. Ætla að reyna að hafa þær undir 1500 í dag.

Jæja, ætla út í góða veðrið og sjá hvort ég finni einhverjar íþróttabuxur á mig sem ég get notað í ræktinni.

Harðsperrur

2006-04-26T11:56:00.000Z

Jebb, er sko með þokkalegar harðsperrur eftir tímann í gær, sem er bara hið besta mál. Er ekki viss um að ég fari í ræktina á eftir, kemur í ljós.

Annars ætla ég að reyna að eyða smá tíma í dag að setja niður eitthvað mataræði fyrir mig, plana þetta svolítið.

Skrifa kannski meira í kvöld.

Ojæja!

2006-04-24T20:30:00.000Z

Ekki besti dagurinn í dag, en svo sem engar huge syndir. Mikið að gera í vinnunni, þreytt og nenni eiginlega engu. Er að japla á sykurlausu ávaxtamentosi, það er bara rosa gott. Engin rækt í dag, en fer á morgun ;) Skrifa líka meira á morgun, er bara ferlega þreytt núna.

YNDISLEGT...

2006-04-21T16:02:00.000Z

... að fara í ræktina aftur. Mér fannst ég bara vera komin heim þegar ég steig á orbitrekk tækið í Laugum og setti tónlistina af stað ;) Þolið var ekki alveg eins slæmt og ég hélt, þraukaði alveg 40 mínútur í góðu púli. Er hins vegar orðin frekar slöpp í magaæfingunum fann ég, en það hlýtur að koma fljótt.

Gallabuxurnar mínar eru að springa utan af mér... og þær sem voru farnar að verða heldur víðar. En það er sko ekki séns að ég ætli eitthvað að parkera þeim og fara að ganga í teygjubuxum, þá fyrst er voðinn vís. Nei, ég skal sko pína mig í þessum buxum þar til þær passa almennilega aftur... og hana nú!!!

Búin að passa mataræðið vel í dag. Mæli með að þið skerið niður ávexti, blandið svo saman vanillu skyr.is og skyrdrykk og notið það sem sósu yfir. Rosa gott ;)

Þá er komið að því ;)

2006-04-20T13:48:00.000Z

Já, nú er komið að því. Nú verður sko að taka á því og lifa heilsusamlegu líferni. Ætlaði að fresta þessu þar til eftir helgi, en ákvað svo að byrja bara NÚNA, þó ég sé búin að vera að hakka í mig sælgæti fyrr í dag. Ég er að fara að vinna á eftir og keypti mér reyndar bara svona indverska grænmetispönnuköku frá Móður Náttúru til að taka með mér í vinnuna. Á morgun ætla ég að kaupa mér kort í Laugum aftur, er búin að finna það út að mér líkar sú stöð betur. Það eru miklu betri og þægilegri tæki þar.

Elis, yndið mitt, er alveg til í að koma í smá hollustuátak með mér, þannig að ég get bara eldað hollan og góðan mat fyrir alla ;) Er bara mjög ánægð ;)

5 kíló skulu fara á næstu 8 vikum ;)

Sælar stúlkur

2006-04-06T10:28:00.000Z

Jæja elsku átaksvinkonur og aðrir sem nenna að lesa þetta. Ég er svona að velta fyrir mér hvernig ég eigi að taka á mínum átaksmálum núna. Undanfarið hefur verið mikið stress á mér, mikið að gera og ég hef ekkert hugsað um átakið. En mér sýnist nú að það sé að róast og hlutirnir að komast í réttar horfur, þannig að það er bjartari og rólegri tíð framundan. Ég þarf alveg afskaplega mikið að fara að koma mér í gírinn, það er bara nauðsynlegt. Nú er stutt í páskana þannig að ég held að ég setji niður plan sem hefst eftir páska, þarf virkilega að koma mér í gott form fyrir sumarið.

Ætla að klára þessi mál sem ég þarf að klára og svo setjast hér og reyna að finna gott plan. Þið megið alveg koma með hugmyndir ;)

Er sko ekkert hætt :D

2006-03-03T08:50:00.000Z

Nei nei, ég er ekkert að gefast upp. Þarf bara að koma mér af stað og í dag er sá dagur. Passaði reyndar mataræðið alveg ágætlega í gær, borðaði allavegana ekkert óhollt, en ég var ekki að mæla og vigta eins og ég veit að ég þarf að gera til að halda mér við efnið almennilega. En ég ætla að gera það í dag. Svo ætla ég að drífa mig í ræktina á eftir, ætla í BodyPump tíma kl. 17:25. Var reyndar að velta fyrir mér að fara í pallatíma í hádeginu, en ákvað svo að reyna að laga svolítið til hér heima og taka þá bara krakkana með mér í ræktina seinna í dag, þeim finnst það líka svo gaman. Ég ætla líka að setjast niður og gera svolítið matarplan, smelli því vonandi inn á eftir ;)

Tótallí gleited!

2006-02-24T13:42:00.000Z

Amm, ég er þokkalega glötuð bara. Nenni engu átaki þessa dagana. Er bara að vinna á fullu og er einhvernvegin ekkert að koma mér af stað. Ég er reyndar búin að vera að hugsa slatta og ég sé að ég verð bara að fara í djammbindindi ef mér á að ganga eitthvað í þessu. Dett alltaf í eitthvað rugl eftir djamm og er heillengi að komast af stað aftur. Reyndar er árshátíð 11. mars, sem sagt eftir rúmar tvær vikur og ég ætla á hana. En ég verð að reyna að vera ofurdugleg fram að því og fara svo á fullt skrið eftir það.

Er að fara á kvöldvakt svo ég bið að heilsa í bili. Lovv jú görlís ;)

Brjáluð vika

2006-02-17T17:36:00.000Z

Og lítill tími í átak og blogg. Var nefninlega á námskeiði í sérhæfðri endurlífgun, mikið að lesa og mikið að læra. Var svo í prófi í dag, sem gekk bara rosa vel ;) En ég ætla bara að slappa af um helgina og kem svo rosa hress til baka á mánudaginn ;)

One down, one to go!

2006-02-09T21:05:00.000Z

Nei ekki kílóin, heldur næturvaktirnar að þessu sinni ;) Annars er s.l. sólarhringur búinn að vera stórfínn. Náttúrulega engir reglulegir máltíðstímar, en svona var matseðillinn:

Nætursnarl 1
1 appelsína

Nætursnarl 2
1 diskur heimalöguð grænmetissúpa

Nætursnarl 3
1 Body for Life próteinstöng með jarðhnetu/karamellu

Morgunmatur
2 sneiðar heimalagað speltbrauð
15 gr túnfiskssalat á la Lotta
8 gr léttsmurostur

Kvöldmatur
200 gr eggjakaka með kjúklingi (afgangar frá í gær), lauk, púrrulauk, 30% osti og sveppum.
70 gr evrópskt salat

Kvöldsnarl
200 gr létt AB mjólk
30 gr ávaxtamüsli
1/2 banani
strásæta (Splenda)
1 stk Fruit'n Fibre frá Kellog's

Þetta gerði samtals um 1380 kkal. og ég er mjög ánægð með það. Svo fór ég í BodyPump hjá Darcy áðan, hún er bara frábær. Skemmtileg og hvetjandi ;) Ég finn það líka núna að ég er aftur komin með þessa þörf fyrir að fara í ræktina. Manni líður svo ofsalega vel ;) Kvíði samt svolítið fyrir helginni. Vinkona mín er að koma í bæinn, sem er nú bara æðislegt, en við ætlum að fá okkur smá bjór og gera eitthvað sniðugt. Og svo er fjölskylduþorrablót á laugardaginn og þá verður líka eitthvað djamm. Ætla samt að gera mitt besta til að gæta hófs og fara ekki gjörsamlega út af sporinu eins og eftir síðasta djamm. Þið hvetjið mig áfram stelpur, er það ekki? Treysti á ykkur ;)

Áts, nammi :/

2006-02-08T20:02:00.000Z

Datt í smá nammi í dag. Það þurftu náttúrulega einhverjir snillingarnir að koma með nammi niður í vinnu og dreifa því í skálar út um allt... og ég stóðst ekki freistinguna :( Þannig að hitaeiningarnar í dag urðu of margar. Þetta leit einhvernvegin svona út:

Morgunmatur
1 dós léttjógúrt með kiwi og perum
2 sneiðar heimabakað speltbrauð
2 gr L&L
10 gr roastbeef
25 gr soðið egg í sneiðum
15 gr túnfiskssalat á la Lotta

Morgunkaffi
Ca 70 gr M&M súkkulaðihúðaðar jarðhnetur

Hádegismatur
Ferskt salat með kjúklingabaunum og karríhrísgrjónum
Ca 30 gr súrmjólkurdressing
1 lítil brauðbolla
10 gr L&L

Miðdegisverður(kl. 16)
450 gr heimalöguð grænmetissúpa

Millibiti
3 stk Better Choice kex með rúsínum, eplum og kanil.

Kvöldverður (kl. 19:30)
85 gr kjúklingabringa
250 gr léttsteikt grænmeti

Kvöldsnarl
3 stk Better Choice kex með rúsínum, eplum og kanil.

Þetta gerði u.þ.b. 1960 kkal. Jamm, allt of mikið. Sé það strax þegar ég skrifa þetta niður að ég hefði getað sleppt einhverjum af þessum millibitum og auðvitað namminu. En þetta er búið og gert. Svo er ég að fara á næturvakt á eftir, en það sem ég borða í nótt fer inn á næsta sólarhring.

En mikið var nú gaman að heyra frá ykkur aftur stelpur :D Kíki bloggrúnt seinna í kvöld, eða bara í nótt þegar ég er á vaktinni... þ.e. ef ég hef tíma.

Hvar eruð þið stelpur?

2006-02-07T22:52:00.000Z

Mér finnst ég bara allt í einu agalega einmana hérna. Finnst svo margar ykkar vera í einhverri bloggpásu, buhu. Jæja, ég vona að þið vaknið aftur fljótlega ;)

Fínn dagur hjá mér, fór í MRL tíma kl. 18:30 hjá henni Darcy, bara frábær tími. Hún er alveg meiriháttar skemmtilegur kennari ;) Matseðillinn var svona:

Morgunmatur
2 sneiðar heimabakað speltbrauð
5 gr L&L
10 gr ostur 17%
5 gr St. Dalfour sulta - engifer/appelsínu
20 gr túnfiskssalat á la Lotta

Morgunkaffi
1 dós léttjógúrt með kiwi og perum

Hádegismatur
1 stór diskur heimalöguð grænmetissúpa
2 sneiðar Fitty samlokubrauð
10 gr L&L
30 gr ostur 17%
40 gr tómatsneiðar

Miðdegisverður
Rúgflögugrautur (rúgflögur eru svipaðar og hafragrjón, en taka lengri tíma í suðu) með 50 gr kotasælu, 1/2 banana, kanil, strásætu og 5 gr möndlum.
1 sneið heimalagað speltbrauð
5 gr L&L
12 gr skinka
5 gr jalapenos

Kvöldsnarl
2 sneiðar heimalagað speltbrauð
5 gr L&L
20 gr roastbeef
1 soðið egg í sneiðum

Síðkvöldsbiti
1 EAS próteinstöng, Carb Control - Chocolate Caramel Crisp

Heildin gerði 1680 kkal. sem er nú eiginleg í hærri kantinum. Samt merkilegt hvað það er hægt að borða mikið án þess að hitaeiningarnar fari upp úr öllu valdi. Og ok, ég veit að ég er að borða frekar mikið brauð, en þetta heimalagaða brauð sem ég gerði er bara ferlega gott ;) Er svo hrifin af svona þéttu, grófu brauði ;)

Annars er ég búin að vera svolítið í svekkelsisgírnum í dag. Þ.e. vera að svekkja mig yfir að hafa sleppt af mér svona beislinu og bætt á mig kílóum aftur. Sé það svo greinilega í speglunum í ræktinni að ég er ekki nálægt að vera í sama formi og ég var. Eeeeen, það kemur... og ég get þá bara hlakkað til að gleðjast yfir breytingunum aftur ;) Jamm, fæ að upplifa þetta aftur sko, hahaha, alltaf að reyna að sjá björtu hliðarnar sko ;D

Jömmí jömmí!

2006-02-06T17:25:00.000Z

Ég er sko búin að vera rosa dugleg í dag. Að vísu kannski helst til mikið brauð, en só vott ;)

Allavegana þá fór ég í pallatíma í hádeginu, fín brennsla. Svo áðan þá tók ég mig til og bakaði gróft speltbrauð. Hafði að grunni uppskriftina hennar Sollu himnesku, en hafði það heldur grófara með því að setja í það speltflögur og rúgflögur, ásamt sesamfræjum. Setti líka í það jóhannesarbrauðmjöl (Carob powder). Það var bara mjög fínt. Svo eldaði ég alveg yndislega grænmetissúpu, mikið rosalega er hún góð. Finnið uppskriftina á Léttum Réttum, ég sleppti reyndar beikonbitunum ;)

Set inn matseðilinn seinna í kvöld, á eftir að fá mér eitthvað meira á eftir ;)
----------------------------------------------------------------------------------

Jæja, hér er matseðill dagsins:

Morgunmatur
2 sneiðar Fitty samlokubrauð
10 gr L&L
16 gr ostur 17%
10 gr St. Dalfour sulta - appelsínu/engifer
30 gr Túnfiskssalat á la Lotta

Hádegismatur
2 sneiðar Fitty samlokubrauð
60 gr Túnfiskssalat á la Lotta

Síðdegiskaffi
70 gr gulrætur
2 sneiðar heimabakað gróft speltbrauð
10 gr L&L
10 gr ostur 17%

Kvöldmatur
2 diskar heimalöguð grænmetissúpa

Kvöldsnarl
1 stk. EAS próteinstöng - karamellu/súkkulaði
ofnbakaðar eplaskífur (1 epli) með kanil, strásætu og 10 gr möndlum. Vanilluskyr.is út á, ásamt 50 gr sykurlausu sýrópi.

Þetta gerði um 1460 kkal. og er ég mjög sátt við það ;)

10 gr St. Dalfour sulta - appelsínu/engifer

Þreytt þreytt þreytt!

2006-02-05T20:12:00.000Z

Er gjörsamlega úrvinda eftir helgina og hef bara enga orku í einhverja líkamsrækt í dag. Búið að vera mikið að gera í vinnunni, var á kvöldvakt/morgunvakt í gær/dag og er alveg hrikalega þreytt. Ætla bara að hvíla mig í kvöld og hef nákvæmlega ekkert samviskubit yfir því. Hins vegar ætla ég í pallatímann í hádeginu á morgun, ætti nú að vera orðin úthvíld þá ;)

Matseðill dagsins var svona lala, sem er kannski helst því um að kenna að ég tók ekkert með til að borða í hádeginu og úrvalið í mötuneytinu var ansi lélegt. Fékk mér því hitaeiningaríkari hádegisverð en ég ætlaði mér. En það verður bara að hafa það, þetta var ekkert alslæmt ;) Svona leit þetta út:

Morgunmatur
Léttjógúrt með ferskjum og ástaraldinum. Fittybolla með túnfisksalati á la Lotta.

Morgunkaffi
Appelsína

Hádegisverður
Svínakjöt með kartöflum, blönduðu grænmeti og sveppasósu.

Síðdegiskaffi
Body for Life próteinstöng.

Kvöldmatur
Heimalagaðar hakkbollur, speltspagettí og ca 1/2 dl spagettísósa.

Samkvæmt hot.is gerði þetta ca 1750 kkal. Ég vil nefninlega halda hitaeiningunum um og undir 1500. Skipulegg daginn á morgun betur ;)

Geisp!

2006-02-04T07:04:00.000Z

Hversu ruglaður er maður að vera sestur við tölvuna klukkan sjö á laugardagsmorgni? Jæja, ég hef þá afsökun að ég þurfti að skutla kærastanum í vinnuna klukkan rúmlega sex. Er nú samt grútsyfjuð og þyrfti að leggja mig smá. Á síðan tíma fyrir stelpurnar í klippingu á eftir. Hjalti er reyndar enn smá lasinn, en miklu skárri. Þannig að ég held að það verði allt í lagi að taka hann bara með. Get jafnvel farið í ræktina á eftir ef ég hef tíma þegar ég er búin með stelpurnar í klippingunni, er nefninlega að fara að vinna kl. 15:30.

En já, í dag er dagurinn sko. Nú verð ég að taka þetta af fullri alvöru og ekki fara langt út af sporinu. Verð bara að skipuleggja matseðil fyrir hvern dag, allavegana svona nokkurnvegin. Ætla líka að skipuleggja svolítið hreyfinguna hjá mér. Annars sýnist mér að ég komist ekki í ræktina í dag. Barnapössunin bara til 13:15 og ég held að ég nái ekki að æfa fyrir þann tima. Og ekki kemst ég í Baðhúsið á morgun þar sem það er bara opið til kl. 14, en ég er að vinna til kl. 16. Nema ég fari bara í Sporthúsið í staðin, þar er opið alveg til 22:30. Já, ætli ég stefni ekki á það, fara bara í Sporthúsið annað kvöld og orba aðeins og taka kannski smá lóð ;)

Hér er síðan smá plan fyrir næstu viku í sambandi við hreyfinguna:

Mánudagur: BodyStep-exp. kl. 12:05
Þriðjudagur: MRL kl. 18:30
Miðvikudagur: Frí
Fimmtudagur: BodyPump kl. 19:35
Föstudagur: Pallar/Lóð kl. 12:05
Laugardagur: MRL kl. 9:30
Sunnudagur: Frí

Er þetta ekki bara alveg stórfínt? :D Jæja, ætla að leggja mig smá á meðan sonurinn horfir á Tomma og Jenna ;)

FINALLY!!!

2006-02-03T11:59:00.000Z

Já loksins er ég búin að fá tölvuna mína í lag og tengja hana við netið. Hins vegar hef ég alls ekki verið nógu dugleg í átakinu, svo nú er komin tími til að breyta því. Var að skoða myndir af mér síðan í mars í fyrra og ég var svooooo flott og grönn þá. Og mér sem fannst ég eiginlega enn vera feit á þeim tímapunkti, hehe, svona er maður alltaf feitur inni í hausnum á sér.

En já, nú verð ég bara að setja mér markmið. Set mér núllpunkt á morgun og svo ætla ég að gefa mér 8 vikur til að losa mig við 5 kg. Þannig að 1. apríl næstkomandi ætla ég að vera 5 kg léttari en ég er núna. Að vísu er ekki séns að ég komist í ræktina í dag, er heima með soninn sem er lasinn og svo fer ég að vinna kl. 18 og er að vinna til 23:30. Reyni að komast á morgun, en það er samt ekki víst að ég komist þá heldur. Fer allt eftir hvernig litli kútur verður. Er líka að vinna kvöldvakt þá, frá 15:30-23:30. En ég ætla að passa mataræðið vel ;) LOFA!!!

Alveg að koma febrúar

2006-01-31T12:23:00.000Z

Sorry stelpur mínar hvað ég hef verið léleg við að blogga síðustu viku. Verð víst að viðurkenna að ég er heldur ekkert búin að vera nógu dugleg í átakinu. En það er bara búið að vera mikið að gera. Matarboð á föstudaginn hjá mömmu og svo var afmælisveisla miðstelpunnar á laugardaginn og svona sitt lítið af hverju. En nú er ég allavegana alveg að fá tölvuna mína í gagnið aftur og þá ætti ég nú að geta verið aðeins duglegri að netast ;) Svo er bara janúar alltaf langur og leiðinlegur mánuður og svolítið strembinn fjárhagslega. Það er ekki praktískt að eignast tvö janúarbörn sem vilja að sjálfsögðu halda smá afmælisveislur. Nógu er maður nú blankur eftir jólin. En á morgun er nýr mánuður og þá verður sko keypt inn almennilegt fæði hér ;) Mikið verður það gott.

En ég ætla að drífa mig í ræktina einhverntíman á eftir, tek bara krakkana með mér og leyfi þeim að fara í gæsluna á meðan, þeim finnst það æðislegt ;)

Jæja, verð víst að rjúka. Ég er nefninlega á sjálfsvarnarnámskeiði í dag og á að vera mætt aftur kl. 13. Skrapp bara í mat. Deildin mín er að senda okkur á svona námskeið, sem er bara hið besta mál því það koma nú alltaf af og til inn sjúklingar sem eru ofbeldishneigðir og geta verið hættulegir.

Reyni að fara bloggrúnt í kvöld. Tata :D

Úffapúff!

2006-01-25T13:10:00.000Z

Ég er nú enn ekki komin á fullt skrið aftur, hef ekkert komist í ræktina og mér finnst það bara verulega óþægilegt. En ég fer pottþétt á morgun. Var á kvöldvakt í gær og í dag og hafði bara nóg að stússast fyrripartinn svo ég komst ekki í háegistímann minn í dag. En á morgun er ég á dagvakt og ætla að drífa mig í einhvern tíma eftir vinnu.

Annars átti miðstelpan mín afmæli í gær og varð 6 ára, algjör pæja ;) Hún er hjá pabba sínum þessa vikuna, en það verður haldin afmælisveisla á laugardaginn. Stórmerkilegt hvað þessi börn manns stækka hratt.

Já, og svo sýndist mér ég reka augun í smettið á sjálfri mér utan á Séð og Heyrt blaðinu í dag. Mér varð nú bara svo mikið um að ég dreif mig út úr búðinni, hahaha. Vissi náttúrulega alveg að það myndi birtast viðtal við mig í þessu blaði, en þetta var samt svo skrýtið að ég fór eiginlega bara hjá mér, hehe. Þannig að ég er ekki einu sinni búin að lesa þetta sjálf. Sagði kærastanum að fara og kaupa blaðið, þá getur hann skoðað þetta á meðan ég er ekki heima :Þ og svo get ég gluggað í þetta þegar ég er búin á kvöldvaktinni. Þannig að stelpur mínar (og strákar ef einhverjir eru), ef ykkur langar að skoða þetta viðtal þá er bara að kíkja í Séð og Heyrt.

Jæja, farin að ná í stóru stelpuna... sem er víst orðin ELLEFU ára. Og ég sem er kornung!?!?!?!

Komin aftur

2006-01-24T09:44:00.000Z

Júbb, ég er komin aftur. Skemmti mér alveg konunglega á laugardaginn. Hins vegar var sunnudagurinn ekki eins góður, datt í algjört þynnkufæði með snakki og nammi og öllu saman. Gærdagurinn var líka frekar slappur, en ég er að reyna að taka mig á í dag, þýðir ekkert annað sko ;)

Fríhelgi

2006-01-21T09:52:00.000Z

Bara láta ykkur vita að ég er hér og langt frá því að vera eitthvað hætt ;) En ég ætla að eiga frí þessa helgi, þ.e. ég ætla að slappa af í mataræðinu. Samt er ég ekkert að sleppa mér gjörsamlega, en ég er að fara í tvö svona semi-stórafmæli í kvöld, 25 og 35 ára, og ætla að fá mér bjór og kannski eitthvað snakk. Þetta eru samt engar matarveislur, en ég ætla að djamma aðeins ;)

Njótið helgarinnar stelpur ;)

Næturvaktablaður ;)

2006-01-19T01:55:00.000Z

Jamm, ég sit hér á næturvaktinni og nota tækifærið fyrst ég hef aðgang að tölvu. Mín er nefninlega enn biluð og kærastinn var að fara með sína í yfirhalningu og fær hana ekkert aftur fyrr en í fyrsta lagi á morgun.

En já, enn gengur mér bara mjög vel. Hitaeiningar gærdagsins voru um 1470 sem ég er mjög sátt við. Finnst fínt að halda þeim um og undir 1500. Það voru náttúrulega engir hefðbundnir máltíðstímar þar sem ég var á næturvakt. Ég nennti síðan ómögulega að vakna fyrir hádegi og fara í pallatímann, enda komst ég ekki til að sofa eftir næturvaktina fyrr en kl. 10. En í staðin prófaði ég Body Pump tíma sem var kl. 17:25 og það var bara þrælfínt. Reyndi ekki mikið á þolið, en hins vegar var reynt á vöðvana. Gott að blanda svolítið saman svona þol- og "pumpu-" tímum ;)

Jæja, ætla að sjá hvort ég þurfi að vinna eitthvað ;) Vonandi verður einhver heimilistölvan komin í lag á morgin (á eftir ;).

Ánægð og bjartsýn

2006-01-17T13:09:00.000Z

Já, ég var eitthvað svo ánægð með töluna sem ég sá á vigtinni í morgun. Þó hún sé nú langt frá því að vera mín óskatala, þá er ég samt að léttast og það er nú árangurinn sem ég vil sjá ;) Annars finn ég alveg að ég er langt frá því að vera eins háð vigtinni og ég var og hundrað grömm til eða frá trufla mig ekki neitt. Er miklu afslappaðri gagnvart þessu og það finnst mér gott.

Annars hefur dagurinn bara byrjað vel. Ákvað að sleppa ræktinni í dag, er að fara á námskeið á eftir og svo á næturvakt. Finnst það alveg nóg svo ég svaf bara fram eftir í morgun til að eiga nú orku fyrir seinnipartinn og nóttina. Ætla nú samt að reyna að vakna og fara í pallatíma í hádeginu á morgun ;)

Helgin búin

2006-01-16T14:52:00.000Z

Ég var að vinna alla helgina og ég hreinlega komst ekki í að skrifa niður og reikna allt sem ég borðaði. Hins vegar var ég ekkert að detta í nammið, en að vísu fékk ég mér smá bjór á laugardagskvöldið. Vigtin er ekkert að fara upp á við og þá er það bara enn ein vikan í baráttunni við aukakílóin ;) Dreif mig í pallatíma í hádeginu og það var mjög hressandi. Smelli kannski inn seinna í dag matseðlinum ef ég kemst í tölvuna ;)
-----------------------------------------------------------------------------
Jæja, hér er matseðillinn svona í fljótu bragði:

Morgunmatur:
Létt AB mjólk með múslí, 1/2 banana og strásætu.

Hádegismatur:
Linsubaunaréttur með nautahakki, sletta af sýrðum rjóma (10%), 1 sneið búmannsbrauð með létt og laggott.

Miðdegisverður:
2 litlar sneiðar af margaríta pizzu frá Ömmubakstri (amm, ekkert voða hollt, æ nó), hafragrautur með kotasælu, banana, kanel, strásætu og smá möndluspónum.

Kvöldsnarl:
1 sneið búmannsbrauð með eggjum og létt og laggott.

Millibiti:
1 EAS Carb Control próteinstöng, 2 mandarínur.

Jamm, þetta gerði nánast akkurat 1500 kkal., sem er bara allt í lagi ;)

Stutt blogg

2006-01-13T14:22:00.000Z

Takk fyrir stuðninginn stelpur.

Þetta verður bara stutt blogg í dag, er að fara á kvöldvakt. Fór í ferlega góðan tíma í hádeginu: Pallar og lóð. Kom sko kófsveitt út úr honum. Sýnist líka talan á vigtinni vera aðeins farin að síga niður á við, gaman gaman ;D.

Jæja, ætla að fá mér smá að éta áður en ég fer á vaktina ;) Bless í bili.

Smá rugl, en allt í lagi

2006-01-12T20:42:00.000Z

Það var nefninlega engin regla á máltíðunum hjá mér í dag, þannig að ég ætla ekkert að skrifa þær niður. Fékk mér afganginn af tortillunum og því frá í gær og svo bara eitthvað tilfallandi. Freistaðist reyndar í smá konfekt, en það skemmdi ekkert of mikið samt sem áður. Reiknaði kaloríur dagsins og þær reyndust vera ca 1450. Það sleppur alveg. Fór reyndar ekki í ræktina, var bara upptekin fyrri part dags og svo á námskeiði frá 16-20. Hreinlega nennti ekki, enda er ég með dúndrandi hausverk og ætla bara að nota það sem afsökun.

Annars er svo skrýtið að ég er miklu meira viðkvæmari fyrir blogginu mínu og þyngdinni minni núna en ég var. Ja kannski ekkert svo skrýtið. Það er einhvernvegin miklu minna mál að segja hvað maður er þungur þegar maður er bara að taka stefnuna niður, en leiðinlegra að viðurkenna að maður hafi þyngst aftur. En talan verður sett hér inn einhverntíman, bara ekki alveg strax.

Svo finn ég að ég er svolítið viðkvæm fyrir því að kærastinn minn viti of mikið um þetta hjá mér. Jú, hann veit svo sem alveg að ég er með einhverja svona bloggsíðu og að ég hafi verið miklu þyngri en ég er núna, en hann þekkti mig aldrei þegar ég var sem þyngst og ég er ekkert viss um að ég vilji neitt að hann sjái myndir af mér þannig. Skrýtið. Samt er ég ekkert að banna honum að skoða þetta, er bara ekkert að auglýsa það fyrir honum heldur. Ég er líka svolítið feimin við það að vera að mæla og vigta matinn minn fyrir framan hann... æ maður er svolítið klikk :Þ Þarf bara að lemja sjálfa mig aðeins og koma því inn í hausinn á mér að það skipti ekki rassgat máli hvað öðrum mögulega finnst um þetta átak hjá mér. Ég er að gera þetta fyrir mig, ekki neinn annan og ég veit að þessi aðferð virkar fyrir mig... svo ég ætla að halda henni áfram ;)

Skjáumst svítípæs :D

Magur dagur

2006-01-11T21:30:00.000Z

Já, þetta var bara ansi magur dagur hjá mér. Matseðillinn var ca svona:

Morgunmatur
Hafragrautur með kotasælu, strásætu, möndlum og kanel.

Hádegismatur
Grænmetisblanda og rækjur með bráðnum osti (bara hitað í örbanum).

Kvöldmatur
Speltortillur með linsubaunarétti og nautahakki, kotasæla út á.

Kvöldkaffi
EAS Advant Edge Bar - Carb Control - caramel/apple.

Þetta reiknaðist mér til að væru ca 970 kkal., sem er náttúrulega frekar lítið. En kannski bæti ég þetta upp á eftir með ávexti eða einhverju öðru léttu og góðu.

Ég fór í pallatíma í hádeginu, mjög fínt ;) Ég er bara mjög ánægð með þennan dag. Vigtin reyndar hefur ekkert farið niður, en ég hef að vísu ekki verið að vigta mig á mína vigt. En nú ætla ég bara að fara eftir henni.

Jæja, ég tók Charlie and the Chocolate Factory á DVD í dag og ætla að horfa á hana með kærastanum núna. Elísa fær bara að horfa á hana á morgun, því klukkan er víst orðin of margt fyrir bráðum ellefu ára stelpur sem þurfa að mæta í skólann í fyrramálið.

Sjáumst dúllur :D

Langur dagur

2006-01-10T21:46:00.000Z

Já, ég mætti í vinnu klukkan átta og vann til fjögur, og síðan var ég í gipskennslu... eða upprifjun eiginlega, til klukkan sjö. Fór ekki í ræktina í dag, enda ætlaði ég mér að sleppa henni núna. Er með duglegar harðsperrur síðan í gær. En ég ætla að fara aftur í pallatíma í hádeginu á morgun.

Svo er ég búin að vera svaka dugleg að vigta og mæla matinn minn í dag. Setti þetta allt inn á www.hot.is og fæ út nánast akkurat 1500 kkal. fyrir daginn. Er mjög sátt við það. Nenni samt ekki að skrifa matseðilinn inn núna. En það kemur síðan líka ;)

Jæja, þreytt og ætla bara aðeins að sörfa og slappa af ;)

Helgin búin

2006-01-09T14:43:00.000Z

Sem betur fer segi ég eiginlega. Ég nefninlega klúðraði alveg mataræðinu um helgina. En ég ætla ekki að dvelja við það. Í dag er nýr dagur og ég passa mataræðið vel og er búin að fara í ræktina. Fór í pallatíma í hádeginu sem var bara mjög fínn.

Jæja, hef lítinn tíma, er að fara á kvöldvakt svo ég þarf víst að fara að drífa mig. Fer bloggrúntinnn seinna og kíki á ykkur ;)

Sátt ;)

2006-01-06T22:53:00.000Z

Já, ég er bara sátt við daginn. Mikið að gera í vinnunni og mér fannst ég bara gera heilmikið gagn. Búin að standa mig vel í mataræðinu og druslaðist svo í ræktina þrátt fyrir að ég nennti því nánast ekki. Vissi bara að ég yrði svo ánægð þegar ég væri komin af stað, þetta er nefninlega svo hressandi. Nú get ég slappað af með góðri samvisku. En reyndar finn ég að ég verð að fara að skrifa niður það sem ég borða svo ég hafi meiri stjórn á magninu. Skellti matseðlinum lauslega inn á www.hot.is til að sjá svona ca hvað ég væri að borða, og fékk út rúmlega 1770 kkal. Ekkert ofát svo sem, en ef ég ætla að léttast eitthvað af viti þá þyrfti ég nú að halda mig um og undir 1500 kkal. En já, ég er samt sátt við daginn ;)

Þreytt, en ánægð :)

2006-01-05T23:36:00.000Z

Ætla bara að hafa þetta stutt núna, er grútsyfjuð. En dagurinn hefur bara gengið mjög vel. Hvíldi mig á ræktinni í dag, en fer á morgun. Mataræðið er bara fínt og svo er næsta skref að fara að vigta og skrifa þetta niður eins og ég gerði.

Bið bara að heilsa í bili, ætla að reyna að sofa betur í nótt en síðustu nótt.

Smá kvöldblogg

2006-01-05T00:10:00.000Z

Ég fór sko í Baðhúsið áðan og dreif mig bara á Orbitrekkið, eða hvað sem ég á nú að kalla þetta. Reyndar öðruvísi tæki en ég er vön, en þetta virkar nú allt voða svipað. Vantaði reyndar tónlistina mína þar sem mp3 spilarinn gaf upp öndina einhverntíman í haust. Þarf nauðsynlega að fjárfesta í nýjum ;)

Annars var ég að hugsa að mér finnst næstum því gaman að vera að fara í þetta ferli aftur. Ja, ég hefði svo sem alveg viljað geta sleppt því, en fyrst svona er komið þá er um að gera að reyna að líta á jákvæðu hliðarnar. Það rifjaðist upp fyrir mér í ræktinni áðan hvað það er gaman að sjá líkamann breytast og verða flottari, sjá kílóin hverfa og finna þolið koma. Þannig að þetta verður bara fínt ferli... aftur :Þ

Hey já, ætla að skella hér inn fiskrétti sem ég gerði um daginn, alveg rosa góður. Þetta er nú engin svaka uppskrift en allavegana þá tók ég bara ýsuflök og roðfletti og skar í bita. Raðaði þeim svo í eldfast mót. Næst tók ég 3 hvítlauksrif og pressaði, 2-3 cm af ferskri engiferrót og reif niður, blandaði þessu saman ásamt 1 msk af ólívuolíu. Þessu gumsi dreifði ég svo yfir fiskinn og saltaði svo smá líka og lét það standa í smá stund. Svo skar ég niður ferska sveppi og dreifði yfir. Blandaði svo saman léttri AB mjólk og smá léttu majónesi, kryddaði það með salti, pipar og Estragon minnir mig, og hellti yfir. Þetta bakaði ég svo í ofni og setti síðan svolítinn 17% ost yfir í lokin og lét bráðna.

Með þessu hafði ég síðan brún hrísgrjón og villihrísgrjón blönduðum saman. Þessi réttur var bara æðislega góður. Ótrúlega gott að blanda svona saman engifer og hvítlauk. Svo held ég að það hafi verið AB mjólin sem gaf réttinum svona smá eins og keim af sítrónu, allavegana eitthvað svona smá súrt bragð sem passaði rosalega vel með þessu :D

Skal skella uppskriftinni inn á Létta Rétti þegar ég er búin að finna út einhver hlutföll og magn og svona ;)

Ræktin bíður ;)

2006-01-04T17:58:00.000Z

Fínn dagur í dag. Svaf reyndar lítið eftir næturvaktina, þurfti að vakna um hádegi og fara á smá flakk. En það er í góðu lagi, þá sofna ég kannski á skikkanlegum tíma í kvöld, enda vinna í fyrramálið.

Er enn alveg í hollustunni, líður alveg svakalega vel með þetta. Fæ eiginlega bara svona "ég er komin heim" tilfinningu. Þetta er mitt mataræði, mín rútína og það sem ég þekki og líður vel með :D Svo ætla ég að drífa mig í Baðhúsið á eftir og taka smá á því. Sé reyndar engan tíma í kvöld sem mig langar í. Reyndar er Body Balance tími, sem er alveg örugglega mjög góður, en ég hef svona þörf fyrir að taka góða brennslu núna ;) Þannig að ætli ég fari ekki bara í tækjasalinn ;)

Jæja, þarf að skjótast að ná í stóru skvísuna mína, hún var í Kringlunni að pæjast með vinkonu sinni... púff... hún er að verða 11 ára :S

Reyni að komast bloggrúnt á eftir :) Tata!

Góðan dag ;)

2006-01-03T15:01:00.001Z

Nývöknuð hér... var sko á næturvakt í nótt. Alveg brjálað að gera.

En allavegana gekk gærdagurinn bara mjög vel, engin óhollusta. Bjó mér til fína túnfiskssalatið hennar Lottu til að hafa ofan á brauð. Eða mig minnir að hún hafi sett fram upprunalegu uppskriftina allavegana ;) Ég notaði bara hreint skyr og tómatpuré og blandaði saman, eitt maukað hvítlauksrif og eina dós af túnfiski... rosa gott ;)

Já og svo keypti ég mér kort hjá Iceland Spa & Fittness í gær. Hafði reyndar ekki tíma til að fara í ræktina þá, en tryggði mér allavegana kort. Rosa fínt tilboð hjá þeim, 4ja mánaða kort á 12.500 kr. Kortið mitt hjá Laugum var einmitt að renna út, svo ég ákvað bara að prófa þetta ;) Vonandi kemst ég í ræktina á eftir, en ég þori samt ekki að lofa. Er að fá vin minn í heimsókn, en hann býr í DK og er að fara út aftur á fimmtudaginn, og svo er ég að fara á aðra næturvakt í nótt. En á morgun ætti ég deffínettlí að komast ;)

Kíki bloggrúnt á eftir, þarf að skjótast út núna. Bless í bili ;)

Nýtt ár og ný byrjun

2006-01-02T12:53:00.000Z

Jæja stelpur, ég er komin aftur. Ákvað hreinlega að byrja bara nýtt líf á nýju ári. Ætla að standa mig rosalega vel næstu vikurnar. Nú ætla ég að byrja á að taka mataræðið vel í gegn og fara svo að hreyfa mig almennilega aftur. Er mjög jákvæð fyrir þessu núna og tilbúin í slaginn ;)

Annars segi ég bara gleðilegt ár elskurnar mínar. Tölvan mín er reyndar dáin og ég er ekki búin að fara með hana í viðgerð, en ég reyni að stelast í tölvuna svona af og til heima hjá kærastanum ;)

Gangi okkur svo bara öllum rosalega vel á nýju ári og verðum orðnar flottar í sumar ;)

Er alltaf á leiðinni

2005-11-14T09:59:00.000Z

En það dugar víst ekki til að vera bara alltaf á leiðinni, maður verður víst að koma sér almennilega af stað líka og komast á áfangastað. Takk Bollan fyrir gott spark í rass. Þetta er alveg rétt hjá þér.

Ég finn að mig vantar skipulagið. Ég verð að fara að setja hlutina betur niður og plana fram í tímann, annars verður þetta bara alltaf eitthvað hálfkák. Er reyndar búin að vera að vinna helling og er dauðþreytt og ætla að hvíla mig svolítið í dag. En svo þegar ég er búin að því þá ætla ég að setjast niður og skipuleggja svolítið næstu daga, bæði með tilliti til mataræðis og hreyfingar. Ætla í ræktina seinnipartinn í dag, eða í kvöld. Ætla líka að fara að grafa fram uppskriftirnar mínar svo ég geti eldað eitthvað hollt og gott, hafa reglulegar máltíðir og sleppa óhollu narti á milli mála. Hefði varla trúað hvað það er auðvelt að detta aftur í óhollustuna, en það er sko enginn vandi. En nú verð ég að snúa þessari þróun við.

Jæja, ætla að fá mér eitthvað hollt í morgunverð og síðan leggja mig, er gjörsamlega úrvinda eftir helgina sem fór öll í vinnu.

Sjáumst stelpur og takk fyrir að gefast ekki upp á mér.

Brjálað að gera

2005-11-07T21:38:00.000Z

Já, var það ekki ég sem ætlaði að vera dugleg að blogga? *hóst* En það er reyndar búið að vera rosa mikið að gera. Við vorum nefninlega að halda upp á sextugsafmælið hans pabba um helgina og það var heilmikið stúss og undirbúningur fyrir það. En það tókst alveg rosalega vel svo nú hef ég ekki lengur neina afsökun fyrir að blogga ekki. Svo það er best að koma með einhverja almennilega færslu á morgun ;)

Spark spark í rass!!!

2005-10-27T09:26:00.000Z

Jább, nú duga engin vettlingatök. Best að fara bara að vigta og mæla og skrifa allt niður eins og í "gamla daga", hehehe. Er að hugsa um að baka brauð í dag og svo ætla ég að sjálfsögðu að skella mér í ræktina. Finn að fötin eru farin að þrengjast á mér og mér líkar það EKKI!!!

Ó meeen!

2005-10-26T16:46:00.000Z

Ég er hér... bara ekkert dugleg :S Verð að fara að taka mig almennilega á. Ætla að fara að baka mitt eigið brauð, finnst brauðið sem er í boði hér alveg frekar glatað. Stutt blogg í dag, bara að láta vita af mér ;) Ætlaði eiginlega í ræktina í kvöld, en svo er ég víst bara á leiðinn í þáttinn með Sirrý. Verður gaman að hitta fleiri átaksbloggara svona í eigin persónu.

En ég lofa svo að verða duglegri að blogga núna ;)

LuvYah all!!!

Buhu!

2005-10-11T14:31:00.000Z

Já, ég er bara lasin. Þurfti endilega að fá blöðrubólgu og er komin á sýklalyf... sem eru sem betur fer örsnögg að virka. Þannig að ég reikna með að vera orðin alveg góð á morgun aftur.

Helgin fór nú bara í bjórdrykkju og kelerí :Þ Ósköp gaman.

En á morgun hefst hollustan aftur. Meikaði ekki ræktina í gær vegna verkja, og ætla að hvíla mig í dag, en reikna með að fara á morgun.

Sjáumst skvísur.

P.S. Ég er svooooo skotin ;D

Komin í gírinn... að mestu ;)

2005-10-06T20:13:00.000Z

Mér er bara búið að ganga mjög vel. Alveg haldið mig við hollustuna, fyrir utan eina hrösun í dag, en þá freistaðist ég til að fá mér eitt snickers í vinnunni *roðn*. En ég fór líka í ræktina eftir vinnu og púlaði vel.

Svona í fljótu bragði þá fékk ég mér gróft rúnnstykki með osti, gúrku og tómötum í morgunmat og kjúkling með gratíneruðum kartöflum og brúnni sósu í hádegismat (ok, kannski ekki það allra hollasta, en sleppur). Svo stalst ég í þetta blessaða snickers um tvöleytið :S Síðan fékk ég mér 1 Advantage bar þegar ég kom heim úr vinnunni áður en ég dreif mig í ræktina, og svo var ég að borða kvöldmat, sem var tortilla með linsubaunabuffi og ferskt grænmeti með. Mjög gott.

Jæja, er farin að heimsækja kærastann ;)

Byrjar vel ;)

2005-10-04T11:15:00.000Z

Já, er mjög ánægð með bæði gærdaginn og það sem liðið er af þessum degi. Er bara alveg innstillt á hollustuna núna og líður vel með þetta. Fékk mér skyrdrykk og Fitty brauðsneið í morgunmat... sakna reyndar afskaplega brauðsins í Noregi, það er svo gott og flott úrval af góðum og hollum brauðum þar. Mér finnst þetta eiginlega algjört prump hér. En það verður að spila úr því sem maður hefur ;) Eníveis, þá ætla ég bara að fá mér afgangana frá kvöldmatnum í hádegismat núna, bráðhollt alveg ;)

Sé til með ræktina í dag, en ég er nú að hugsa um að fara samt ;) Ætla bara ekki að drepa mig alveg eins og ég var nánast búin að gera í gær :Þ

-------------------------------------------------------------------------------

Ég var sem sagt klukkuð ;) Hér koma fimm "useless information" um mig ;)

1. Táin við hliðina á stóru tánni er miklu lengri en stóra táin.
2. Mér finnst óþægilegt að drekka síðasta sopann úr glasinu, þess vegna bæti ég yfirleitt meiru í það áður en það er orðið tómt. Á við um alla drykki sem ég drekk. Ef ég þarf að klára síðasta sopann vil ég helst hafa glasið allavegana tæplega hálft og þamba restina.
3. Ég er skotin í strák og líður eins og ég sé orðin 17-18 ára aftur hvað það varðar ;)
4. Mig langar að komast undir 70 kg. eins og ég var orðin í vor.
5. Ég get verið ferlegur perfeksjónisti, sem háir mér stundum þegar ég festist í smáatriðunum... en getur reyndar líka verið kostur ;)

Ég veit ekki hverjar hafa verið klukkaðar, en best að ég klukki bara Bryndísi og 75 kg ;)

Stund sannleikans

2005-10-03T16:19:00.000Z

Jamm, steig á vigtina þegar ég vaknaði og þó svo að talan væri sjokkerandi, þá var hún samt ekki eins sjokkerandi og ég var smeyk um: 78,3 kg. Er þó ekki komin yfir 80 kg. En allavegana, þá er bara að koma sér í hollustuna aftur og losa sig við fyrstu 5 kílóin. Ætla að fara á eftir og kaupa mér 3ja mánaða kort í World Class í Laugum. Bara drífa sig af stað aftur ;)

Jæja, dugar ekki að slóra, er farin í ræktina ;)

-----------------------------------------------------------

Þá er ég komin heim aftur, búin að púla í ræktinni og gerði næstum út af við mig. Gleymdi aðeins að spá í að ég er ekki búin að hreyfa mig almennilega í mánuð og var sem sagt bara ekki alveg með sama þolið og áður. En þetta kemur nú eflaust allt fljótt aftur.

Var að borða kvöldmat, eldaði kjúkling í appelsínu og möndlusósu á la Lindberg og hafði brún hrísgrjón og villihrísgrjón með, ásamt fersku salati. Rosalega gott ;) Var ekkert að vigta allt og mæla núna, er bara aðeins að koma mér í gírinn fyrst ;)

Örblogg

2005-10-02T19:36:00.000Z

Hef svo lítinn tíma nefninlega ;) Er að fara á næturvakt á eftir.

En allavegana, ekki er nú átakið komið í fullan gang, hvorki með hreyfingu né mataræði, en ég er þó búin að halda mig algjörlega frá súkkulaðinu ;) Ætli það sé ekki bara best að hafa opinbera vigtun á morgun, þá eru næturvaktirnar búnar. Fer bloggrúnt á morgun þegar ég er búin að sofa eftir næturvaktina ;)

Vonandi hafið þið haft það gott um helgina.

Þið eruð yndislegar

2005-09-30T11:15:00.000Z

Vá hvað þið eruð æðislegar. Ég var svo hrædd um að ég væri dottin út úr öllu og enginn myndi eftir mér, hehe, en því er nú greinilega öðru nær.

Enn er ég ekki komin almennilega af stað, en morgundagurinn er enn planlagður sem fyrsti dagurinn í þessari átakshrinu. Gott að vera byrjuð að skrifa aftur, heldur manni svo miklu betur við efnið.

Annars er ég að fara á næturvaktir um helgina, býst alveg við að það verði mikið að gera. Er að vinna á slysó og það er nú sjaldan lognmolla þar, sérstaklega ekki um helgar. Þannig að þið fyrirgefið mér ef ég skrifa ekki mikið um helgina og fari ekki alltaf bloggrúntinn. En ég ætla nú að reyna að skrifa smá samt.

Jæja, nóg að gera hjá mér í dag, sjáumst ;)

Long time no see!

2005-09-29T08:34:00.000Z

Já það má svo sannarlega segja það. Hef verið ofsalega ódugleg við bloggið undanfarið, þ.e. hef bara ekki bloggað neitt í nokkra mánuði held ég bara. En nú er kominn tími á að breyta því.

Ég er svo sannarlega ekki búin að vera dugleg í mataræðinu undanfarið og það finnst líka á fötunum og sést á vigtinni. Hún er komin hættulega nálægt 80 kílóunum og nú bara verð ég að gera eitthvað áður en allt fer virkilega til fjandans. Ég ætla nefninlega aldrei að verða feit aftur.

Ég var nokkuð dugleg í ræktinni í september, keypti mér kort í Laugum og líkaði mjög vel. Svo fyrirfórst einhvernvegin að kaupa kort aftur í september, en núna er alveg að koma að útborgunardegi og ég ætla að kaupa mér kort þarna aftur og fara að drífa mig af stað, ég bara verð. Finnst virkilega óþægilegt að komast ekki að æfa.

En allavegana, stefnan er tekin á að losa mig við 10 kg í þessari lotu. Ætla að skipta þessu í tvennt, þ.e. fyrst 5 og svo önnur 5. Þannig að núna byrja ég á þessum 5. Reyndar ætla ég að byrja formlega akkurat um mánaðarmótin og þá mun verða opinber vigtun (hjálp), en þangað til ætla ég bara að reyna að finna gírinn minn aftur í mataræðinu, trappa niður óhollustuna o.s.frv.

Úff, hvað ég verð að kíkja bloggrúnt, allt of langt síðan síðast ;)

Hér er ég ;)

2005-06-22T21:55:00.000Z

Er ekkert að svindla sko, bara mikið að gera. Nú eru bara litlu krakkarnir og Bjöggi að fara á morgun, voða furðulegt eitthvað. En það er nú ekki svo langt þar til ég og Elísa förum líka.

Eníveis, æðislegt veður í dag og vigtin sígur niður á við aftur ;)

Gleðilega þjóðhátíð ;D

2005-06-17T20:09:00.000Z

En eitthvað fer nú lítið fyrir þeim degi hér ;) Hins vegar var síðasti dagur litlu unganna minna á leikskólanum hér í dag og þau voru kvödd með pompi og pragt, svolítið sorglegt.

Ég hef staðið mig rosa vel í dag. Fór í Tripp Trapp tíma og hef passað mataræðið. Hins vegar ætla ég að fá mér bjór í kvöld, svona í tilefni dagsins bara ;) Þannig að hitaeiningafjöldinn á eftir að aukast eitthvað, en svona hefur þetta verið hingað til:

Morgunmatur
polarbrauð gróft 1 stk. 193,2 kkal.
L&L 10 gr. 38 kkal.
kalkúnaskinka 1 sn. 11,6 kkal.
ostur 17% 16 gr. 43,4 kkal.

Hádegismatur
polarbrauð gróft 1 stk. 193,2 kkal.
L&L 10 gr. 38 kkal.
kalkúnaskinka 1 sn. 11,6 kkal.
banani 30 gr. 27 kkal.
Yoplait léttjógúrt 1% m. jarðarberjabragði 125 gr. 63,8 kkal.
Atkins Morning Shine m. súkkulaðibragði 1 stk. - 37 gr. 137 kkal.

Miðdegisverður
grillaður kjúklingur 150 gr. 180 kkal.
Wok grænmeti 150 gr. 45 kkal.
hvítlauksduft 1/2 gr. 1,8 kkal.

Kvöldsnarl
Atkins Advantage Fruits of the forest bar 1 stk. - 60 gr. 255 kkal.

Millibiti
Atkins Morning Shine m. súkkulaðibragði 1 stk. - 37 gr. 137 kkal.

Samtals gerir þetta 1375,6 kkal., en svo á bjórinn eftir að bætast við. Keypti samt svona lágkaloríu og lágkolvetna bjór ;)

Jæja, verð að koma börnunum upp í rúm, þau eru að verða alveg tjúll, svefngalsinn að gera út af við þau (og mig).

Held ég sé búin að hitta í gírinn ;D

2005-06-16T10:58:00.000Z

Takk fyrir spörkin stelpur ;) Ég held bara að ég sé búin að hitta í gírinn og ætla að halda honum þar. Furðulegt hvað ég virðist smella inn í hann svona allt í einu. Er búin að vera með svo mikla átsýki undanfarið og algjörlega nammisjúk, en í dag bara allt í einu hefur allt gengið í sögu og ég hef enga löngun í eitthvað óhollt. Fínn dagur matarlega og fór líka í ræktina og púlaði vel. Nú er bara að halda svona áfram ;) Hér er matseðillinn:

Morgunmatur:
polarbrauð gróft 1 stk. 193,2 kkal.
L&L 10 gr 38 kkal.
kalkúnaskinka 2 sn. 23,3 kkal.

Hádegismatur
Cultura 150 gr. 66 kkal.
ávaxtamüsli 30 gr. 102,3 kkal.
banani 96 gr. 86,4 kkal.
Lindbergbrauð 48 gr. 117,6 kkal.
kalkúnaskinka 1 sn. 11,6 kkal.
L&L 5 gr. 19 kkal.

Miðdegisverður
blandað ferskt salat 100 gr. 13,9 kkal.
rækjur 100 gr. 82 kkal.
létt Kesam 50 gr. 37 kkal.
hvítlauksduft 1/2 gr. 1,8 kkal.
Atkins Morning Shine m. súkkulaðibragði 1 stk. - 37 gr. 137 kkal.

Kvöldsnarl
polarbrauð gróft 1 stk. 193,2 kkal.
kalkúnaskinka 1sn. 11,6 kkal.
kotasæla 50 gr. 48 kkal.

Millibiti
Atkins Advantage decadence bar 1 stk. - 60 gr. 227 kkal.

Samtals gerði þetta 1408,9 kkal..

Er bara ánægð með mig ;) Ég veit svo sem alveg elsku dúllurnar mínar að það eru eki mörg kílóin sem ég þarf að losa mig við núna, en mér finnst ég bara vera komin hættulega nálægt 80 kg. Er svo hrædd um að ef ég fer yfir það þá verðu svo auðvelt að fara að vera enn meira kærulaus og fitna enn meira. Vil sko alls alls ekki verða aftur eins og ég var, og verð það heldur ekki ;) Get þó séð eitt gott í þessu, er allavegana búin að vera stabíl í kringum þessu 76 kg undanfarið, virðist ekki vera að fitna umfram það. En nú skal leiðin liggja niður á við í kílóatölunni ;)

Þetta er bara ekki að ganga >:(

2005-06-15T16:06:00.000Z

Fékk mér bara nammi í gærkvöldi og í dag er ég sko ekkert búin að borða neitt hollan mat. Fékk mér m.a. pylsum í hádeginu og snickers áðan. Fór svo að versla föt á krakkana, leit í spegilinn í mátunarherberginu og fannst ég bara FEIT!!! Viljiði PLÍS sparka í rassinn á mér, ég má ekki halda svona áfram. Voðalega er þetta eitthvað erfitt hjá mér núna. Hmm, ætla að stíga snöggvast á vigtina og fá sjokk...

... 76,5 kg... OJBARA!!!

Reyndar er ég nýbúin að borða svo býst við að morgunvigtin sé eitthvað minni, en samt er þetta allt of mikið. Þarf bara virkilega að koma mér aftur undir 70 kg. Fann að þar var ég sátt... er ekki sátt við þetta.

Já, það er ekkert elsku amma núna, nú bara verður ekkert meira svindl og rugl. Ætla ekki einu sinni að byrja á morgun, ætla að byrja akkurat nákvæmlega NÚNA!!! Dríf mig í ræktina á eftir.

Dah! Ég meina það!

2005-06-13T13:18:00.000Z

Fór ekkert í ræktina um helgina. Haldiði að hún Arna hafi ekki fengið þvgfærasýkingu svo við þurftum að taka þvagprufu, fara niður á læknavakt og bíða þar og fá svo sýklalyf. Jæja, hún er strax að skána. Ætla að drulla mér í leikfimi í kvöld. Mataræðið er ekki alveg komið í besta lag, en þó skárra en undanfarið. Er eiginlega farin að pirrast svolítið á mér, en það þýðir svo sem ekkert, bara reyna að standa sig. Núna t.d. DAUÐLANGAR mig í súkkulaðikex sem er til inni í skáp, en hef nú látið það eiga sig enn sem komið er :S

Þetta hlýtur að takast!

2005-06-10T20:40:00.000Z

Já, þetta hlýtur að takast á endanum. Ég var voða dugleg fyrripartinn, en missti mig svo í snakki og snúðum (litlum kanelsnúðum) í kvöld. Demitt sko. En ég fór allavegana í ræktina. Það verður bara taka þrjú á morgun ;) Ég veit að þetta kemur, bara tekur smá tíma að halda sér í gírnum ;)

Jújú, ég er hér

2005-06-10T06:35:00.000Z

Ætlaði reyndar að skella inn matseðli í gær, en var búin að gleyma að það var svona bekkjarskemmtun hjá bekknum hennar Elísu í tilefni af væntanlegum skólalokum, með fjölskyldugrilli og góðgæti í eftirrétt. Dagurinn gekk mjög vel framan af, fór í ræktina og var svaka dugleg, en leyfði mér svo gómsætt grill og kökur í eftirrétt. Þannig að ég bara nennti ekki að reikna út hitaeiningar gærdagsins.

En í dag er nýr dagur. Búin að fá mér hollan morgunverð og svo ætla ég í Tripp Trapp tíma á eftir. Þetta er sko allt að koma ;)

Kíki bloggrúnt í dag, ætla að byrja núna ;)

Jæja, stelpur, þetta gengur ekki lengur

2005-06-08T21:45:00.000Z

Nú kem ég mér almennilega í gang aftur. Byrja eiturhress á morgun í góðu mataræði og dugleg í ræktinni. Verð bara að fara að taka þátt í þessu almennilega aftur, lesa bloggin ykkar og setja inn matseðla o.s.frv. Sjáumst hressar á morgun ;)

Já og hér er ein ný sem ég fann, endilega hvetjið hana áfram ;)

http://www.blog.central.is/svakabolla

Fall er fararheill... eða vonandi

2005-06-07T18:13:00.000Z

Ég meina það, það á ekki af manni að ganga. Alltaf þegar ég held að nú sé allt að róast og ég geti farið að koma mér í rútínu aftur í ræktinni og svona, þá gerist eitthvað. Nú var ég að klára síðustu vaktirnar mínar um helgina og ætlaði sko aldeilis að fara að koma mér af stað, en nei nei. Elísa Auður, elsta stelpan mín, datt af hestbaki í gær og handleggsbrotnaði illa. Hún fór í litla aðgerð í morgun til að leggja brotið rétt og pinna það saman. Þannig að ég er búin að eyða megninu af deginum á spítalanum. Gaman, gaman! Vona að þetta sé nú síðasta ruglið í þessari lotu :S